جموح انثى

47

#ﺟﻤﻮﺡ_ﺍﻧﺜﻰ

#بارت47

ﻧﻴﺮﺍﻥ ﻭﺍﻟﺰﻣﻦ
ﻭﺃﻧﺎ ﻓﻲ ﻃﺮﻳﻘﻲ ﺇﻟﻰ ﺍﻟﻜﻠﻤﺔ، ﺍﻧﻬﺎﺭ ﺳﻘﻒ ﺍﻟﻤﻌﻨﻰ ﻋﻠﻰ
ﺭﺃﺳﻲ . - ﻫﻜﺬﺍ ﺃﺻﻒ ﻣﻮﻗﻔﻲ ﻋﻨﺪﻣﺎ ﺃﺻﻤﺖ .
ﻧﻴﺮﺍﻥ janat_51
ﺿﻞ ﺛﺎﻣﺮ ﻳﺤﺠﻲ ﻭﻳﺼﻴﺢ ﻋﻤﺔ ﺑﻌﺪ ﻣﺎﺟﺎﻭﺑﺘﻪ
ﺧﻠﺔ ﻭﻃﻠﻊ ﻭﻫﻲ ﻣﺎﻧﺰﻟﺖ ﺍﺑﺪ ﺧﻠﺺ ﺍﻟﻨﻬﺎﺭ ﻭﻫﻲ ﻣﻌﻠﻜﺔ
ﻓﻮﻙ ﻭﻋﻤﺔ ﺗﻔﻮﺭ ﻗﻬﺮ ﺑﺲ ﺳﻜﺘﺖ ﺍﺗﺠﻔﻲ ﺍﻟﺸﺮ
ﻟﺰﻣﺖ ﺍﻳﺪﻫﺎ ﺍﻫﺪﻱ ﺑﻴﻬﺎ
_ ﻣﻴﺨﺎﻟﻒ ﻋﻤﺔ ﺑﻌﺪﻫﺎ ﺟﺪﻳﺪﻩ ﻭﻣﺘﻌﺮﻑ ﻃﺒﻌﻨﺎً
ﺗﺘﻌﻠﻢ ﻭﺍﻟﻠﻪ ﺍﻧﻄﻴﻬﺎ ﻣﺠﺎﻝ ﻫﺴﻪ ﻗﺎﺑﻞ ﺍﺣﻨﺎ ﺷﻌﺪﻧﺎ
_ ﻣﻴﺨﺎﻟﻒ ﻳﺎ ﺃﻣﻲ ﻣﻮ ﻓﺪ ﻣﻨﺪﻟﺔ ﺑﺲ ﻋﻴﺐ ﺍﺩﺧﻞ ﺯﻭﺟﻬﺎ
ﻭﻛﻠﺸﻲ ﺗﺨﻠﻲ ﺑﺎﺫﻧﻪ ﻣﻴﺠﻮﺯ ﻫﻴﺞ ﻭﻻ ﻳﻌﻤﺮ ﺑﻴﺘﻨﺎ ﻭﺍﻟﻠﻪ ﻟﻮ
ﺩﺭﻩ ﻋﻤﺞ ﻳﻬﺮﺭﺝ ﺍﻟﺒﻴﺖ ﻋﻠﻰ ﺭﺍﺳﻬﺎ ﻫﺮﺝ
ﺿﻠﻴﺖ ﺳﺎﻛﺘﻪ ﻣﺎ ﺩﺧﻠﺖ ﺭﻭﺣﻲ ﺑﻌﺪ
ﺃﻧﻲ ﻣﺘﻌﻮﺩﺓ ﻋﻠﻰ ﺭﻭﺗﻴﻦ ﻳﻌﻨﻲ ﻣﻮ ﺑﺤﺎﺟﺘﻬﺎ ﺧﻠﺼﺖ
ﻛﻠﺸﻲ ﻗﺎﺑﻞ ﺷﻨﻮ ﻳﻨﻘﺺ ﻋﻤﺮﻱ ﺍﺷﻮ ﺻﺎﺭﻟﻬﺎ ﺷﻬﺮ
ﻭﻧﺺ ﻣﺎ ﺃﺛﺮﺕ ﻋﻠﻴﻨﻪ ﺍﻥ ﻏﺎﺑﺖ ﺍﻭ ﺣﻀﺮﺕ ﻻ ﺗُﻌﺪ
ﻟﺜﺎﻧﻲ ﻳﻮﻡ ﻭﻫﻲ ﻣﺎﻛﻮ ﻣﺎﻧﺰﻟﺖ ﻛﻨﺖ ﻭﺍﻛﻔﺔ ﺍﻏﺴﻞ ﺍﻣﺎﻋﻴﻦ
ﺍﻟﻐﺪﻩ ﻭﻋﻤﻮ ﻭﺣﺎﺗﻢ ﻭﻋﻤﺔ ﻭﺛﺎﻣﺮ ﻛﺎﻋﺪﻳﻦ ﺑﺎﺍﻟﺼﺎﻟﺔ ﻳﺸﺮﺑﻮﻥ
ﺟﺎﻱ ﺑﻌﺪ ﺍﻟﻐﺪﻩ ﺍﻧﺪﻙ ﺍﻟﺒﺎﺏ ﻃﻠﻊ ﺣﺎﺗﻢ ﻭﺭﺟﻊ ﺻﺎﺡ
ﻟﻌﻤﻮ ﺑﺪﻝ ﻭﻃﻠﻊ ﻛﻌﺪﻩ ﻣﺎﻝ ﻓﺼﻞ ﻋﺪﻫﻢ ﺍﻧﻲ ﻣﻨﺎ
ﺿﺎﻳﺠﺔ ﻭﻃﺎﻟﻌﺔ ﺭﻭﺣﻲ ﺑﺴﺒﺐ ﺣﺎﺗﻢ ﻻﻥ ﺗﻴﻠﻔﻮﻧﺔ ﻛﺎﻳﻢ
ﻣﺎﻳﻨﺰﻝ ﻣﻦ ﺍﻳﺪﻩ ﻭﻣﻦ ﺍﻛﻌﺪ ﻳﻤﺔ ﻳﺮﺩ ﻋﻠﻰ ﺍﻟﻤﺘﺼﻞ ﺑﺼﻴﻐﺔ
ﻭﻟﺪ ﻣﻌﻘﻮﻟﺔ ﻳﻌﻨﻲ ﻫﻴﺞ ﺍﺻﺪﻗﺎﺋﻪ ﻣﻴﺘﺮﻛﻮﻩ ﻟﺤﻈﺔ ﻭﺣﺪﻩ janat_51
ﺣﺘﻰ ﻣﻦ ﻳﺎﻛﻞ ﻳﺤﺠﻲ ﻭﻳﺎﻫﻢ ﻣﻦ ﻳﻨﺎﻡ ﻣﻦ ﻳﻜﻌﺪ
ﻧﺰﻟﺖ ﺍﺷﻮﺍﻕ ﺍﻟﺴﺎﻋﺔ ﻭﺣﺪﻩ ﻭﻧﺺ ﺿﺒﻂ ﺗﺘﻤﻄﺔ ﻭﺗﺜﺎﻭﺏ
ﻭﻛﻔﺖ ﻳﻢ ﺍﻟﻤﺠﻤﺪﺓ ﺳﺎﻟﺘﻨﻲ
_ ﺍﻛﻮﻝ ﻧﻴﺮﺍﻥ ﺷﻤﺴﻮﻳﺔ ﻏﺪﻩ !!!!
_ ﺃﻧﻲ ﻣﻄﻴﺘﻬﺎ ﺿﻬﺮﻱ ﻭﺑﻴﺪﻱ ﺍﻟﻤﺎﻋﻮﻥ ﺍﺟﻠﻒ ﺑﻴﻪ
ﻟﻤﻴﺖ ﺷﻔﺎﻳﻔﻲ ﻟﺪﺍﺧﻞ ﺣﻠﻜﻲ ﻭﻋﻀﻴﺘﻬﻦ ﺑﺤﺮﻛﺔ ﻭﻗﻠﺼﺖ
ﻋﻴﻮﻧﻲ ﻭﺍﻧﺪﺍﺭﻳﺖ ﻋﻠﻴﻬﺎ
_ ﻧﻌﻤﻤﻤﻤﻤﻤﻤﻤﻤﻤﻤﻢ ﺍﺷﻜﻠﺘﻲ ﻋﺮﻭﺭﺭﻭﻭﻭﺳﺴﺴﺴﺴﺲ
ﻛﺎﺍﻓﻲ ﺗﺮﻩ ﻣﻴﺼﻴﺮ ﻫﻴﺞ ﺧﻠﻲ ﺍﻳﺪﺝ ﻭﻳﺎﻧﺎ ﺑﺎﻟﺸﻐﻞ ﻋﻴﺐ
ﻋﻠﻴﺞ ﺷﻨﻮ ﺃﻧﻲ ﺧﺪﺍﻣﺔ ﻋﻨﺪﺝ ﻧﺎﺯﻟﺔ ﻫﺴﻪ ﺍﺩﻭﺭﻳﻦ ﻏﺪﺍﻭﺍﺕ
ﻣﻨﻲ ﻣﺘﺴﺘﺤﻴﻦ ﺑﺲ ﻛﻤﻠﺖ ﻭﻫﻲ ﺍﺳﺘﻠﻤﺘﻨﻲ ﻋﻴﺎﻁ ﻭﺻﻴﺎﺡ
ﻭﺗﺒﺠﻲ ﻣﺎﻓﻬﻤﺖ ﻣﻨﻬﺎ ﺍﻱ ﺷﻲﺀ ﺿﻠﻴﺖ ﺻﺎﻓﻨﺔ ﻋﻠﻴﻬﺎ
ﻫﺎﻱ ﺷﺪﺍﺗﻌﻤﻞ ﺑﺮﻭﺣﻬﺎ ﺍﺟﻮﻱ ﺣﺎﺗﻢ ﻭﻋﻤﺔ ﻭﺛﺎﻣﺮ ﻳﺮﻛﻀﻮﻥ
ﺧﻠﺘﻨﻲ ﺍﻓﻮﺭ ﻣﻦ ﻛﺬﺑﻬﺎ ﻟﺰﻣﺘﻬﺎ ﻭﺩﻓﻌﺘﻬﺎ ﺑﻄﺎﺭﻑ ﺍﺻﺒﻌﻲ
ﻋﻮﺩ ﺩﺍﻛﻮﻟﻠﻬﺎ ﺷﻜﻮ ﺍﺷﺒﻴﺞ ﻫﻲ ﻟﻄﺸﺖ ﺭﻭﺣﻬﺎ ﺑﺎﻟﻤﺠﻤﺪﻩ
ﻭﻛﺎﻣﺖ ﺗﺒﺠﻲ ﺑﺼﻮﺕ ﻋﺎﻟﻲ ﺩﻛﻮﻝ ﻣﻮ ﺩﻣﻮﻉ ﻣﻄﺮﺭ ﻳﻨﺰﻟﻦ
ﻣﻦ ﻋﻴﻮﻧﻬﺎ ﻭﺍﻧﻲ ﺍﻋﺼﺮ ﺑﻌﻴﻨﻲ ﺍﻟﺪﻣﻌﺔ ﺟﻤﺪﺕ ﺻﺮﺧﺖ
ﺑﺜﺎﻣﺮ
_ ﺗﻌﺎﺍﻝ ﺗﻌﺎﻝ ﺛﺎﻣﺮ ﺷﻮﻑ ﻣﺮﺕ ﺍﺧﻮﻙ ﺍﺷﻮﻥ ﺩﻓﻌﺘﻨﻲ
ﻭﺿﺮﺑﺘﻨﻲ
_ ﻓﺎﺗﻮ ﺍﻟﻮﻟﺪ ﻭﻋﻤﺔ ﻳﻄﺎﺭﺩﻭﻥ ﺳﺎﻟﻮﻧﻲ ﺷﺼﺎﺭ ﺷﻜﻮ
ﻫﺬﺍ ﺍﻟﻌﻴﺎﻁ
ﻋﻄﺖ ﻋﻠﻴﻬﺎ
_ ﺗﺴﺘﺎﻫﻞ ﻫﻲ ﺩﺍﺗﺒﺠﻲ ﻋﻴﺎﺭﺓ ﻭﻛﺬﺍﺑﺔ ﺭﺩﺕ ﺍﻟﻬﻢ
_ ﺗﻘﺒﻠﻮﻫﺎﺍﺍ ﺗﻘﺒﻠﻮﻫﺎﺍﺍ ﺗﻀﺮﺑﻨﻲ ﺑﻼ ﺳﺒﺒﺐ !!!_ ﺿﻠﻴﺖ ﺻﺎﻓﻨﺔ ﻋﻠﻰ ﺻﻼﻓﺘﻬﺎ ﺣﺎﺗﻢ ﺃﺗﻘﺪﻡ ﻭﺿﺮﺑﻨﻲ
ﺭﺍﺷﺪﻱ ﻟﺰﻣﺖ ﺧﺪﻱ ﻭﺿﻠﻴﺖ ﺻﺎﻓﻨﺔ ﻋﻠﻴﻪ ﻋﺎﻁ ﺑﻴﻪ
_ ﻟﻴﺶ ﺍﺗﻀﺮﺑﻴﻬﺎ ﻣﺘﺴﺘﺤﻴﻦ ؟ !!
