#نزوة_دائمة
روااااايات ايوتة 😍😍😍
الحلقة الثالثة عشر ماقبل الأخيرة
نفتح الباب وخشو منه وصال وامها ووائل
اهني عرفت ان انتهيت هادو كلهم مع وسيم علاش جايين معاي يعني
حمزة.. هادم اخر شهود حيشهدو بعدها حيكون النطق
القاضي.. يبدو
بدي وائل اللي حكي طريقة معاملة وسيم ليا طول فترة زواجنا كل شي صار احكاه بختصار، جت بعدها وصال وامها اللي حكت لما تزوج وسيم بنتها شن دارت وكيف وسيم يعامل فيا، وصال اللي حكت خيانة وسيم ليا مع مني قبل ميتزوجها وحكت كذلك انها هددتها ب شرفها لو قالت شي
سمع القاضي واعطي راحة عشرة دقائق بعدها النطق بالحكم، حسيت ان الدنيا كلها واقفة معاي مش ضدي لان جديات كنت مظلومة والظلم وااعر💔
طلقني القاضي والسبب الرئيسي للطلاق كان الخيانة الزوجية والحمدلله اطلقت منه وافتكييييت، وطبعا القاضي اعطي تحذير ل مني لو انها تعرضت ل وصال او حاولت ان تهددها ب شرفها حيكون مصيرها الحبس
المرة هادي طلعت من الباب واني فرحانة نشوفله بعين الانتصار ويشوفلي ب ان كيف جتني القوة ودرت كل هذا
روحت الحوش ركبت الدار وب حكم ان العدة بدت قررت معاش ننزل هلبا لان حمزة حيكون موجود يعني ياخد راحته ف حوشهم
سالم.. اطلقت💔
وسيم.. اي قدرت واطلقت بس ولدي ميقعد معاها ولو نموت
مني.. هالوسخة اللي دخلاتك المحاكم
وسيم.. وولدك ماشي يشهد معاها
سالم.. اني راضي وعارف ان مشي معاها مشي مع المظلوم مش الظالم
وسيم.. تو نسيبلكم امه الحوش اقعد فيه انت وولدك تو ينفعكم
ركب هوا واياها للحوش وبدو يلمو ف حوايجهم
مني.. معقولة تخلي امي تشهد ضدي
وسيم.. لا وخوي اللي ماشي يحكي بكل ارياحية
مني.. مش حيربحو ف الاخير
وسيم.. انتي اللي قعدلي من الدنيا هادي خليك معاي
مني.. من غير متقول اني معاك
طلع ومشي لشقته القديمة ورتب كل شي اساس انه يرد يسكن فيها من جديد
فاتت الايام والشهور وتمت العدة متاعي، وليت نعيش حياتي من جديد وكبر ولدي اللي كان فيه شبه كبير من بوه بس نسيت بوه وكل شي يخصه
احلام.. خيرك يانيرز شن فيه
نيرز.. خلاص المفروض ان نمشي نأجر شقة ونعيش فيها اني وولدي
احلام.. متخليناش نزعلو منك وين بتخليني
نيرز.. انتو مقصرتوش معاي بس الناس مترحمش ب لساناتها واني منقدرش ومنرضاش حد يتكلم عليكم
احلام.. طز ف الناس وكلامهم
نيرز.. اني نبي ناخد شقة اقلها قدام وسيم باش يعرف ان عايشة كويس ونقدر نربي ولدي بروحي
حمزة.. امي راهو كلامها صح
احلام.. كيف صح ترا
حمزة.. هي عايشه عندنا نعتبرو غرباء عليها يقدر بالطريقة هادي ياخد ولدها بحكم اني موجود ف الحوش
احلام.. شن بنقولك توا
حمزة.. حناخدلها شقة قريب من اهني تقدري تمشيلها امتا متبي
احلام.. مدام هكي موافقة
بعد ايام خديت شقة قريبة ع الفيلا وجت معاي احلام باش انضمها ونرتبها
مرت عليا ايام عسل واني بينهم وحتا بعد حولت قعدو يواصلو فيا، مخفتش ان نعطي عنواني بس خوفي انهم ياخدولي ولدي وقلبي ينحرق اكثر ماهو محروق
