ကျောမခိုင်းပါနဲ့
🌸pann
Part (5)
" ဒီဒီ နင့်မျက်နှာကြီးကလည်း လငပုတ် ဖမ်းနေသလိုပဲ..မည်းမှောင်နေလိုက်တာ "
" အေးလေ..ဘာဖြစ်နေတာလဲ နင်က "
" မမှောင်လို့ ရမလား..အိမ်ကမှောင်အောင် လုပ်တဲ့အပြင် ကျောင်းရောက်တော့ ဘဲတစ်ကောင်က ညစ်အောင် လုပ်လိုက်သေးတယ် "
" ဘာလုပ်လို့လဲ .."
" ထုံးစံ အတိုင်း..ဟိုကောင်နဲ့ တွဲသွားတွဲလာ မလုပ်နဲ့ ဒီကောင်နဲ့ စကားမပြောနဲ့ ပေါက်ပေါက်ဖောက်လို့...ငါလည်း နားညီးလို့ စိတ်ရှုပ်လည်း မခံချင်တော့တာနဲ့ ဖျက်ခဲ့တယ် ဒါတောင် မသွားခင် ငါ့ကို ဘာပြောသွားသေးလဲ သိလား.."
" ဘယ်သိမလဲ.. "
" အေးလေ..နင်ပြောပြမှ သိမှာကို "
" တစ်နေ့ ကောင်းကောင်း ကြီးကို ဝဋ်လည်လိမ့်မယ်တဲ့...ငါတော့ မမှုဘူး မှုစရာလည်း မလိုဘူး.. "
" နင်ကလည်း နင်ပဲ.. မချစ်ဘဲ ရည်းစားထားတယ် ထားတဲ့ရည်းစား ဘယ်သူနဲ့မှ မမြဲဘူး ပျက်လိုက်တိုင်းလည်း နင် ခံစားမနေဘူး နင်ကတော့ စံပဲ.. "
" နားစမ်းပါ..ခံစားစရာ မှ မလိုတာ အစကတည်းက သေလောက်အောင် ကြိုက်ပါတယ် မှ မဟုတ်တာ သူလိုကိုယ်လို အပျော်ရှာနေကြတဲ့သူတွေ ချည်းပဲ ငါ့ကို ချစ်တယ် သာ ပါးစပ် က ပြောနေတာ ငါဆိုတာ ဘာမှန်း နားမလည်ကြဘူး..ငါ့စိတ်က ဘယ်လိုပါ ဆိုပြီး အဓိပ္ပာယ် မဖွင့်တတ်ကြဘူး ရည်းစား အဖြစ် သူတို့ကို ဂုဏ်လေးတပ်ပေးတာကို ကျေးဇူးတင်သင့်တယ်.. ငါ့ကို ချစ်တယ် လို့ ခံစားရလောက်တဲ့သူ တစ်ယောက် မှ မရှိဘူး.. အပေါ်ယံ တွေကိုပဲ ငါ ခံစားရတယ် အဲ့လိုလူတွေ အတွက် ငါ့ခံစားချက် ပေးလိုက်ရမှာလား..never ever ပဲ "
" အချစ်အကြောင်း အဓိပ္ပာယ် ဖွဲ့နေတဲ့နင်ရော တစ်စုံတစ်ယောက် ကို ချစ်ဖူးပြီလား..ချစ်ခဲ့ပြီလား.. "
" ငါ မသိဘူး.."
" ဟမ်.. "
" နင့်စကားကြီးက ဘာလဲ.."
" ဟုတ်တယ် ငါမသိဘူး..အချစ်အကြောင်း ဘာမှ မသိဘူး ခံလည်းမခံစားဖူးဘူး လူတကာ က အဓိပ္ပာယ် ဖွဲ့နေတဲ့ အချစ်က ပေးဆပ်တာတွေ ရယူတာတွေ စွန့်လွှတ်ရတာတွေ အာ့တွေ ကြားဖူးတာ တကယ်ရှိရဲ့လားတောင် မသိဘူး..ငါ ခံစားတတ်အောင်လည်း ဘယ်သူမှ မသင်ပြပေးနိုင်သေးဘူး အပေါ်ယံ လို့ပဲ ငါထင်နေတယ်.."
YOU ARE READING
ကျောမခိုင်းပါနဲ့ (Unicode)
Romance" နိုင်ငံခြားပြန် မကလို့ ဘယ်ကပဲ ပြန်လာလာ အထင်မကြီးဘူး မေမေ..လူတော မတိုးတဲ့ သူနဲ့ သမီးက လက်ထပ်ရမှာလား.." " မေမေ့သားလို ဝက်ပုတ်က လူတောတိုးမှာလား..အမေ့သမီးက နုနုထွတ်ထွတ် နဲ့ချောမောလှပနေတာကို သူ့လိုဝက်နဲ့ ပေးစားစရာ လိုလို့လား မေမေ မနှမြောဘူးလား အမေ့သမီး...