_ ﺛﺎﻣﺮ ﺣﻀﻦ ﻣﺮﺗﻪ ﻭﻳﻜﻮﻝ ﻟﺤﺎﺗﻢ
_ ﺍﻱ ﺍﻱ ﺃﺿﺮﺑﻬﺎ ﺗﺴﺘﺎﻫﻞ ﻛﺴﺮ ﺑﻴﺪﺝ ﺍﻥ ﺷﺎﺀﺍﻟﻠﻪ
ﺍﺩﺑﺴﺰﺯﺯ ﻟﻴﺶ ﺍﺗﻀﺮﺑﻴﻬﺎ ﺷﺴﻮﺗﻠﺞ ﻟﻮ ﻫﺎﻱ ﻏﻴﺮﻩ ﻣﻨﻬﺎ
_ ﻭﺣﺎﺗﻢ ﻳﻜﻔﺦ ﺑﻴﻪ ﺻﺪﻙ ﺍﺳﺘﻬﻀﻤﺖ ﺍﻟﺘﻤﻮ ﻋﻠﻴﻪ ﺩﻓﻌﺖ
ﺣﺎﺗﻢ ﻭﻣﺪﻳﺖ ﺍﻳﺪﻱ ﻋﻠﻰ ﺷﻮﻛﺔ ﻛﺎﻧﺖ ﻣﺨﻠﻴﻪ ﺷﺎﻟﻬﺎ ﺑﺮﻫﺎﻭﺓ
ﺳﺤﺒﺘﻪ ﻣﻨﻪ ﻭﺟﺮﻳﺖ ﺷﻌـﺮﻫﺎ ﺣﻴﻞ ﻫﻠﺴﺘﻪ ﻭﺛﺎﻣﺮ ﻳﻀﺮﺏ
ﻋﻠﻰ ﺍﻳﺪﻱ ﺩﻧﻜﺖ ﻧﺰﻋﺖ ﺍﻟﻨﻌﺎﻝ ﻭﺷﻠﺘﻪ ﺭﺩﺕ ﺍﺿﺮﺑﻬﺎ
ﺳﺤﺒﺘﻨﻲ ﻋﻤﺔ ﻣﻨﻬﺎ ﻭﺩﻓﻌﺖ ﺣﺎﺗﻢ ﺭﺍﺡ ﺳﺤﺒﻬﺎ ﻫﻮ ﻭﺛﺎﻣﺮ
ﻣﻦ ﻛﺪﺍﻣﻲ ﺿﻠﻴﺖ ﺍﻓﻮﺭ ﻋﻠﻴﻬﻢ ﺍﺗﻼﺛﺘﻬﻢ ﻧﺬﻟﻮﻭﻥ ﻋﺎﻁ ﺑﻴﻪ
ﺣﺎﺗﻢ
_ ﺃﻣﺸﻲ ﻓﻮﻭﺗﻲ ﻟﻠﻐﺮﻓﺔ ﺍﻣﺸﻴﻴﻲ ﺣﺴﺎﺑﺞ ﻫﻨﺎﻙ
ﻭﺛﺎﻣﺮ ﺍﻳﺼﻴﺢ ﻋﻠﻴﻪ ﻭﻋﻠﻰ ﺣﺎﺗﻢ
_ ﻣﻴﺼﻴﺮ ﻫﻴﺞ ﻣﻴﺼﻴﺮ ﺷﻨﻮ ﻣﺘﻮﺣﺸﺔ ﻭﺗﻀﺮﺑﻬﺎ ﻭﺍﻟﻠﻪ
ﺍﻛﺴﺮ ﺍﻳﺪﺝ ﻟﻮ ﻋﺪﺗﻴﻬﺎ ﺍﻧﻮﺏ
_ ﻭﻫﺎﻱ ﻣﺴﺘﻤﺮﺓ ﺗﺒﺠﻲ ﻭﺗﻌﻴﻂ ﺧﺒﺼﺘﻬﻢ ﺧﺒﺺ
ﻋﻤﺔ ﺩﻓﻌﺘﻨﻲ ﺍﺭﻭﺡ ﻟﻐﺮﻓﺘﻲ ﺗﺮﻛﺘﻬﻢ ﻭﻃﻠﻌﺖ ﺭﺣﺖ
ﻟﻠﻐﺮﻓﺔ ﻭﻛﻔﺖ ﻳﻢ ﻣﻴﺰ ﺍﻟﻤﺮﺍﻳﺔ ﺳﻨﺪﺕ ﺭﻭﺣﻲ ﻋﻠﻴﻪ ﻭﺃﻧﻲ
ﻧﻔﺴﻲ ﻳﺘﺴﺎﺭﻉ ﻣﻦ ﺍﻟﻐﻀﺐ ﻭﺍﻟﻲ ﻫﻀﻤﻨﻲ ﻭﺫﺑﺤﻨﻲ
ﻭﻛﺴﺮ ﺷﻮﻛﺘﻲ ﺣﺎﺗﻢ ﺍﺷﻮﻥ ﻳﻀﺮﺑﻨﻲ ﻛﺪﺍﻣﻬﻢ ﻭﺫﺍﻙ ﻳﺤﻈﻦ ﺍﺑﻤﺮﺗﺔ ﻭﻳﺪﻋﻲ ﻋﻠﻴﻪ ﺭﺟﻴﺖ ﺍﺩﻳﻪ ﻋﻠﻰ ﺍﻟﻤﻴﺰ ﻭﺍﻛﻔﺔ ﺻﺎﻓﻨﺔ ﺍﺭﻳﺪﻩ ﺍﻳﻔﻮﺕ ﻭﺍﻟﻠﻪ ﻭﻻ ﺧﺎﻳﻔﺔ ﻣﻨﻪ ﺍﺻﻼً ﺍﻧﻲ ﺍﺭﻳﺪ ﺍﺗﻌﺎﺭﻙ
ﻭﻳﺎﻩ ﺍﻟﺤﻘﻴﺮ ﻛﺎﻓﻲ ﻃﻜﺖ ﻣﺮﺍﺭﺗﻲ
ﺍﺳﻤﻊ ﻋﻤﺔ ﺗﺤﺠﻲ ﻋﻠﻴﻬﺎ ﺩﻛﻠﻠﻬﻢ
_ ﻳﻌﻨﻲ ﺣﺮﺍﻡ ﻋﻠﻴﻜﻢ ﻭﺍﻧﺘﻲ ﻟﻴﺶ ﺗﺨﻠﻘﻴﻦ ﻣﺸﺎﻛﻞ ﻣﻦ ﻻﺷﻲ
ﺍﻟﻨﻬﺎﺭ ﻛﻠﻪ ﺗﺸﺘﻐﻞ ﻧﻴﺮﺍﻥ ﻭﺍﻟﻠﻪ ﺣﻠﻜﻬﺎ ﻣﺘﻔﻜﻮ ﻭﻻﺗﺤﺠﻲ
ﻭﻻ ﺗﺸﻜﻲ ﺍﻛﻮﻟﻠﻬﺎ ﺻﻴﺤﻲ ﺍﺷﻮﺍﻕ ﺗﺴﺎﻋﺪﺝ ﺩﻛﻮﻟﻲ ﻻ ﺍﺗﺮﻛﻴﻬﺎ ﺧﻄﻴﺔ ﻋﺮﻭﺱ ﻭﺃﻧﺘﻲ ﻣﺜﻞ ﺍﻟﺤﻴﺔ ﺗﻠﺪﻏﻴﻦ ﻭﺗﻀﻢ
ﺭﺍﺳﻬﺎ ﻭﻛﻞ ﻓﺮﺻﺔ ﺍﺗﺴﻤﻌﻬﺎ ﺣﺠﻲ ﻭﻧﻴﺮﺍﻥ ﺗﺴﻜﺖ
ﺣﺎﺗﻢ ﻛﺎﻝ ﻟﺜﺎﻣﺮ
_ ﻻ ﺗﺸﻮﻓﻨﻲ ﺣﺠﻴﺖ ﻋﻠﻴﻬﺎ ﻛﺪﺍﻣﻜﻢ ﺗﺮﻯ ﺣﺠﻲ ﺍﻣﻲ
ﺻﺤﻴﺢ ﺍﻃﺐ ﻭﺍﻃﻠﻊ ﻭﻧﻴﺮﺍﻥ ﻭﺍﻛﻔﺔ ﺑﺎﻟﻤﻄﺒﺦ ﻣﻴﺼﻴﺮ
ﻫﻴﺞ ﺗﺮﻯ ﺍﺣﻨﺎ ﺩﺍﻧﺸﻮﻑ ﺑﻌﻴﻮﻧﺔ ﻟﻴﺶ ﻧﺴﻜﺖ ﻋﻦ ﺍﻟﺤﻖ
ﺍﺣﺠﻲ ﻭﻳﺔ ﻣﺮﺗﻚ ﺍﺷﻮﻳﺔ ﻋﻴﺐ ﻋﻠﻴﻚ
_ ﻳﺤﺠﻮﻥ ﺑﺼﻮﺕ ﻋﺎﻟﻲ ﺍﺳﻤﻌﻬﻢ ﻭﺫﻳﺞ ﺻﻮﺕ ﺑﺠﻴﻬﺎ
ﺯﺭﻑ ﺍﺫﻧﻲ ﺛﺒﺮﺗﻬﻢ ﺛﺒﻴﺮﺓ ﺗﺮﻛﻬﻢ ﺣﺎﺗﻢ ﻭﻓﺎﺕ ﺭﺩﺕ ﺍﺣﺠﻲ ﻭﺍﻋﻴﻂ ﻛﺎﻟﻲ
_ ﺍﺷﺸﺸﺶ ﺻﻮﺗﺞ ﻣﺎﺍﺳﻤﻌﺔ ﺍﻧﻄﻴﻨﻲ ﻏﺮﺍﺿﻲ ﺩﺍﻭﻟﻲ
ﻟﻠﻜﺒﻮﺭ ﺍﺧﻠﺺ
_ ﻣﻌﻠﻴﺔ ﺍﻧﺘﻪ ﺍﺧﺬﻫﻦ ﺍﺟﻪ ﻋﺘﻨﻲ ﻣﻦ ﺩﻟﻌﺔ ﺍﻟﺪﺷﺪﺍﺷﺔ
ﻣﺎﻟﺘﻲ ﻭﺿﻞ ﻳﻬﺰ ﺑﻴﻪ
