#ندم_العمر
الفصل الثاني
بسم الله الرحمن الرحيم
كان واقف مصدوم من اللي هو شافه
بدات تتكلم ب ارتباك وخوف من انه يسألها على حاجة
جميله :يا استاذ مينفعش ال حضرتك بتعمله دا اطلع برا بدل ما اتصل بالبوليس
بصلها ب غضب وبعدين بص عليها.....كانت واقفه بتبص في الارض وبتعيط
طبطب على شعرها وابتسم وبدا يتكلم براحة
طه:انتي عايزه تروحي ل مامتك؟!
هزيت راسها ب اه
طه:انا هوديكي ليها....بس في شوية مشاكل صغيرة خالص ماما هتحلها وتيجي تاخدك علطول
اتكلمت ب فرحه وعلي وشها ابتسامه
حور:بجد!!...يعني انت ممكن توديني ليها.....يعني هما فعلا كانوا بيكدبوا عليا وماما كويسه صح؟!
سكت ثانيتين وبعدين هو راسه ب اه وعلى وشه ابتسامه صغيرة
حضنته ب فرحه
حور:هيييه.....طيب انا ينفع اشوفها امتي؟!
طه:ممم....هخليكي تشوفيها في اقرب وقت بس المهم دلوقتي تغيري هدومك علشان تيجي معايا
حور:حاضر
قامت بسرعه من على الأرض علشان تغير هدومها
بص للمربية اللي وقفها وبدأ يكلمها
طه:غيريلها هدومها وحضريلي شنطه فيها كل حاجات....يا ريت يكون بسرعه
سابهم وخرج من الاوضه.....خرجت وراه وبدات تكلمه وهي ماشيه
جميله: على فكره اللي انت بتعمله دا مش هسكت عليه انا هتصل ب ممدوح بيه اخليه يشوف شغله معاك او ممكن اتصلك ب البوليس
وقف مكانه وبصله ب غضب....طلع تلفونه من جيبه ومسك ايديها حط التلفون فيها
طه:اتفضلي....كلميه لو عرفتي توصليله
جميله: افهم من كده انك مش خايف من اللي ممكن يحصل فيك منه
طه:منتي مش هتوصليله اصلا.....ممدوح بيه بتاعك اتقبض عليه بعد ما قتل استاذه ملك بنت اخوه وانا جاي دلوقتي ب امر من كمال بيه جوز استاذه ملك
ربع أيده واتكلم بهدوء
طه:بس انتي هتكلمي البولي وتقوليلهم ايه
الحقوا في واحد جاي ينقذ بنت انا بعذبها في بيت اهلها....تصدقي صح كلمي البوليس بس ساعتها انتي اللي هيتقبض عليكي مش انا
فضلت بصله بخوف وساكته
طه:سكتي ليه متكلميهم
بدات تتكلم ب عياط
جميله : والله يا استاذ انا معملت حاجه....ممدوح بيه....هو ال كان بيضربها....وبيحرقها انا معملتش حاجه ......حاولت كذا مرة انقذها بس هو كان بيهددني اني لو قربت منها هيأذيني وهيضر عيلتي
كان بيسمع الكلام وهو مصدوم ومش مصدق أن في اب يعمل في بنته كده
