الفصل السابع
ذهبت حياه مع سبع إلى الطبقة العلوية وكانت
تذهل كلما رأت جمال هذا القصر
دخلت حياه أحد الغرف فى نصف الرواق التى كانت
مندهشة من جمالة ورأت سبع يقبل يد امرأة وكانت
هناك شابة واقفة بجوارها وعلى سرير كل ما يقال
علية سرير أثرى يرقد رجل فى ما يقارب الستين
من العمر وليس بصحة جيدة
حسناء:أخوى فين الدكتور ومين إلا معاك دى
سبع:الدكتورة اهه هى هتشوف على بوى (مع
العلم انة لن يخبرهم عن إصابة اخاة)
حسناء بصت لجميلة واتكلمت بسخرية :وانتى يا
شاطرة هتعرفى تكشفى على بوى
جميلة:حسناء عيب كدة اتفضلى يا دكتورة شوفى شغلك
حياه لم تعر انتباهها لحسناء أخرجت أدواتها وبدأت
بفحص دقات القلب وقياس الضغط ولم تكن تنتبه
لتلك الأعين التى تراقبها منهم من يراقبها بإعجاب
ومنهم من يراقبها بقلق ومنهم من يراقبها بستهزاء
بعد أن فحصت حياه أبو سبع (بدير السباعى)
حياه:الحج دلوقتى بخير انا عطيته حقنة مخدر سبب
تعبة من الإرهاق المفرط هو الضغط عالى شوية
وانا هكتبلوا على علاج وان شاء الله هيتحسن هز
محتاج عناية كبيرة وأكل صحى
جميلة:الله يبارك فيكى يا بتى
سبع:متشكرين يا دكتورة بس بما أن الحج محتاج
عناية انتى هتجعدى هنا لحد اما يتعافا واخوى احمد
هخليهم ينجلوه هنا تحت رعايت ربنا ورعايتك
حسناء:لية هو مالوا احمد آمال (حسناء وجميله بيعتبروا أحمد من العيله فى مقام أخوه علشان متربين سوا)
سبع:اتصاب بعيار فى صدرة بس جات سليمة
جميلة:يامرى ميتة الكلام ده ومخبرتنيش لية كدة تزعلنى منك يا ولدى
سبع وهو بيبوس يد امة:مجدرش على زعلك يا ست
الكل مكنتش عاوز ازعجك هى جات سليمة
والدكتوراه جات فى وجتها وعلجتوا
وها هى حياه تتذكر والدتها وكم اشتاقت اليها
ليقاطعها جميلة:يا بتى يا دكتورة
حياه:ايوة حضرتك
جميلة:بجولك انتى هتنامى النهاردة فى جودة(اوضة) سبع ولدى
حياه اتخضت:انام فى اوضتة ازاى يعنى
جميلة بضحك على شكل حياه:لا يا بتى هو مش بينام معانا أساسا هو علطول فى الجبل ما بيجيش إلا اما حد فينا بيحصلوا حاجة عفشة وبصت بعتاب لسبع
سبع:قلب ابيض يا جوجو حد يزعل من ابنة العسل دة
جميلة:بس يا بكاش جومى يلا يا بنتى اتسبحى ونعسى معاكى خلجاتك ولا تخدى من خلجات حسناء
حسناء :وتاخد من خلجاتى لية انى نجصة جرف
جميلة بصت لحسناء باعين من نار بمعنى أن تصمت
ووجهت كلامها لحياه:متوخذهاش يا بتى جومى يلا
اتسبحى لحد اما تجبلك خلجات وتنعسى
حياه بعدم فهم:هو انا معلش يعنى هو يعنى اية
اتسبح وانعس خلجات دى هدوم صح و غلط
سبع وجميلة ضحكوا على حياه وحسناء بتضحك
ضحكة صفرا وحياه مستغربة بيضحكوا على اية
جميلة: تتسبحى يعنى تتسبحى
سبع بضحك:يعنى تاخديلك حمام يا دكتورة و
تنعسى يعنى تنامى وصح خلجات يعنى هدوم وان شاء الله من بكرة الصبح هدومك هتبقى عنديكى البسى المرة دى من هدوم حسناء
جميلة بفخر ببنها :ايوة كدة ذى ما سبعى جال إلا جوليلى انتى اسمك اية ؟
الكاتبه Amany Ahmed