_ ﺍﻟﻈﺎﻫﺮ ﺍﻧﺘﻲ ﻋﺎﺟﺒﺞ ﺍﺿﺮﺑﺞ
_ ﺩﻓﻌﺖ ﺍﻳﺪﻩ ﻭﻃﻠﻌﺖ ﻟﻠﺼﺎﻟﺔ ﻭﺿﻠﻴﺖ ﺍﻋﻴﻂ
ﺍﻱ ﺗﻀﺮﺑﻨﻲ ﻳﻠﻪ ﺗﻌﺎﻝ ﺍﺿﺮﺑﻨﻲ ﻣﻮﺗﻨﻲ ﺧﻠﻲ ﺍﺧﻠﺺ
ﻣﻨﻜﻢ ﻭﻣﻦ ﺣﻴﺎﺗﻲ ﺍﻟﺠﺎﻳﻔﺔ ﺍﻟﻤﺎﺑﻴﻬﺎ ﻛﻞ ﻣﻌﻨﻰ ﻃﻠﻊ
ﻭﺭﺍﻳﺔ ﻣﻦ ﺍﻟﻐﺮﻓﺔ ﻭﺑﻴﺪﻩ ﺍﻟﺤﺰﺍﻡ ﺿﺮﺑﻨﻲ ﺍﻭﻝ ﺿﺮﺑﺔ
ﻋﻠﻰ ﺍﻳﺪﻱ ﻭﺍﻧﻲ ﻣﺘﺤﺮﻛﺖ ﺿﻠﻴﺖ ﺻﺎﻓﻨﺔ ﺑﻮﺟﻬﺔ ﻭﻧﻔﺴﻲ
ﻳﺘﺴﺎﺭﻉ ﻋﻤﺔ ﻭﻛﻔﺖ ﻛﺪﺍﻣﺔ ﺗﺤﻤﻴﻨﻲ_ ﻻ ﻻ ﺣﺎﺗﻢ ﺍﻟﻠﻪ ﻋﻠﻴﻚ ﻻﺗﻀﺮﺑﻬﺎ ﻭﺍﻟﻠﻪ ﻣﺎﻟﻬﺎ ﺫﻧﺐ
ﻟﺨﺎﻃﺮﻱ ﺍﺗﺮﻛﻬﺎ
_ ﺍﻧﻲ ﺻﺎﻓﻨﺔ ﺍﺑﺎﻭﻋﻠﻪ ﻭﻻ ﻧﺰﻟﺖ ﻋﻴﻨﻲ ﻭﺛﺎﻣﺮ ﺣﺎﺿﻦ
ﻣﺮﺗﻪ ﻭﺍﻛﻔﻴﻦ ﻭﺍﺷﻮﺍﻕ ﻧﻀﺮﺍﺗﻬﺎ ﻛﻠﻬﺎ ﺧﺒﺚ ﻭﺗﺒﺘﺴﻢ
ﺣﺎﺗﻢ ﻛﺎﻝ ﻟﻌﻤﺔ
_ ﻋﻮﻓﻴﻨﻲ ﻳﻮﻡ ﻋﻮﻓﻴﻨﻲ
_ ﻣﻦ ﻭﺭﺍﻩ ﻋﻤﺔ ﺿﺮﺑﻨﻲ ﻋﻠﻰ ﺿﻬﺮﻱ ﺍﺟﻪ ﺛﺎﻣﺮ ﺳﺤﺒﻨﻲ
ﻣﻦ ﺣﺎﺗﻢ
_ ﻋﻮﻓﻬﺎ ﺣﺎﺗﻢ ﻋﻮﻓﻬﺎ ﻛﺎﻓﻲ
_ ﺍﻧﻲ ﻣﺘﺤﺮﻛﺖ ﻋﻄﺖ ﺑﺜﺎﻣﺮ ﻭﺩﻓﺮﺗﻪ ﻋﻠﻰ ﺻﺪﺭﺓ
ﻭﺧﺮﺭﺭﺭﺭ ﺍﻧﺘﻪ ﺳﺎﺱ ﺍﻟﺒﻼﺍ ﻛﻠﻪ ﻣﻨﻚ
ﻋﺎﻁ ﻋﻠﻴﻪ ﺣﺎﺗﻢ
_ ﺷﻮﻑ ﺍﻟﻠﺴﺎﻥ ﺷﻮﻭﻑ ﻭﺗﻠﻮﻣﻮﻧﻲ ﻣﻦ ﺍﺿﺮﺑﻬﺎ
_ ﻭﺧﺮ ﺛﺎﻣﺮ ﻣﻨﻲ ﻭﻛﺎﻟﻲ
_ ﺗﺴﺘﺎﻫﻠﻴﻦ ﻟﻌﺪ ﺣﻴﻞ ﺑﻴﺞ ﺍﻟﻜﺘﻞ
_ ﺗﺮﻛﺘﻬﻢ ﻭﺭﺣﺖ ﺍﺧﺬﺕ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ ﺍﺣﺲ janat_51
ﺟﺴﻤﻲ ﻭﺝ ﻧﺎﺭﺭ ﺍﺷﺘﻌﻞ ﻣﻦ ﺍﻟﻘﻬﺮ ﺣﺴﺒﻲ ﺍﻟﻠﻪ ﺑﻴﻜﻢ ﻳﺎﻇﻼﻡ
ﺳﺒﺤﺖ ﻭﻃﻠﻌﺖ ﻟﻠﻐﺮﻓﺔ ﺣﺎﺗﻢ ﻣﺎﻛﻮ ﻃﻠﻊ ﻣﺎﺭﺟﻊ ﻣﻨﺎ
ﻟﻠﻴﻞ ﺍﻧﻲ ﻣﺎﻃﻠﻌﺖ ﻣﻦ ﻏﺮﻓﺘﻲ ﺟﺴﻤﻲ ﻛﻠﺔ ﻳﻮﺟﻌﻨﻲ
ﻣﻦ ﺍﻟﻘﻬﺮ ﺍﺣﺲ ﺭﻭﺣﻲ ﻣﺮﻳﻀﺔ ﻣﺎﺑﻴﺔ ﺍﺗﺤﺮﻙ ﻋﻤﺔ ﺩﺯﺕ
ﻛﺮﻡ ﻋﻠﻴﺔ ﻛﻨﺖ ﻛﺎﻋﺪﺍ ﺍﻗﺮﺃﻩ ﻗﺮﺍﻥ
_ ﻣﺎﻣﺎ ﺑﻴﺒﻲ ﺩﻛﻮﻝ ﺧﻠﻲ ﺗﺠﻲ ﺗﺎﻛﻞ
_ ﺳﺪﻳﺖ ﺍﻟﻘﺮﺍﻥ ﻭﺧﻠﻴﺘﻪ ﻋﻠﻰ ﺍﻟﻤﻴﺰ ﺳﺤﺒﺘﺔ ﺑﺴﺘﻪ ﺑﺨﺪﻩ
ﻣﺎﺭﻳﺪ ﺣﺒﻴﺒﻲ ﺭﻭﺡ ﻛﻮﻟﻠﻬﺎ ﻣﺎﺗﺸﺘﻬﻲ ﺭﺍﺳﻬﺎ ﻳﻮﺟﻌﻬﺎ ﻭﻧﺎﻣﺖ
ﺭﺍﺡ ﻟﺒﻴﺒﺘﻪ ﻭﺃﻧﻲ ﻛﻤﺖ ﻟﻔﻴﺖ ﺭﺍﺳﻲ ﻭﻧﻤﺖ ﺣﺴﻴﺖ ﺑﻜﺮﻡ
ﻓﺎﺕ ﺑﺤﻀﻨﻲ ﺷﺒﻜﺘﻪ ﻭﻧﻤﺖ ﻭﺍﻧﻲ ﺍﺷﺘﻢ ﺑﻌﻄﺮﻩ
ﻟﺜﺎﻧﻲ ﻳﻮﻡ ﻛﻌﺪﺕ ﻋﻠﻰ ﺣﺎﺗﻢ ﺩﺍﻳﺒﺪﻝ ﻳﺮﻭﺡ ﻟﻠﺪﻭﺍﻡ
ﻛﻤﺖ ﺑﻼﺍ ﻣﺎ ﺍﺻﺒﺢ ﻋﻠﻴﻪ ﻟﻤﻴﺖ ﺷﻌﺮﻱ ﻭﻟﺒﺴﺖ ﺣﺠﺎﺑﻲ
ﻭﻃﻠﻌﺖ ﻏﺴﻠﺖ ﻭﺳﻮﻳﺘﻠﻪ ﺭﻳﻮﻙ ﺍﺟﻪ ﻳﺘﺮﻳﻚ ﻭﻻ ﺑﺎﻭﻋﻠﻲ ﺍﺑﺪ
ﺗﺮﻛﺘﻪ ﻭﺭﺟﻌﺖ ﺍﻛﻤﻞ ﻧﻮﻣﺘﻲ ﺍﺣﺲ ﺟﺴﻤﻲ ﻣﻌﻮﺯ ﻧﻮﻡ
ﻭﻻ ﻣﺪﻱ ﺍﻛﻮﻡ ﻣﻦ ﺍﻟﻔﺮﺍﺵ ﺍﻟﻘﻬﺮ ﻳﻤﺮﺽ ﺍﻟﺮﻭﺡ ﻣﻮ ﺍﻟﺠﺴﺪ
ﺍﻳﺨﻠﻴﻬﺎ ﺧﺎﻣﻠﺔ ﺭﺟﻌﺖ ﻧﻤﺖ ﻭﻣﺎﺗﺤﺮﻛﺖ ﻣﻦ ﺍﻓﺮﺍﺷﻲ ﻣﻨﺎ ﻟﻠﻀﻬﺮ ﻛﻌﺪﺕ ﺻﻠﻴﺖ ﻭﺿﻠﻴﺖ ﺑﻐﺮﻓﺘﻲ ﺳﺎﻟﺖ ﻛﺮﻡ
_ ﺍﺷﻮﺍﻕ ﻧﺰﻟﺖ ﻧﻀﻔﺖ !!!