احلام.. شن معندك شي اليوم قاعد ف الحوش
سمير.. لا قاعد اليوم، شن صار مشيتو لنيرز
احلام.. نمشيلها اي حالها كويس
سمير.. باهي باهي كويس
ف يوم كان موعد زيارة وسيم ل ولده وطلبت ب طلب محكمة ان حمزة يكون معاي ك محامي ليا ويمنع اي تصرف غلط منه ووافقو وجي
وسيم.. صدقيني حتندمي ع اللي درتيه
نيرز.. من قال ان خايفة منك، بيني وبينك هالولد وبس😒
وسيم.. به حنشوفو
نيرز.. رد بالك راه اي تهديد منك حتندم عليه
وسيم.. خليك توا هك وديري روحك قويا بس حنخلي حياتك جحيم
نيرز.. خلي، الزيارة انتهت معليش تفضل
وسيم.. متقدريش تمنعيني عن ولدي
نيرز.. انت طليقي وجيتك للحوش كلها غلط ولدك وشفته شن مزال تبي
حطه ع السرير وشافلي وطلع
حمزة.. شن صار
نيرز.. شي مصار ع اساس يهدد
حمزة.. فوتيه
نيرز.. شكرا حمزة جديات
حمزة.. عادي نتكلم معاك
نيرز.. اكيد تعالي نقعمزو ف الصالة
حمزة.. انتي تعرفيني طول الفترة هادي محاولت ندير شي، مش فالح هلبا ف المقدمات بس من الاخير اني نبيك
نيرز.. شنو😮
حمزة.. متسألينيش كيف وامتا صار المهم اني حبيتك وخشيتي قلبي
نيرز.. ءءءء
حمزة.. متقولي شي فكري علي راحتك وجوابك سواء كان اي او لا مش حنزعل منك
نيرز.. ت ت تمام
حمزة.. اني بنمشي تبي حاجة ❤️
نيرز.. سلامتك
طلع واني ف حالة صدمة نشوف ل ولدي ونفكر ف حياتي معرفت شي
مني.. علاش متخطفاش وترتاح من وجها
وسيم.. ساهل ع اساس الخطف، هذا امر محكمة ننحبس كان صار للولد حاجة حتا لو مش اني من بيصدقني
مني.. تفكر هالفرخة مفات علاها شي
فاتو يومين وقاعدة مش مستوعبة شي
احلام.. نيرز؟؟؟
حمزة.. اي ياامي نيرز
احلام.. هي كيف اطلقت وتعاني بتقبل تتزوجك
حمزة.. انتي اقنعيها ب هذا
احلام.. كيف بنقنعها
حمزة.. نوضي البسي بسرعة ونرفعك ليها
احلام.. شن بندير عندها الدنيا مغرب
حمزة.. عادي مترقدش بكري هي البسي ونرفعك
احلام.. ع قد مدرت فيك نخطبلك كنت ترفض
حمزة.. قلبي يبي نيرز مش غيرها
احلام.. باهي جيبلي عبايتي من فوق
حمزة.. هي دقيقة، ناض جابلها عبايتها وطلعت وجت عندي مستغربتش جيتها ابدا واستقلبتها
احلام.. شن دايرة توا
نيرز.. نمشي ف اموري الحمد لله
احلام.. واكيد انتي عارفة علاش جاية
نيرز.. اي😔
احلام.. شوفي يابنتي فكري ب عقلك ف ولدك مجتمعنا ميرحمش راهو
نيرز.. بس اني خايفة ياخد مني ولدي
احلام.. مياخده حد
نيرز.. نخاف نرفض نندم ولو وافقت ينظلم معاي حمزة
احلام.. انتي اللي تظلميه وانتي اللي تسعديه
نيرز.. به موافقة
احلام.. علي بركة الله
وافقت شفت ف عيون حمزة حب معمري شفته ف عيون وسيم حتا لو واحد ف الميا قررت نبدا حياة جديدة من الصفر
مني ووسيم كانو ف السيارة ومقررين انهم يجو ياخدو ولدي مني بس صار شي غريييييييب.......
يتبع....
YOU ARE READING
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
