ချစ်သူ့ နတ်ဘုရား〖 Completed 〗

VOCÊ ESTÁ LENDO

Fantasia

Translation Status : Completed This is the Burmese translation of HDS Arc 9. I translated this arc from English translation which is why I asked for permission to let me translate ONLY this arc from E-tran team via E-mail. I got permitted at 28th Ma...

#arc9 #bl #completed #gods #hds #myanmar #romance #system #translation #transmigration #worldhopping #yandere #yaoi

9.6

Começar do início

de NgaChaukMaKyikeBuu

ပွဲဝင်ပေါက်တွင် တီမာက ဖိတ်စာကတ်ကို အစေခံတစ်ယောက်ဆီ ပေးလိုက်ကာ မျက်နှာဖုံး ချွတ်လိုက်လေသည်။

သူမမျက်နှာကို မြင်လိုက်ရသော အစေခံ၏ မျက်လုံးများတွင် အံ့အားသင့်ခြင်းများ ပေါ်ပေါက်လာသည်။ ဖိတ်စာကို စစ်ဆေးပြီးနောက် ခါးကိုင်း၍ အရိုအသေပြုကာ အထဲသို့ ဝင်ခွင့်ပြုလိုက်လေသည်။

ရှန့်ခယ်၏ ညွှန်ကြားမှုအောက်တွင် သူမ ယုံကြည်မှုနှင့် သတ္တိများမွေးထားခဲ့သော်လည်း ဤမျှ ကြီးကျယ်ခမ်းနားမှုကို တသက်နှင့်တကိုယ် မကြုံဖူးသူဖြစ်ရာ သူမ ပုံသဏ္ဍာန်ကား တွန့်ဆုတ်လျက်ရှိသည်။

"အရမ်း စိတ်မလှုပ်ရှားနဲ့ လူတွေကို ပန်းတွေ အပင်တွေလို့ သဘောထား" ရှန့်ခယ်က ကင်းစောင့်နေသည့် တပ်သားအလား ဟိုဒီကြည့်ကာ တီမာ့အနား မျောလွင့်လျက် ပြောသည်။ ကံဆိုးစွာနှင့် သက်ရှိလူသားများသည် သူ့အား အိပ်မက်အပြင်ဘက်တွင် ဝိဉာည်ပုံစံနှင့် မြင်နိုင်ကြားနိုင်စွမ်း မရှိချေ။

ထို့ကြောင့် တီမာသည် ရှန့်ခယ်၏ အားပေးမှုများကို မကြားနိုင်ရာ စိတ်လှုပ်ရှားမှုများ မလျော့သွားသည့်အပြင် ပို၍ မြင့်တက်လာတော့သည်။

ရှန့်ခယ်ကတော့ 'ဒီမိန်းကလေးက ဝတယ်၊ ဒီတစ်ယောက်က မလှဘူး၊ ဒီ မိန်းကလေး ဆံပင်ပုံက ရုပ်ဆိုးတယ်၊ ဒီတစ်ယောက်ကျ ရယ်နေတာ မိန်းမ မဆန်လိုက်တာ' စသည်ဖြင့် ပွစိပွစိနှင့် တီမာ့ကို ဖေးမနှစ်သိမ့်ပေးနေဆဲ ဖြစ်သည်။

သို့သော် တီမာ့မှာ ချွေးစေးများ ထွက်ကာ မြစ်အလား အိုင်ထွန်းလာတော့သည်။

"ဖူး.." ဘေးဘက်မှ ရယ်သံတစ်ခု ထွက်လာလေသည်။

ရှန့်ခယ်လှည့်ကြည့်ရာ နေးလ်အား အနီးတွင် လှပသည့်ဝတ်ရုံတစ်ထည်ခြုံကာ ဝိုင်တစ်ခွက်ကိုင်လျက် သူ့အားပြုံးကြည့်နေသည်ကို တွေ့လိုက်ရသည်။

နေးလ်သည် ခန္ဓာကိုယ် ရှိသော နတ်ဘုရားတစ်ပါးဖြစ်သည်။ ထို့ကြောင့် သက်ရှိလူသားများနှင့် စိတ်ကြိုက် ဆက်ဆံနိုင်ကာ သူ့အလှတောင် မော်ကြွားနိုင်သေးသည်။

ရှန့်ခယ်က နေးလ်ထံ အမြန်မျောသွားကာ နေးလ်ခါးအား တံတောင်နှင့် လှမ်းတို့သည်။ "ငါ့ကို တစ်ခု ကူညီပေးစမ်းပါ"