_ ﻻ ﻣﺎﻣﺎ ﺑﻴﺒﻲ ﺳﻮﺕ ﺍﻛﻞ ﺍﻟﻨﺎ ﻭﺿﻬﺮﻫﺎ ﻳﻮﺟﻌﻬﺎ ﻛﺎﻋﺪﻩ
ﺑﺎﻟﻬﻮﻝ ﻳﻢ ﺟﺪﻭ ﻳﺴﻮﻟﻔﻮﻥ ﻋﻠﻰ ﺍﻟﺮﻭﺿﺔ ﻣﺎﻟﺘﻲ ﻭﺍﻧﻲ
ﻣﺎﺍﺭﻳﺪ ﺍﺭﻭﺣﻠﻬﺎ ﻛﻮﻟﻲ ﻟﺠﺪﻭ ﻣﺎ ﺍﺣﺒﻬﺎ
_ ﺍﻛﻌﺪ ﻳﻤﻲ ﻫﻨﺎ ﺍﻟﻌﺐ ﺑﺴﻴﺎﺭﺗﻚ ﻣﺎﻟﻚ ﺷﻐﻞ
ﺿﻞ ﻳﻠﻌﺐ ﻳﻤﻲ ﺭﺟﻊ ﺣﺎﺗﻢ ﻓﺎﺕ ﻏﺴﻞ ﻭﺑﺪﻝ ﻭﺭﺍﺡ
ﻋﻤﺔ ﺧﻠﺘﻠﻪ ﻏﺪﻩ ﻭﺭﺟﻊ ﻧﺎﻡ ﻭﺑﺲ ﻳﺘﺄﻓﻔﻒ ﻭﻳﺒﺎﻭﻋﻠﻲ ﺻﻔﺢ
ﻫﺴﻪ ﻟﻮ ﻋﻨﺪﻱ ﺑﻴﺖ ﻣﻬﺠﻮﻡ ﺑﻴﺖ ﺍﻫﻞ ﺃﻧﻲ ﺍﺑﻘﻰ ﻫﻨﺎ
ﻳﻤﻚ ﺑﺎﻟﻘﺮﺍﻥ ﺛﺎﻧﻴﺔ ﻭﺣﺪﻩ ﻣﺎ ﺍﺑﻘﻰ ﺍﻭﻭﻑ ﺍﻣﺪﻩ ﺍﻟﻮﻛﺖ
ﺍﻟﺴﻮﺍ ﺑﻴﻪ ﻫﻴﺞ ﻭﺧﻼﻧﻲ ﺫﻟﻴﻠﻪ ﻟﻬﻞ ﺍﻟﺸﻜﻮﻝ
ﻣﺎ ﺍﻟﻲ ﺷﻐﻞ ﺑﻴﻪ ﻳﻮﻣﻴﻦ ﻣﺎ ﺍﻃﻠﻊ ﻣﻦ ﺍﺟﻮﻉ ﺍﺩﺯ ﻛﺮﻡ
ﻳﺠﻴﺒﻠﻲ ﺣﻠﻮﻳﺎﺕ ﻭﺍﻛﻞ ﺻﺎﺭﺕ ﻋﻨﺪﻱ ﺩﻭﺧﺔ ﻭﻫﻮ ﻭﻻ ﻳﻤﻲ
ﻭﻻ ﻋﺒﺮﻧﻲ ﻋﻤﺔ ﻛﻢ ﻣﺮﺓ ﻓﺎﺗﺖ ﻋﻠﻴﻪ ﺗﻘﻨﻌﻨﻲ ﺍﻃﻠﻊ ﺍﻛﻞ
ﺍﺑﺪ ﻣﺎ ﻛﺎﻟﺖ ﺍﺷﺘﻐﻠﻲ ﻭﺍﻧﻲ ﺍﺳﻜﺖ ﻣﺎ ﺍﺟﺎﻭﺑﻬﺎ ﺗﺘﺮﻛﻨﻲ
ﻭﺗﻄﻠﻊ
ﺛﺎﻟﺚ ﻳﻮﻡ ﻛﺎﻋﺪﻩ ﻭﺭﺍﺳﻲ ﻣﺼﺪﻉ ﺍﺑﺎﻭﻉ ﺑﺎﻟﻤﺮﺍﻳﺔ ﻋﻴﻮﻧﻲ
ﻧﻮﻛﺮﻥ ﻭﺟﻬﻲ ﺫﺑﻼﻥ ﻣﺘﻌﺠﺒﺔ ﺑﺮﻭﺣﻲ ﺍﺷﻮﻥ ﺻﺎﻣﺪﺓ
ﻻﺣﺪ ﺍﻻﻥ ﻭﻣﺎﺗﻌﺎﺭﻛﺖ ﻭﻳﺎﻩ ﺑﺲ ﺍﺣﺲ ﻧﻔﺴﻲ ﺍﻧﺘﺮﺳﺖ
ﺣﻘﺪ ﻋﻠﻰ ﺣﺎﺗﻢ ﺍﻟﻲ ﻭﻻ ﻋﺒﺮﻧﻲ ﺍﺑﻮ ﺍﻟﻤﻼﻫﻲ ﻓﺎﺕ ﻭﻛﻒ
ﻓﻮﻙ ﺭﺍﺳﻲ
_ ﻧﻴﺮﺍﻥ ﻛﻮﻭﻣﻲ ﺍﻟﺒﻴﺖ ﻭﺻﺦ ﻣﺪﺍﺗﺤﻤﻞ ﺍﻟﻤﻨﻈﺮ ﻛﻮﻭﻣﻲ
ﻧﻈﻔﻲ ﻭﻛﺒﺮﻱ ﻋﻘﻠﺞ ﻛﺎﺍﻓﻲ
_ ﻣﺎ ﺭﺩﻳﺖ ﻋﻠﻴﻪ ﻭﻻ ﺟﺎﻭﺑﺘﻪ ﺍﺑﺪ ﺿﻠﻴﺖ ﻣﺘﻤﺪﺩﻩ ﻫﻮ
ﺍﻧﻲ ﺍﺻﻼً ﺩﺍﻳﺨﺔ ﻭﺍﻟﺪﻧﻴﺎ ﻣﻔﺘﺮﺓ ﺑﻴﻪ ﺳﻤﻌﺖ ﻋﻤﻮ
ﻭﺍﻛﻒ ﺍﺑﺎﺏ ﺍﻟﻐﺮﻓﺔ ﺩﻛﻬﺎ
_ ﻳﺎﺑﺔ ﻳﺎ ﺍﻫﻞ ﺍﻟﺒﻴﺖ ﻭﻳﻨﻜﻢ ﻋﻤﻲ ﺍﻡ ﻛﺮﻡ ﻭﻳﻨﺞ
_ ﺳﻨﺪﺕ ﺭﻭﺣﻲ ﻋﻠﻰ ﺍﻟﺤﺎﻳﻂ ﻭﻛﻤﺖ ﻣﺎﺍﻋﺮﻑ ﺍﻋﺎﻗﺐ
ﺭﻭﺣﻲ ﻟﻮ ﺍﻟﻮﻛﺖ ﻟﻮ ﻣﻨﻮ ﻭﺍﺳﻮﻱ ﺑﺮﻭﺣﻲ ﻫﻴﺞ ﻓﺘﺤﺖ ﺍﻟﺒﺎﺏ
ﺟﺎﻭﺑﺘﺔ ﻧﻌﻢ ﻋﻤﻮ
_ ﺗﻌﺎﻱ ﻳﺎﺑﺔ ﻭﺭﺍﻳﺔ ﻟﻠﺼﺎﻟﺔ ﺍﺭﻳﺪ ﺍﺷﻮﻓﺞ ﻭﻳﻨﺞ
_ ﺻﺎﺭ ﻋﻤﻮ ﻟﺒﺴﺖ ﺷﺎﻟﻲ ﻭﻟﺤﻜﺘﻪ ﺩﺧﻠﺖ ﺍﺷﻮﺍﻕ ﻛﺎﻋﺪﻩ ﻭﺑﺼﻔﻬﺎ ﺛﺎﻣﺮ ﺣﺎﺿﻨﻬﺎ ﻋﻤﻮ ﻛﺎﻟﻪ ﻛﻮﻡ ﺍﻃﻠﻊ ﺛﺎﻣﺮ ﻛﺎﻡ
ﻃﻠﻊ ﻭﻳﺒﺎﻭﻋﻠﻲ ﺍﻳﺮﻳﺪ ﻳﺎﻛﻠﻨﻲ ﺑﻨﻀﺮﺍﺗﻪ ﻛﻌﺪﺕ ﻛﺪﺍﻡ ﻋﻤﻮ
ﻣﺎﺍﻫﺘﻤﻴﺖ ﺍﻟﻬﻢ ﺣﻘﻚ ﺛﺎﻣﺮ ﺗﻬﻴﻨﻲ ﻭﺍﺷﻮﺍﻕ ﺗﺠﺎﻭﺯ ﻋﻠﻴﻪ
ﻫﺎﻱ ﺍﻟﻤﺎﻋﺪﻫﺎ ﻭﻟﻲ ﺑﺮﺍﺳﺔ ﺣﻆ ﻟﻮ ﺳﻨﺪ ﺑﻀﻬﺮﻫﺎ ﺍﺗﻀﻞ ﺍﻟﺠﺮﺍﺑﻴﻊ ﺗﺘﻤﺮﺟﻞ ﺑﺮﺍﺳﻬﺎ ﺻﺪﻙ ﻻﻳﻮﺟﺪ ﺳﻨﺪ ﻏﻴﺮ ﺍﻟﻠﻪ
ﻋﻤﻮ ﻛﺎﻝ
_ ﺃﻧﻲ ﺍﻟﻴﻮﻡ ﺻﺪﻓﺔ ﺳﺎﻟﺖ ﻋﻠﻰ ﻧﻴﺮﺍﻥ ﺻﺎﺭ ﻳﻮﻣﻴﻦ
ﻣﺎ ﺍﺷﻮﻓﻬﺎ ﻭﻋﻤﺘﺠﻦ ﺳﻮﻟﻔﺘﻠﻲ ﺍﻣﺎ ﺍﺷﻮﺍﻕ ﺍﻟﻠﻪ ﻳﺴﺘﺮ
ﻋﻠﻴﻬﺎ ﻣﻦ ﺍﺧﺬﻧﺎﻫﺎ ﻟﻠﻴﻮﻡ ﻳﻤﻜﻦ ﺻﺎﺭ ﺧﻤﺲ ﻣﺮﺍﺕ ﻫﻴﺞ
ﺍﺷﻮﻓﻬﺎ ﻓﺎ ﻣﺎﺧﻠﺖ ﻟﺮﻭﺣﻬﺎ ﺍﻫﺘﻤﺎﻡ ﻧﺤﺲ ﺑﺘﻮﺍﺟﺪﻫﺎ ﻟﻮ ﻻ janat_51
ﻭﺳﻮﻟﻔﺘﻠﻲ ﻋﻠﻰ ﺍﻟﻤﺸﻜﻠﺔ ﺍﻟﻲ ﺻﺎﻳﺮﺓ ﻣﻊ ﺍﻻﺳﻒ ﻋﻠﻴﺠﻦ
ﻟﻤﺎ ﺍﻧﺘﻦ ﺑﻨﺎﺕ ﻋﻢ ﻭﺧﻮﺍﺕ ﻟﻴﺶ ﻫﻴﺞ ﺍﻳﺼﻴﺮ ﺑﻴﻨﺎﺗﻜﻢ
ﺑﺲ ﺍﻟﻌﺘﺐ ﻋﻠﻰ ﺍﻟﻌﻤﺔ ﻭﺟﺒﻴﺮﺗﺠﻦ ﺍﻟﻈﺎﻫﺮ ﻣﺮﺧﻴﺔ ﺍﻟﺤﺒﻞ
ﻫﻮﺍﻳﺔ ﺍﻟﺘﻔﺖ ﻻﺍﺷﻮﺍﻕ ﻳﺎﺑﺔ ﺍﺷﻮﺍﻕ ﻣﻮ ﻋﻴﺐ ﺗﺘﺠﺎﻭﺯﻳﻦ
ﻋﻠﻰ ﺍﻡ ﻛﺮﻡ ﺍﻗﻠﻬﺎ ﺍﻛﺒﺮ ﻣﻨﺞ ﻭﻣﺮﺕ ﺣﻤﺎﺝ ﺍﻟﺠﺒﻴﺮ ﻟﺨﺎﻃﺮﻩ
