اكابر واقول فراقه عادي وانا في داخلي اصرخ تكفون جيبوه

13

الــبــآآآآآآآآررت الـثــآآلــث الــعــشــربـــيـــت آآبــووســـن
كانت شايله شنطتها وتمشي ع روؤس اصابعها بالحديقه فجاه حست بيد التفت حول وجهها وسدت شفايفها واسحبتها بقوووه صارت تحاول تفك نفسها
تركي بهمس:ااهدي نهى قاعده تكلم هناااك اذا شاافتك بتفضحك
هدت وسن بس متضاايقه مووت من قربها من تركي دقيقه وتركها تركي بس مسك ذراعها ولفها بقووه:وين بتروحين؟؟
اسحبت يدها منه بقوه:مدري عند امي يمكن
تركي بعصبيه:انتي غبيه؟؟اذا افقدوك بيروحون لامك ع طووول
اسكتت وسن وبدت دموعها تنزل:ابي اهرب ابي اطلع من هذا البيت احس اني لو جلست زيااده فيه راح انتحر
انصدم تركي وحس بالجديه بكلامها:وتتدخلين النار؟؟
ارفعت راسها وناظرته ولفت وجهها
تنهد تركي:والجوري مو مخذتها معك؟؟
هزت راسها وسن بلا:لا
تركي بصدمه:ليش؟؟
وسن وهي تلف وتناظر البيت بتامل:راح تعيش هنا افضل من المكان اللي بروح له مهما كان المكان اكيد افضل وهي تتدرس وخلاص يكفي شتتها بما فيه الكفاايه خليت طفله تفكر باافكار مو مفروض تفكر فيها
تركي:بس اا بس ووسن اذا رحتي بتتركينها لجدتي وعماتي؟؟
ابتسمت ع جنب:راح تعيش وهم مايكرهون الجوري هم يكرهووني انااا
تركي وهو يقعد ع الكرسي ومنزل راسه:وسن انا اسف
ناظرته ببرود وصدت عنه:انا رايحه
وقف تركي بسرعه وصار قدامها:طيب اسمعي انا عندي شقه بعيده عن هنا وماحد يعرفها وش رايك اوديك لها؟؟
وسن بخوف:شقه؟؟لا مستحيل
تركي وهو يتنهد وناظر عيونها:ادري انك ماتثقين فيني وانا ماالومك بس وربي اني مستحيل اذيك
ناظرته بصدمه حست بالصدق والندم بكلامه انزلت دموعها وبعدت يده واسكتت شوي وهي تناظر له
تركي:اتركيني اكفر شوي من ذنبي(سكت شوي بعدين قال)وسن؟؟
هزت راسها وسن وبهمس:طيب
ابتسم تركي ومسك شنطتها:يلا اجل
مشت خطوه بس لفت وصارت تتامل البيت وكل قطعه فيه تنهدت بصوت مسمووع وكلمت مشيها وراء تركي

الـــبـــقـــآآآآآآلــــه
قمر وهي منسدحه ع فراشها وتفتح السلسال وتسكره""ماقلت لفهد اني رحت لابوي ااه بكرا بقوله(ابتسمت بقوه)اليووم مراا انبسطت بس لازم بكرا اسوووي اللي براسي من اسبووع بس ياليت عمي وفهد ومشاري يرضوون يارب""

بــيـــت آآبـــووســددديــم
غــررفــه ســآآآآرره
كانت ساره وسديم قاعدات فوق السرير وسديم تقول لساره سالفه حمد ووجد
ساره بصدمه:معقووله حمد يسوي كذا؟؟
تنهدت سديم بضيق:والله ياساره قد مااكان كبير بعيني احسه صغرر
ساره اللي لسى مفهيه:لحظه لحظه معقووله قال كذا؟؟وين قلبه؟؟
سديم:سارونه انا مرا متضاايقه وصايره هذي السالفه تاثر ع شغلي وصايره مو طايقه اشووف وجهه
ساره بقهر:ماالووومك بصراحه بس يعني هذا شغل لازم تفارقين بينه وبين مشااعرك
سديم بانفعال:والله حاولت سااره بس ماقدرت من شفت وجهه ع طوول تذكرت صراخ المسكينه
ساره:طيب وااجهيه؟؟
سديم بصدمه:اواجهه؟؟وش اقول؟؟اكيد بيقولي مالك دخل
ساره بقهر:وشلون مالك دخل؟؟وانتي حاضره الموقف قوليلي له انا متضاايقه من ذاك اليوم وكذا باسلووب
اسكتت سديم شوي بعدين قالت:لا لا حمد يخووف وانا اخاااف
ساره بحقد:ووش يخوف؟؟بزر انتي؟؟اقول قوليله وماانتي خسارانه شي
اسكتت سديم وهي محتاااارره بس ع الاقل ارتاحت لما قالت لسااره