အခုလိုငိုကြွေးနေမိတဲ့မမကိုမြင်ရင်ရော ပြန်မလာဘဲနေမှာလားသိချင်မိသေးတယ် ကလေးရယ် ။
**********************
"သမီးလာထိုင်။ဘာစားမလဲ မေမေဘာလုပ်ပေးရမလဲ "
"ရပါတယ်မေမေ ရှိတာပဲစားတော့မယ် "
ထိုင်ခုံတွင်ထိုင်လိုက်သောသူမကို ဖေဖေကသေချာကြည့်ကာ
"သမီး အဆင်ပြေရဲ့လား "
မေမေထည့်ပေးသောထမင်းကြော်အား တစ်ဇွန်းခပ်စားလိုက်ပြီး
"အဆင်ပြေပါတယ် ဖေဖေ "
"စာမေးပွဲကအရေးကြီးတယ်နော် သမီး"
"သမီးသိပါတယ်ဖေဖေ သမီးသွားတော့မယ် "
"စားဦးလေသမီးရဲ့။ ကျောင်းကအစောကြီးရှိပါသေးတယ်"
"မစားချင်တော့ဘူးမေမေ သွားတော့မယ်"
"ဖေဖေလိုက်ပို့မယ်သမီး "
"ဟင့်အင်း စက်ဘီးနဲ့ပဲသွားမယ် "
"ရလို့လား "
"ရပါတယ်။ အဲ့ဒါဆိုသမီးသွားတော့မယ်နော် ဖေဖေနဲ့မေမေ "
လွယ်အိတ်ယူကာ သူမထွက်လာခဲ့လိုက်သည် ။
အရင်လို သူမလွယ်အိတ်ကလေးလွယ်ကာ ရှေ့ကနေစက်ဘီးနင်းမည့်သူလေးမှ မရှိတော့ပေပဲ ။
ရင်ထဲမှာဟာနေပေမယ့် ကျောင်းရောက်အောင်သာလာခဲ့မိသည် ။
*********************
"စကားခဏလောက်ပြောလို့ရမလား မမမြတ်ယွန်းလင်းငယ် "
သူမနှင့်ဦး ထမင်းစားနေကျထင်းရှူးပင်အောက်သို့ ကောင်းနှင့်အတူထိုင်နေစဉ် ရောက်လာသောဦးသူငယ်ချင်းနှစ်ယောက်ကြောင့် မြတ်ယွန်းစိတ်ညစ်သွားမိသည် ။
"ရော့....... "
ဘူးလေးတစ်ဘူးလှမ်းပေးလာသော ထက်လွန်းသူအား မြတ်ယွန်းနားမလည်သလိုကြည့်နေမိသည်။
"ကြောင်ကြည့်မနေပါနဲ့မမမြတ်ယွန်းလင်းငယ်။ဖွင့်ကြည့်လိုက်ပါ "
လေးထောင့်ဗူးလေးအား ဖွင့်လိုက်သည်နှင့် မြင်လိုက်ရသည်က အနက်ရောင် G-shock နာရီလေးနှစ်လုံးနှင့် စာရွက်ခေါက်လေးတစ်ခု။စာရွက်ခေါက်လေးအားထုတ်ယူ၍ ဘူးလေးကိုမြေပြင်ပေါ်ချထားလိုက်သည် ။
စာရွက်ဖြူဖြူလေးပေါ်အလှဆင်ထားတာက ဦးရဲ့လက်ရေးဝိုင်းဝိုင်းလေးတွေ ။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
အပိုင်း -- ၁၁
Start from the beginning