ﻗﺪﺭﻳﻬﺎ ﻟﻴﺶ ﻫﻴﺞ ﺻﺎﻳﺮ ﻫﻞ ﺍﻟﺤﻘﺪ ﺑﻴﻨﺘﻜﻢ
ﺍﻧﻲ ﺟﺎﻭﺑﺖ ﻋﻤﻮ
_ ﻭﺍﻟﻠﻪ ﻋﻤﻮ ﻣﺎﻋﻨﺪﻱ ﺷﻲﺀ ﻭﻳﺎﻫﺎ ﺍﻟﻠﻪ ﺷﺎﻫﺪ ﺑﺲ
ﻫﻴﻪ ﻣﻦ ﺣﺠﺖ ﻋﻠﻴﻪ ﻭﺍﺗﺒﻠﺖ ﻣﺎ ﺗﺤﻤﻠﺖ ﻭﺿﺮﺑﺘﻬﺎ
_ ﺃﻧﻲ ﻣﺎ ﺍﻗﺒﻞ ﻭﺣﺪﻩ ﻛﺎﻋﺪﻩ ﻭﺍﻟﺜﺎﻧﻴﺔ ﺗﺸﺘﻐﻞ ﻋﻴﺐ
ﻭﺣﺮﺍﻡ ﻋﻠﻴﻨﺎ ﻧﺴﻜﺖ ﻣﻨﺮﻳﺪ ﺍﻧﺼﻴﺮ ﺷﻴﺎﻃﻴﻦ ﺧﺮﺳﺔ
ﻭﺟﻪ ﻧﻀﺮﺓ ﻟـ ﺃﺷﻮﺍﻕ
ﺣﺎﻟﺞ ﻣﻦ ﺣﺎﻟﻬﺎ ﺍﺷﻮﺍﻕ ﻋﻤﻲ ﺍﻧﺘﻲ ﻭﻳﺎﻫﺎ ﺗﺘﻔﻘﻦ ﻭﺗﻘﺴﻤﻨﺎ
ﺍﻟﺸﻐﻞ ﻣﺎ ﺍﺭﻳﺪ ﻛﻞ ﻳﻮﻡ ﻭﻛﺎﺑﻪ ﻋﺮﻛﺔ ﺑﺎﻟﺒﻴﺖ ﻫﻞ ﻣﺮﺓ ﺳﻤﺎﺡ
ﻣﺮﺓ ﺍﻟﺜﺎﻧﻴﺔ ﻣﺘﻌﺮﻓﻦ ﺷﺼﺮﻑ ﻭﻳﺎﺟﻦ ﺍﻧﺘﻦ ﺑﻨﺎﺕ ﻋﻢ
ﻭﺧﻮﺍﺕ ﻻﺯﻡ ﺍﺗﺼﻴﺮﻥ ﺻﺪﻳﻘﺎﺕ ﻳﺎﺏ ﻛﻮﻣﻲ ﻋﻠﻰ ﺍﺧﺘﺞ
ﺍﻛﺒﺮ ﻣﻨﺞ ﻭﺍﻋﺘﺬﺭﻱ ﻣﻨﻬﺎ
_ ﺿﻠﺖ ﻣﺪﻧﻜﺔ ﻭﻻ ﺗﺤﺮﻛﺖ ﻋﺎﺩ ﻋﻠﻴﻬﺎ ﺍﻟﻜﻼﻡ
_ ﻛﻮﻣﻲ ﺍﻋﺘﺬﺭﻱ ﻣﻨﻬﺎ ﺍﺷﻮﺍﻕ
_ ﻛﺎﻣﺖ ﻭﻛﻔﺖ ﺑﺎﻭﻋﺖ ﻋﻠﻴﻪ ﺑﺤﻘﺪ ﻭﺧﻠﺖ ﻭﻃﻠﻌﺖ ﺯﻭﺟﻬﺎ
ﻭﺍﻛﻒ ﺑﺎﺍﻟﺒﺎﺏ ﺍﻟﻬﺎ ﻋﻤﻮ ﻛﺎﻟﻠﻬﺎ ﺑﺴﺘﻬﺰﺍﺀ ﺑﻌﺼﺒﻴﺔ ﻣﻜﺘﻮﻣﺔ_ ﻋﻔﻴﺔ ﺑﻨﻴﺘﻲ ﻭﺍﻟﻠﻪ ﻫﻮﺍﻱ ﻛﺒﺮﺗﻲ ﺑﻌﻴﻨﻲ ﺑﺴﻮﺍﻳﺘﺞ ﻫﺎﻳﺔ
ﻣﻊ ﺍﻻﺳﻒ ﻋﻠﻰ ﺍﻟﻲ ﺭﺍﺑﻄﺞ
_ ﺛﺎﻣﺮ ﺧﻼﻫﺎ ﺟﻮﺍ ﺍﺑﺎﻃﻪ ﺍﺧﺬﻫﺎ ﻭﺻﻌﺪ ﻓﻮﻙ ﻋﻤﻮ
ﺻﻔﻚ ﺍﻳﺪ ﺑﻴﺪ ﻭﺿﻞ ﺳﺎﻛﺖ ﻛﻤﺖ ﺑﺴﺖ ﺭﺍﺳﻪ ﻭﺍﻋﺘﺬﺭﺕ
ﻣﻨﻪ ﻻﻥ ﻧﺰﻟﺖ ﻟﻤﺴﺘﻮﺍﻫﺎ ﺍﻋﺘﺬﺭ ﻋﻤﻮ ﻭﺍﻟﻠﻪ ﻫﻲ ﺍﻟﻲ
ﺍﺳﺘﻔﺰﺗﻨﻲ ﻣﻮ ﻗﺼﺪﻱ ﺍﺳﻮﻱ ﻣﺸﻜﻠﺔ
_ ﺗﺮﻭﺣﻠﺞ ﻓﺪﻭﺓ ﻫﺎﻱ ﺍﻟﻌﺮﺻﺔ ﺍﻟﺼﻔﺮﺓ ﻣﻦ ﺍﻭﻝ ﺍﻧﻲ
ﻣﺎﻫﺎﻭﻱ ﺍﺧﺬﻫﺎ ﺍﺩﺭﻱ ﺑﻴﻬﻦ ﺟﻠﺒﺎﺕ ﺑﺲ ﺷﺴﻮﻱ ﻟﺜﻮﻳﻤﺮ
ﺍﻟﻄﻠﻲ ﺭﻭﺣﻲ ﻳﺎﺏ ﺭﻭﺣﻲ ﻭﺍﻋﺘﺒﺮﻳﻬﺎ ﻣﺎﻣﻮﺟﻮﺩﺓ ﻭﻛﻮﻟﻲ
ﻟﺤﺎﺗﻢ ﻳﺠﻴﻨﻲ
_ ﻃﻠﻌﺖ ﻣﻦ ﺍﻟﺼﺎﻟﺔ ﻭﺭﺣﺖ ﻛﻠﺖ ﻟﻜﺮﻡ ﺻﻴﺢ ﺍﺑﻮﻙ
ﻛﻮﻟﺔ ﺟﺪﻭ ﺍﻳﺮﻳﺪﻙ ﺭﺍﺡ ﺻﺎﺣﺔ ﻓﺎﺕ ﻭﺳﺪ ﺍﻟﺒﺎﺏ ﻭﺭﺍﻩ
ﺳﻤﻌﺘﻪ ﺭﺯﻟﺔ ﻻﻥ ﺿﺎﺭﺑﻨﻲ ﻣﻦ ﺻﺎﺭﺕ ﺍﻟﻤﺸﻜﻠﺔ ﻏﺴﻠﺔ
ﻏﺴﻞ ﺗﺮﻛﺘﻬﻢ ﻭﺭﺣﺖ ﻳﻢ ﻋﻤﺔ ﺑﺎﻟﻤﻄﺒﺦ ﺩﺍﺳﻮﻱ ﻋﺼﺮﻳﺔ
ﻟﻌﻤﻮ ﺧﺎﺑﺮﺕ ﻋﻠﻰ ﺣﻮﺭﺍﺀ ﺗﺠﻴﻬﺎ ﻟﻠﺒﻴﺖ ﺍﺗﺴﺎﻋﺪﻫﺎ ﻛﺎﻧﺖ
ﺗﺤﺠﻲ ﻭﻧﺎﻃﻴﺘﻨﻲ ﺿﻬﺮﻫﺎ ﻣﻦ ﺧﻠﺼﺖ ﺍﻟﺘﻔﺘﺖ ﺷﺎﻓﺘﻨﻲ
_ ﻫﺎﺍ ﻋﻤﺔ ﺗﻌﺎﻱ ﺟﻮﻋﺎﻧﺔ !!!!
_ ﻻ ﻋﻤﺔ ﺗﺴﻠﻤﻴﻦ ﺭﺟﻌﺖ ﻛﻌﺪﺕ ﺑﻐﺮﻓﺘﻲ ﻣﺎﺗﺤﺮﻛﺖ
ﻃﺐ ﺣﺎﺗﻢ ﻣﻦ ﺷﺎﻓﻨﻲ ﺿﻞ ﻳﺘﺄﻓﻔﻒ ﺿﺎﻳﺞ ﻭﻣﺨﻨﺰﺭ ﺑﺲ ﺍﻳﺮﻳﺪﻟﺔ ﻋﺮﻛﺔ ﻣﺎﻧﻔﻬﺘﻠﺔ ﺿﻠﻴﺖ ﺩﺍﻳﺮﺓ ﻭﺟﻬﻲ ﻟﻠﺘﻠﻔﺰﻳﻮﻥ
ﻧﺺ ﺳﺎﻋﺔ ﻭﺳﻤﻌﺖ ﺻﻮﺕ ﺣﻮﺭﺍﺀ ﻛﻤﺖ ﻃﻠﻌﺖ ﺍﻟﻬﺎ
ﻛﺎﻋﺪﻩ ﻳﻢ ﻋﻤﺔ ﻭﻋﻤﺔ ﺩﺍﺗﺤﺠﻴﻠﻬﺎ ﻋﻠﻰ ﺳﻮﺍﻟﻒ ﺍﺷﻮﺍﻕ
ﺭﺩﺍﺕ ﺗﻜﻮﻥ ﺗﻨﻀﻒ ﺍﻟﺒﻴﺖ ﻟﺰﻣﺘﻬﺎ ﻛﻠﺘﻠﻬﺎ
_ ﺍﺑﺪ ﻭﺍﻟﻠﻪ ﻣﺘﺘﺤﺮﻛﻴﻦ ﻟﻴﺶ ﺍﺣﻨﺎ ﺍﺷﺒﻴﻨﺎ ﺃﻧﻲ ﻫﺴﻪ
ﺍﻧﻈﻔﺔ ﺑﺲ ﻻﻥ ﻗﻬﺮﻭﻧﻲ ﻋﺰﻟﺖ ﺭﻭﺣﻲ
_ ﻣﻴﺨﺎﻟﻒ ﺃﻧﺘﻲ ﺍﺣﺴﻦ ﺍﻡ ﻛﺮﻡ ﺧﻠﻲ ﺗﻮﻟﻲ ﻫﺎﻱ
ﺍﻟﺤﻴﺔ ﻣﺎﻟﺞ ﺷﻐﻞ ﺑﻴﻬﺎ ﺍﻟﺪﻧﻴﺎ ﻣﺘﺴﻮﺍ ﻭﺍﺣﺪ ﻳﻘﻬﺮ
ﺑﺮﻭﺣﻪ ﻋﻠﻴﻬﺎ ﻭﺧﺼﻮﺻﺎً ﺍﻟﺒﺸﺮ ﻣﺎﻳﺴﺘﺎﻫﻞ ﺗﻨﻘﻬﺮﻳﻦ
ﻣﻦ ﻭﺭﺍﻫﻢ janat_51
_ ﺻﺢ ﺣﺠﺎﻳﺘﺞ ﺑﺲ ﺟﺬﺏ ﺍﻟﻲ ﻳﻜﻮﻝ ﻣﺎﻳﻨﻘﻬﺮ
ﻣﻦ ﻣﻮﻗﻒ ﻟﻮ ﺣﺠﺎﻳﺔ ﺟﺬﺏ ﻛﻤﺖ ﺷﺪﻳﺖ ﺍﺣﺰﺍﻣﻲ
ﻭﺟﺮﻓﺖ ﺍﻟﺒﻴﺖ ﺟﺮﻑ ﺍﺧﻴﺮ ﺷﻲﺀ ﻭﺍﻛﻔﺔ ﺑﺎﻟﺤﻮﺵ
ﻭﻃﻠﻊ ﺛﺎﻣﺮ ﺍﻭ ﻭﺭﺍﻩ ﺷﻮﻛﺔ
ﺍﺧﺬﻫﺎ ﻭﻃﻠﻌﻮ ﺭﻭﺣﻪ ﺑﻼ ﺭﺩﻩ ﻭﺟﻪ ﺍﻟﻌﻜﺮﺑﺔ ﻛﻤﻠﺖ ﺷﻐﻠﻲ
ﻭﺩﺧﻠﺖ ﺳﺒﺤﺖ ﻭﺑﺪﻟﺖ ﺛﻮﺏ ﺧﻴﺎﻃﺔ ﻣﺜﻞ ﺍﻟﻨﻔﻨﻮﻑ
ﻳﺘﺨﺒﻞ ﻣﻦ ﺍﻟﺒﺴﺔ ﺣﺎﺗﻢ ﻳﻜﻮﻝ ﺍﻳﺤﻠﻴﺞ ﺍﻛﺜﺮ ﻭﻳﺠﻤﻞ
ﺟﺴﻤﺞ ﻋﻨﺎﺩ ﺑﻴﻪ ﻟﺒﺴﺘﻪ ﻭﺗﻤﻜﻴﺠﺖ ﻫﻢ ﻳﺘﺨﺒﻞ ﻣﻦ ﺍﺧﻠﻲ ﻣﻜﻴﺎﺝ ﻃﻮﺥ ﺑﺎﻟﺒﻴﺖ
ﻫﻮ ﻛﺎﻋﺪ ﻳﻢ ﺍﻫﻠﻪ ﺑﺎﺍﻟﻬﻮﻝ ﻳﻄﻞ ﻋﻠﻰ ﻛﻞ ﺍﻟﻐﺮﻑ ﻣﻦ
ﻃﻠﻌﺖ ﺭﻓﻊ ﺭﺍﺳﺔ ﺩﺣﻜﻨﻲ ﻋﻘﺪ ﺣﻮﺍﺟﺒﺔ ﺿﺎﻳﺞ ﻣﺎﻗﺎﺑﻞ
ﻋﻠﻴﻪ ﺑﺲ ﻣﺎﺣﺠﺔ ﺍﻧﻲ ﻣﺎﻋﺒﺮﺗﻪ ﺭﺣﺖ ﺳﻮﻳﺘﻠﻲ ﺑﺘﻴﺘﺔ ﻣﻜﺴﺒﺔ
ﻭﺧﺎﺛﺮ ﺍﻛﻠﺖ ﺍﺭﻳﺪ ﺍﻟﺪﻭﺧﺔ ﺗﺘﺮﻛﻨﻲ ﻣﻤﻮﺗﺘﻨﻲ ﺭﻭﺣﻲ
ﻻﻳﺒﺔ ﻭﻧﻔﺴﻲ ﻟﻌﺒﺎﻧﺔ
ﺿﻠﻴﺖ ﺍﻓﺘﺮ ﺑﺎﻟﻤﻄﺒﺦ ﺣﻀﺮﺕ ﺍﻟﻌﺸﻪ ﺭﺟﻌﺖ ﻟﺮﻭﺗﻴﻨﻲ
ﺷﺴﻮﻱ ﺍﺫﺍ ﻣﺎﻋﻨﺪﻱ ﻏﻴﺮ ﺍﻟﻠﻪ ﻭﻋﻤﻮ ﺍﻟﻲ ﻧﺼﻔﻨﻲ ﺍﻟﻤﻦ
ﺍﺷﻜﻲ ﻟﻠﻤﻐﺮﺏ ﺭﺟﻊ ﺛﺎﻣﺮ ﻭﺣﺪﻩ ﻭﻳﻀﺤﻚ ﻣﻦ ﻓﺎﺕ ﺩﺭﺕ
ﻭﺟﻬﻲ ﻣﻨﻪ ﻣﻜﺮﻭﻫﻮﻥ ﺍﻧﺘﻪ ﻭﻣﺮﺗﻚ ﺳﻤﻌﺘﻪ ﻳﻜﻮﻝ ﺍﻟﻬﻢ
ﺍﺷﻮﺍﻕ ﺣﺎﻣﻞ ﺍﺟﺘﻨﻲ ﺣﻮﺭﺍﺀ ﻛﻌﺪﺕ ﻳﻤﻲ_ ﺳﻤﻌﺘﻲ ﺑﺎﺍﺷﻮﺍﻕ ﺣﺎﻣﻞ
_ ﻛﻨﺖ ﺍﺛﺮﻡ ﺯﻻﻃﺔ ﺍﻟﺘﻔﺘﺖ ﺍﻟﻬﺎ ﻣﺒﺮﻭﻙ ﻋﻠﻴﻬﻢ
_ ﻣﻮﺩﻳﻬﺎ ﻟﺒﻴﺖ ﺍﻫﻠﻬﺎ ﺗﺮﺗﺎﺡ ﻋﻠﻰ ﺍﺳﺎﺱ ﻛﺎﻧﺖ ﺗﻜﺮﺏ
ﻫﻨﺎ ﻭﺍﻟﻠﻪ ﻳﺎﻟﻠﻪ ﺑﻄﻨﻲ ﻟﺨﺸﻤﻲ ﻭﻣﺎﺕ ﻋﻤﻲ ﻛﻮﻧﻴﺘﻴﻦ
ﻃﺤﻴﻦ ﺧﺒﺰﺕ ﻟﻠﻔﺎﺗﺤﺔ ﻭﺍﻛﺮﺏ ﺻﺒﺢ ﻭﻣﺴﻪ
_ ﺷﻨﺴﻮﻳﻠﻬﺎ ﻳﻤﻌﻮﺩﺓ ﺍﻟﻠﻪ ﺷﺎﻫﺪ ﻋﻠﻴﻪ ﻣﺎﺿﺮﺑﺘﻬﺎ ﺑﺎﻟﺒﺪﺍﻳﺔ
ﺑﺲ ﺩﻓﻌﺘﻬﺎ ﻭﻫﻢ ﺑﺮﻫﺎﻭﺓ ﺍﺷﻮ ﻫﺎﻱ ﻛﺎﻣﺖ ﺗﺒﺠﻲ ﻭﺗﻌﻴﻂ
_ ﺍﺩﺭﻱ ﺍﺩﺭﻱ ﺳﻮﻟﻔﺘﻠﻲ ﺃﻣﻲ ﺧﻠﻲ ﺗﻮﻟﻲ ﻣﺎﻟﺞ ﺷﻐﻞ ﺑﻴﻬﺎ
_ ﻫﻮ ﻫﻢ ﻣﺎﻟﻲ ﺷﻐﻞ ﺑﻴﻬﺎ ﻋﻤﻲ ﺧﻠﻲ ﺍﺳﺘﺮ ﻋﻠﻰ ﺭﻭﺣﻲ
ﺍﺷﻮﺍﻕ ﻋﺪﻫﺎ ﺍﻫﻞ ﻳﻮﻛﻔﻮﻟﻬﺎ ﺯﻭﺟﻬﺎ ﻳﺘﺨﺎﺭﺏ ﻭﻳﻪ ﺍﻟﺪﻧﻴﺎ
ﻛﻠﻬﺎ ﻋﻠﻰ ﻣﻮﺩﻫﺎ ﺍﻻ ﺍﻧﻲ ﻣﻨﻮ ﺍﻟﻲ ﻻ ﺍﻧﻮﺏ ﺍﻧﺬﺏ
ﺑﺎﻟﺸﺎﺭﻉ
_ ﻻﺍﺍ ﻧﻴﺮﺍﻥ ﻟﻴﺶ ﻫﻴﺞ ﺗﺤﺠﻴﻦ ﻭﺍﺣﻨﺎ ﻭﻳﻦ ﺭﺣﻨﺎ
ﺻﺪﻙ ﺗﺤﺠﻴﻦ ﻭﻋﻠﻲ ﺍﺑﻮ ﺍﻟﺤﺴﻦ ﻗﻬﺮﺗﻴﻨﻲ ﺑﻌﻴﻮﻧﻪ
ﺍﻧﺨﻠﻴﺢ
_ ﻣﺘﻘﺼﺮﻭﻥ ﺑﺲ ﻣﺤﺪ ﻳﺘﺤﻤﻞ ﺍﺣﺪ ﺍﺻﻼً ﺑﻌﺪ ﻣﻮﻗﻔﻬﻢ
ﻭﻳﺎﻳﺔ ﻗﺒﻞ ﺍﻭﻝ ﺍﻟﺒﺎﺭﺣﺔ ﻋﺮﻓﺖ ﻗﻴﻤﺘﻲ ﺷﻨﻮ ﻧﺰﻟﺖ ﺩﻣﻮﻋﻲ
ﺻﺪﻙ ﻫﻀﻤﻨﻲ ﺣﻮﺭﺍﺀ ﻟﻮ ﺗﺸﻮﻓﻴﻦ ﺣﺎﺗﻢ ﺍﺷﻮﻥ ﺿﺮﺑﻨﻲ
ﻭﺛﺎﻣﺮ ﻳﺤﻀﻦ ﺍﺑﻤﺮﺗﻪ ﻭﺭﻏﻢ ﻭﺍﻟﻠﻪ ﺍﻟﻌﻈﻴﻢ ﺍﻧﻲ ﻣﺎﺳﻮﻳﺘﻠﻬﺎ
ﺷﻲﺀ ﻫﻴﻪ ﺍﻟﻲ ﺍﺑﺘﻠﺖ ﻋﻠﻴﻪ ﺻﺪﻙ ﺍﻧﻲ ﻭﺣﻴﺪﻩ ﻭﻳﺘﻴﻤﺔ
ﺷﻮﻓﻲ ﺣﻮﺭﺍﺀ ﺍﻧﻲ ﻋﺪ ﺣﺎﺗﻢ ﻧﺰﻭﺓ ﻟـ ﺍﻓﺮﺍﺷﺔ ﻭﺍﻡ ﺍﺑﻨﻪ
ﻭﺧﺪﺍﻣﺔ ﺍﺑﻴﺘﻬﻢ ﻻ ﺍﻛﺜﺮ ﻭﻻ ﺍﻗﻞ ﻋﺮﻓﺖ ﻗﻴﻤﺘﻲ ﻟﻶﺳﻒ
ﻛﻨﺖ ﺍﺧﺎﻉ ﺑﺮﻭﺣﻲ ﻭﺍﺣﺴﺒﻬﺎ ﻋﺰﻳﺰﺓ ﻋﺪﻫﻢ
ﺍﺷﻮﻓﻬﺎ ﺗﺒﺎﻭﻉ ﻟﻠﺒﺎﺏ ﻋﻴﻦ ﻋﻠﻴﻪ ﻭﻋﻴﻦ ﻟﻠﺒﺎﺏ ﻭﺗﻠﻢ ﺑﺸﻔﺎﻳﻔﻬﺎ
ﻋﺮﻓﺖ ﺣﺎﺗﻢ ﻭﺍﻛﻒ ﻣﺴﺤﺖ ﺩﻣﻮﻋﻲ ﻭﺭﺟﻌﺖ ﻛﻤﻠﺖ ﺷﻐﻠﻲ
ﺩﺍﺻﺒﻠﻬﻢ ﺍﻛﻞ ﺍﺧﺬﺗﻪ ﺍﻟﻬﻢ ﻋﻤﺔ ﻭﺍﻧﻲ ﺑﻘﻴﺖ ﺍﺳﻮﻱ
ﺟﺎﻱ ﺧﻠﺼﻮ ﻧﻀﻔﺖ ﺍﺟﻪ ﻓﺎﺋﻖ ﺍﺧﺬﻩ ﺣﻮﺭﺍﺀ
ﺭﺣﺖ ﻟﻐﺮﻓﺘﻲ ﻧﻔﺴﻲ ﺗﻠﻌﺐ ﻭﺩﺍﻳﺨﺔ ﻓﺮﺷﺖ ﺑﺎﻟﻜﺎﻉ
ﻭﻣﺪﺩﺕ ﻣﺎﺭﻳﺪ ﺍﻧﺎﻡ ﻳﻤﺔ ﺗﻌﺒﺖ ﻭﻳﺎﻙ ﺣﺎﺗﻢ ﻣﺮﺍﺕ ﺍﺗﺬﻛﺮ
ﻣﻦ ﻳﻌﺎﻣﻠﻨﻲ ﺑﺤﺐ ﻳﺮﻓﻌﻨﻲ ﻟﺴﺎﺑﻊ ﺳﻤﺎ ﻭﻓﺠﺎﺀ ﻳﻬﺒﻄﻨﻲ
ﻻﺃﺳﻔﻞ ﺍﻟﺴﺎﻓﻠﻴﻦ ﻭﻛﻞ ﺩﻻﻟﺔ ﻳﻄﻠﻌﺔ ﻣﻦ ﺧﺸﻤﻲ
ﻓﺎﺕ ﻛﺮﻡ ﺑﻴﺪﺓ ﻣﺎﻋﻮﻥ ﻛﻨﺎﻓﺔ ﻭﻋﻠﺒﺔ ﻣﻮﻃﺔ ﺧﻼﻫﻦ ﻛﺪﺍﻣﻲ
_ ﺍﻛﻌﺪﻱ ﺍﻛﻠﻲ ﻣﺎﻣﺎ ﻭﻳﺎﻳﺔ
_ ﺍﺗﻠﻤﺴﺖ ﺧﺪﺓ ﺳﺤﺒﺘﻪ ﺑﺴﺘﻪ ﻻ ﺣﺒﻴﺒﻲ ﻣﺎﺍﺭﻳﺪ ﺍﻛﻞ
ﺑﺎﻟﻌﺎﻓﻴﺔ ﻣﻨﻮ ﺟﺎﺑﺔ
_ ﺑﺎﺑﺎ ﺭﺣﺖ ﺃﻧﻲ ﻭﻳﺎﻩ ﺟﺒﻨﻪ ﻭﺍﺟﻴﻨﺎ ﺩﺍﻳﻜﻮﻝ ﻫﻮ ﻳﻢ ﺟﺪﻭ
ﻣﺎﻣﺎ ﻋﻤﺔ ﺍﺷﻮﺍﻕ ﺭﺍﺣﺖ ﻭﻳﻦ
_ ﻟﺒﻴﺖ ﺍﻫﻠﻬﺎ ﻟﻴﺶ
_ ﺻﺪﻙ ﺭﺍﺡ ﺍﺗﺠﻴﺐ ﻧﻮﻧﻮ ﻭﺍﻟﻌﺐ ﻭﻳﺎﻩ
_ ﺍﻱ ﻣﻨﻮ ﻛﺎﻟﻚ
_ ﻋﻤﻮ ﺛﺎﻣﺮ ﻭﻳﻀﺤﻚ ﺍﻧﻄﺎﻧﻲ ﻓﻠﻮﺱ ﺷﻮﻓﻲ
_ ﻃﻠﻌﻬﻦ ﻣﻦ ﺟﻴﺒﺔ ﺭﺍﻭﺍﻧﻴﺎﻫﻦ ﻋﺸﺮﻩ ﺍﻟﻒ ﺍﺧﺬﻫﻦ
ﻭﺿﻤﻬﻦ ﺑﻘﺎﺻﺘﻚ ﻳﻢ ﺑﻴﺒﻲ
_ ﺍﻱ ﻣﺎﻣﺎ ﻟﻌﺪ ﺍﻧﺘﻲ ﻟﻴﺶ ﻣﺘﺮﻭﺣﻴﻦ ﻟﺒﻴﺖ ﺍﻫﻠﺞ !!! ؟
_ ﻋﺪﻟﺖ ﻛﻌﺪﺗﻲ ﺣﺴﺒﺎﻟﻚ ﻛﻼﻡ ﻛﺮﻡ ﻣﻠﺢ ﻭﺭﺷﺔ ﻋﻠﻰ
ﺟﺮﻭﺣﻲ ﻏﻄﻴﺖ ﻭﺟﻬﻲ ﺑﻴﺪﻱ ﻭﺿﻠﻴﺖ ﺍﺑﺠﻲ ﻣﻦ ﻛﻞ ﻛﻠﺒﻲ
ﻭﺟﻌﺘﻨﻲ ﻛﺮﻡ ﺑﻬﺎﺫﺍ ﺳﺆﺍﻟﻚ ﺣﻴﻞ ﻭﺟﻌﺘﻨﻲ ﻭﺧﺮ ﺍﻳﺪﻱ
ﻣﻦ ﻭﺟﻬﻲ ﺍﻣﺒﺮﻃﻢ ﺍﻳﺮﻳﺪ ﻳﺒﺠﻲ ﻣﺴﺤﺖ ﺩﻣﻮﻋﻲ ﻭﻟﺰﻣﺖ
ﺍﺩﻳﻪ ﺍﻟﻨﺎﻋﻤﺔ ﺑﺴﺘﻬﻦ ﺷﻮﻑ ﻛﺮﻭﻡ ﺣﺒﻴﺒﻲ_ ﺿﻠﻴﺖ ﺍﻋﺪ ﺑﺎﺍﺻﺎﺑﻴﻌﺔ ﺍﻧﺘﻪ ﺍﺧﻮﻳﺔ ﻭﺍﻧﺘﻪ ﺍﺑﻮﻳﺔ ﻭﺍﻧﺘﻪ
ﺃُﻣﻲ ﺍﻟﻲ ﻋﺎﻓﺘﻨﻲ ﻭﺍﻧﺘﻪ ﺻﺪﻳﻘﻲ ﻭﺍﻧﺘﻪ ﻛﻞ ﺍﻟﺪﻧﻴﺎ ﺍﻟﻴﻪ
ﻭﺍﻧﺘﻪ ﺍﻫﻠﻲ ﻭﻛﻞ ﻧﺎﺳﻲ ﻭﺍﻧﺘﻪ ﺍﻟﺸﻲ ﺍﻟﺤﻠﻮ ﺍﻟﻲ ﻣﺨﻠﻴﻨﻲ ﻣﺘﻤﺴﻜﺔ ﺑﺎﻟﺤﻴﺎﺓ ﻻﺍﺟﻠﻪ ﺿﻞ ﻳﻀﺤﻚ
_ ﻳﻌﻨﻲ ﺻﺮﺕ ﻫﺴﻪ ﺃﻧﻲ ﺍﺑﻮﺝ ﺑﺲ ﻣﺎﻋﻨﺪﻱ ﺷﻮﺍﺭﺏ
ﻣﺜﻞ ﺑﺎﺑﺎ ﺣﺘﻰ ﺍﺻﻴﺮ ﺍﺑﻮﺝ
_ ﺣﻀﻨﺖ ﻭﺟﻨﺎﺗﻪ ﺑﺪﻳﺔ ﻭﺣﺎﺟﻴﺘﻪ ﺣﺒﻴﺒﻲ ﺍﻟﺮﺟﻮﻟﺔ ﻣﻮ
ﺑﺎﻟﺸﻮﺍﺭﺏ ﻫﻮﺍﻱ ﻋﺪﻫﻢ ﺷﻮﺍﺭﺏ ﺑﺲ ﻳﻔﺘﻘﺪﻭﻥ ﻟﻠﺮﺟﻮﻟﺔ
ﻓﻬﻤﺖ ﻫﺰ ﺭﺍﺳﻪ ﺑﺎﻱ ﺑﻮﺳﺘﻪ ﻣﻦ ﺧﺪﻩ ﺭﻭﺡ ﺍﺧﺬﻫﻦ
ﻭﺩﻳﻬﻦ ﻟﺒﻴﺒﻲ ﺗﺎﻛﻞ ﻭﻳﺎﻙ janat_51
_ ﺑﺎﺑﺎ ﺟﺎﺑﻠﻬﻢ ﻭﺫﻧﻲ ﻛﺎﻝ ﺍﻟﺞ
_ ﻣﺎ ﺍﺭﻳﺪ ﺧﻠﻴﻬﻦ ﺍﻟﻚ ﺑﺎﻟﺜﻼﺟﺔ ﻣﻦ ﺗﺨﻠﺺ ﺭﺟﻌﺖ
ﻣﺪﺩﺕ ﺍﻧﺪﺍﺭﻳﺖ ﺍﺳﺤﺐ ﺍﻟﻤﺨﺪﻩ ﻛﺎﻥ ﺍﻟﺒﺎﺏ ﻣﻔﺘﻮﺡ ﺍﺷﻮﻳﺔ
ﺷﻔﺖ ﺣﺎﺗﻢ ﻭﺧﺮ ﻣﻦ ﺍﻟﺒﺎﺏ ﺍﻟﻈﺎﻫﺮ ﻛﺎﻥ ﻭﺍﻛﻒ
ﻧﻤﺖ ﻣﺎﺣﺴﻴﺖ ﺑﻌﺪ ﻣﻨﺎ ﻟﻠﺼﺒﺢ ﻻﻥ ﻛﻨﺖ ﻣﻮﻗﺘﻪ ﺟﻬﺎﺯﻱ ﻟﻄﻠﻌﺘﻪ ﻟﻠﺪﻭﺍﻡ ﻛﻮﻳﺖ ﻣﻼﺑﺴﻪ ﺑﻴﻦ ﻣﺎﺳﺒﺢ ﻭﺍﻟﺼﻤﺖ
ﻫﻮ ﺳﻴﺪ ﺍﻟﻤﻮﻗﻒ ﺑﻴﻨﺎﺗﻨﺎ ﺣﻀﺮﺗﻠﻪ ﺭﻳﻮﻛﺔ ﺗﺮﻳﻚ ﻭﻃﻠﻌﺖ
ﺍﻟﻴﻮﻡ ﻛﻠﻪ ﻭﺍﻧﻲ ﺩﺍﻳﺨﺔ ﻭﺍﻟﺼﺪﺍﻉ ﻣﻮﺗﻨﻲ ﺷﺎﻛﻞ ﺍﺫﺑﺔ
ﻋﻴﻮﻧﻲ ﺻﺎﺭﺕ ﺑﻴﺾ ﻋﻤﺔ ﺳﻮﺗﻠﻲ ﻋﺼﻴﺮ ﻭﺣﻠﺘﻪ ﻛﺎﻟﺘﻠﻲ
_ ﺍﻧﻜﻠﺒﺖ ﺍﻣﻌﺎﺋﺞ ﻻﻥ ﺿﻠﻴﺘﻲ ﻓﺘﺮﺓ ﺑﻼ ﺍﻛﻞ ﺑﺲ ﺣﻠﻮﻳﺎﺕ
ﺻﺎﺭ ﺑﻴﺞ ﻓﻘﺮ ﺩﻡ ﺍﺗﺼﻠﺖ ﺑﺤﺎﺗﻢ ﻛﺎﻟﺘﻠﻪ ﺗﻌﺎﻝ ﻧﻴﺮﺍﻥ
ﺗﺨﺮﺑﻄﺖ ﻣﺪﺭﻱ ﺷﻜﺎﻟﻠﻬﺎ ﻭﺳﺪﺗﻪ
_ ﻛﻮﻣﻲ ﺍﺧﺬﺝ ﻟﻠﺪﻛﺘﻮﺭﺓ ﻛﻮﻣﻲ ﺣﺎﺗﻢ ﻣﺎﻳﻜﺪﺭ ﻳﺠﻲ
ﻛﺎﻝ ﺟﻴﺒﻴﻬﺎ ﻭﺗﻌﺎﻱ
_ ﻋﻤﺔ ﺩﺍﻳﺨﺔ ﻣﺎﺑﻴﺔ ﺳﻨﺪﺗﻨﻲ ﻟﺒﺴﺘﻨﻲ ﻋﺒﺎﺓ ﺍﺳﻼﻣﻲ
ﻭﺑﺪﻟﺖ ﻟﻜﺮﻡ ﻗﻔﻠﻨﺎ ﺍﻟﺒﻴﺖ ﻭﻃﻠﻌﻨﺎ ﺻﻌﺪﻧﺎ ﺑﺎﻟﻔﻮﺭﺗﺎﺕ ﺫﺑﺘﻨﺎ
ﻳﻢ ﺍﻟﻤﺨﺘﺒﺮ ﻣﺎﻟﺘﻪ
ﻫﻮ ﻭﺍﻛﻒ ﺑﺎﺍﻟﺒﺎﺏ ﻳﻨﺘﻀﺮﻧﺎ ﻣﻦ ﺷﺎﻓﻨﺎ ﺍﺟﻪ ﻳﻤﺸﻲ ﺳﺮﻳﻊ
ﺳﺎﻝ ﻋﻤﺔ
— ﻫﺎﺍ ﻳﻮﻡ ﺍﺷﺒﻴﻬﺎ ﻟﻴﺶ ﻫﻴﺞ ؟؟ !!!
_ ﻣﺎ ﺍﺩﺭﻱ ﻭﻛﻌﺖ ﻋﻠﻴﻪ ﻭﺑﺲ ﺗﺘﻘﻴﺊ ﺳﻨﺪﻱ ﺩﺧﻠﺘﻲ
ﻟﻠﻌﻴﺎﺩﺓ ﻛﺎﻥ ﺣﺎﺟﺰﻟﻲ ﻳﻢ ﺍﻟﺪﻛﺘﻮﺭﺓ ﺭﺃﺳﻦ ﺩﺧﻠﺖ ﺍﻟﻬﺎ
ﻓﺼﺤﺘﻨﻲ ﻣﺎﻛﺎﻟﺖ ﺷﻲﺀ ﺑﺲ ﻃﻠﺒﺖ ﺗﺤﺎﻟﻴﻞ
ﻃﻠﻌﺖ ﻭﻫﻮ ﻭﺍﻛﻒ ﻳﻢ ﺍﻟﺒﺎﺏ ﺳﺄﻟﻨﻲ
_ ﻫﺎﺍ ﺷﺮﺍﺩﺕ
_ ﻧﻄﻴﺘﻪ ﺍﻟﻮﺭﻗﺔ ﺃﺧﺬﻧﻲ ﻟﻠﻤﺨﺘﺒﺮ ﻋﻤﺔ ﻛﺎﻋﺪﻩ ﻫﻲ ﻭﻛﺮﻡ
ﺑﺎﻟﻤﺨﺘﺒﺮ ﻭﺍﻛﻔﻪ ﻳﻤﻬﺎ ﺍﺑﻨﻴﺔ ﺍﻭ ﺭﺟﺎﻝ ﻣﻦ ﺷﺎﻓﻮﻧﻲ
ﺩﺧﻠﻮ ﻟﻐﺮﻓﺔ ﺍﻟﺘﺤﺎﻟﻲ ﺩﺧﻠﻨﺎ ﻭﺭﺍﻫﻢ ﻛﻌﺪﺕ
ﺭﺩﺍ ﻳﺴﺤﺒﻠﻲ ﺩﻡ ﺳﺤﺒﺖ ﺍﻳﺪﻱ ﻣﺎﻗﺒﻠﺖ ﻫﻮ ﺧﺰﺭﻧﻲ
ﻣﺎﻫﺘﻤﻴﺖ ﻣﺎﺍﺍﺭﺭﺭﻳﺪ ﺍﻧﺘﻪ ﺗﻮﺟﻊ ﻛﺰ ﻋﻠﻰ ﺍﺳﻨﻮﻧﺔ ﻭﻛﺎﻟﻲ
_ ﻛﺎﻓﻲ ﺃﻧﺘﻲ ﻣﻮ ﻃﻔﻠﺔ ﺧﻠﻲ ﺍﺳﺤﺒﻠﺞ ﺩﻡ ﺍﺻﺒﺮﻱ
_ ﺍﺧﺬ ﺍﻳﺪﻱ ﺑﺎﻟﻜﻮﻩ ﺛﺒﺘﻬﺎ ﻭﺳﺤﺐ ﺩﻣﻊ ﻋﻄﺖ ﻛﺘﻠﻪ
ﺍﻭﻭﻭﻭﻱ ﺳﺪ ﺣﻠﻤﻲ ﺑﻴﺪﻩ ﺣﻴﻞ ﻭﻫﻤﺲ ﻏﻀﺐ ﺍﻟﻠﻪ
ﻋﻠﻰ ﺭﺍﺳﺞ ﻓﻀﺤﺘﻴﻨﻲ janat_51
_ ﺍﻟﻮﻟﺪ ﺍﻟﻲ ﻭﻳﺎﻩ ﺑﺴﺎﻉ ﻃﻠﻊ ﻭﺍﻟﺒﻨﻴﺔ ﺿﻠﺖ ﺗﻀﺤﻚ
ﻭﺍﻧﻲ ﺧﺰﺭﺗﻬﺎ ﻛﻠﺶ ﺣﻠﻮﺓ ﻻﺑﺴﺔ ﺗﻮﺭﺑﺎﻥ ﻭﺭﺩﻱ ﻭﻣﻜﻴﺎﺝ
ﻭﻋﺪﺳﺎﺕ ﻃﺎﻟﻌﺔ ﻻﻋﺎﺑﺔ ﻣﻦ ﺷﺎﻓﺘﻨﻲ ﺧﺰﺭﺗﻬﺎ ﺳﻜﺘﺖ ﻭﺩﺍﺭﺕ
ﻭﺟﻬﻬﺎ ﻣﻨﻲ ﺳﺤﺒﺖ ﺍﻳﺪﻱ ﻣﻨﻪ ﻭﻃﻠﻌﺖ ﻳﻢ ﻋﻤﺔ ﺍﻧﺘﻀﺮ
ﺍﻟﻤﻬﺠﻮﻡ ﻳﻄﻠﻊ ﻭﻫﺎﻱ ﺗﻔﺘﺮ ﺗﺸﺘﻐﻞ ﻭﺍﻧﻲ ﺍﺷﻌﻮﻁ ﺍﺷﻌﻮﻁ
ﻣﻦ ﺍﻟﻘﻬﺮ ﻭﺍﻟﻮﻟﺪ ﻻﺯﻙ ﻳﻤﻬﺎ ﻭﻳﺸﺎﻭﺭﻫﺎ ﻭﺗﺒﺘﺴﻢ ﻣﺪﻱ
ﺍﻛﻮﻡ ﺍﻣﻠﺺ ﺭﻛﺒﺘﻬﺎ ﻭﺭﻛﺒﺖ ﺍﺑﻮ ﺍﻟﻤﻼﻫﻲ
ﺳﺤﺒﺖ ﻛﺮﻡ ﻭﻛﻒ ﻳﻤﻲ ﻭﻟﻚ ﻫﺎﻱ ﻧﻔﺴﻬﺎ ﺍﻟﻲ ﻛﻠﺘﻠﻲ
ﻋﻠﻴﻬﺎ
_ ﺍﻱ ﻣﺎﻣﺎ ﻫﺎﻱ ﺣﺒﻴﺒﺘﻲ ﺍﺭﻳﺪ ﺍﺗﺰﻭﺟﻬﺎ ﺷﻮﻓﻴﻬﺎ ﺍﺷﻮﻥ
ﺣﻠﻮﺓ
_ ﻋﻠﻴﻤﻦ ﺗﻄﻠﻊ ﺍﺑﻮﻙ ﻣﻨﻮ ﻋﻤﺔ ﺳﺤﺒﺘﻪ ﻛﻌﺪﺗﻪ ﻳﻤﻬﺎ ﻫﻲ
ﻭﺗﻀﺤﻚ
_ ﻭﻟﻚ ﺷﺘﺰﻭﺝ ﻓﻀﺤﺘﻨﺎ ﻣﻮ ﻫﺬﺍ ﺭﺟﻠﻬﺎ ﻭﺍﻛﻒ ﻳﻤﻬﺎ
_ ﻋﻤﺔ ﻫﺬﺍ ﺯﻭﺟﻬﺎ ؟؟؟
_ ﺍﻱ ﻭﻟﺞ ﺯﻭﺟﻬﺎ ﻭﻣﺨﻠﻔﺔ ﺑﻨﻴﺔ ﻫﻢ ﺑﺮﺩﻱ ﻗﻠﺒﺞ
_ ﺧﻮﺵ ﻃﻠﻊ ﺍﻟﺘﺤﻠﻴﻞ ﻛﺎﻟﻲ ﺍﻛﻌﺪﻱ ﺍﻧﻲ ﺍﻭﺩﻱ
ﺍﺧﺬﻩ ﻭﺭﺍﺡ ﺍﺷﻮﻳﺔ ﻭﺭﺟﻊ ﺑﻴﺪﺓ ﻋﻼﻛﺔ ﻋﻼﺝ ﺧﻼﻫﺎ ﺑﺴﺪ
ﻋﻤﺔ ﻛﺎﻟﻠﻬﺎ
_ ﺑﻴﻬﺎ ﻓﻘﺮ ﺩﻡ ﺣﺎﺩ ﻛﻮﻣﻲ ﺩﺍﺧﻠﻠﻴﻠﺞ ﻛﺎﻧﻮﻧﻪ
_ ﻣﺎﺍﺭﻳﺪ ﺍﻳﺪﻱ ﺗﻮﺟﻌﻨﻲ ﻣﺎﺍﺧﻠﻲ ﺩﻧﻚ ﻋﻠﻴﻪ ﻭﺣﺠﺔ ﺑﺼﻮﺕ
ﻧﺎﺻﻲ
_ ﻻﻃﻠﻌﻴﻦ ﺻﻮﺗﻲ ﺍﻧﺘﻲ ﻣﻮ ﻃﻔﻠﺔ ﻣﻨﺎ ﺍﻟﻨﺎﺱ ﻛﻮﻣﻲ ﻋﻴﺐ
_ ﻣﺎﺍﻩ ﻃﻠﻊ ﺍﻟﻮﻟﺪ ﺍﻟﻈﺎﻫﺮ ﻛﺎﻥ ﻳﺴﺘﻤﻌﻠﻨﺎ ﻛﺎﻟﻪ
_ ﻋﻮﻓﻬﺎ ﺍﺑﻮ ﻛﺮﻡ ﺃﻧﻲ ﺍﺧﻠﻴﻠﻬﺎ ﺍﻟﻜﺎﻧﻮﻧﻪ
_ ﺣﺎﺗﻢ ﺿﺎﺝ ﻭﺭﺩﻟﺔ ﻻﻻ ﺑﺎﻟﺒﻴﺖ ﺍﺧﻠﻴﻬﺎ ﺍﻟﻬﺎ ﺃﺭﺟﻊ
ﻛﻤﻞ ﺍﻧﺘﻪ
_ ﺍﻟﺘﻔﺘﺖ ﻋﻠﻴﻪ ﻛﻮﻣﻲ ﻛﻮﻣﻲ ﻓﻀﻴﻨﻲ ﻣﺘﺴﺘﺤﻴﻦ
ﺍﻧﺘﻲ ﻃﻔﻠﺔ
_ ﺍﺧﺬﻧﺎ ﻭﺭﺟﻊ ﻣﻦ ﻃﻠﻌﻨﺎ ﻣﻦ ﺍﻟﻌﻴﺎﺩﺓ ﻭﻫﻮ
_ ﺩﻧﻜﻲ ﺭﺍﺳﺞ ﺍﻣﺸﻲ ﺑﻀﻬﺮﻱ ﻻﺗﺮﻓﻌﻴﻦ ﻋﻴﻨﺞ
ﺍﻣﺸﻲ ﺑﺴﺪﻱ ﺗﻌﺎﻱ ﻣﻨﺎ
_ ﺣﺴﺒﺎﻟﻚ ﺑﺎﻳﻚ ﺑﻮﻛﺔ ﻭﺍﻟﻄﺮﻳﻖ ﻛﻠﻪ ﻳﺤﺠﻲ ﻭﻳﺮﺯﻝ ﺍﻧﻲ
ﺩﺍﻳﺮﺓ ﻭﺟﻬﻲ ﺍﺑﺎﻭﻉ ﻟﻠﺸﺎﺭﻉ ﻭﻣﺒﺘﺴﻤﺔ ﻻﻥ ﺻﺎﻳﺮ ﻋﺼﺒﻲ
ﻭﻣﺸﺘﻌﻞ ﻋﻠﻰ ﺷﻨﻮ ﻣﺎ ﺍﻋﺮﻑ ﺷﺪﺍﻳﺤﺲ ﻫﺬﺍ ﻓﻜﺮﺕ
ﺍﻛﻮﻟﺔ ﻳﻮﺩﻳﻨﻲ ﻳﻢ ﻟﻤﻴﺎﺀ ﻛﻢ ﻳﻮﻡ ﺍﻋﺮﻓﺔ ﻣﺮﺍﺡ ﻳﻘﺒﻞ ﺑﺲ ﻋﻨﺎﺩ
ﺑﻴﻪ ﻣﺪﻳﺖ ﺍﻳﺪﻱ ﻭﻟﺰﻣﺖ ﻛﺘﻔﻪ
ﺣﺎﺗﻢ ﻭﺩﻳﻨﻲ ﻳﻢ ﻟﻤﻴﺎﺀ ﻛﻢ ﻳﻮﻡ
_ ﻭﻛﻒ ﺍﻟﺴﻴﺎﺭﺓ ﺑﺸﺨﻄﺔ ﻭﺍﻟﺘﻔﺖ ﻋﻠﻴﻪ ﻭﻋﺎﻁ ﺑﻮﺟﻬﻲ
_ ﺷﻜﻮﻭﻭﻭﻭﻭ ﺍﺷﻮﻭﻭ ﻣﺘﺨﺒﻠﺔ ﻓﺪﻧﻮﺏ ﺷﺴﻮﻳﻦ ﻣﻮﻟﻴﻪ
ﻳﻢ ﺍﻟﺮﺟﺎﻝ ﺍﻟﻐﺮﻳﺐ ﺍﺷﻮﻭ ﺍﻧﺘﻲ ﻣﺨﺮﻓﺔ
_ ﻋﻤﺔ ﺍﺗﺴﻜﺖ ﺑﻴﻪ ﻭﺍﻧﻲ ﺭﺟﻌﺖ ﺿﻬﺮﻱ ﻟﻠﻜﺸﻦ
ﻣﺒﺘﺴﻤﺔ ﺟﺎﻭﺑﺘﻪ ﺑﻴﺖ ﺃﺧﺘﻲ ﻭﺍﻟﻐﺮﻳﺐ ﺍﺣﻦ ﻋﻠﻴﻪ ﻣﻦ ﺍﻟﻘﺮﻳﺐ
ﻭﺍﺣﺴﻨﻨﻦ
ﻳﺘﺒﻊ ....................

جنات عزيز janat_51