#نزوة_دائمة
روااااايات ايوتة 😍😍😍
الحلقة العاشرة
وسيم.. شن الصوت هذا
نيرز.. منعرفش جاي من حوش وائل
فتح الباب وطلع قابلاته خديجة
خديجة.. شنو
وسيم.. اركبي انتي شوفي شن فيه
خديجة.. ان شاء الله خير يارب
ركبت طقت الحوش بس كان مردود خشت لقت رانيا (مرت وائل) قاعدة بالفيلو وقاعدة ع الارض تبكي ووائل مقعمز ع الصالون
خديجة.. شن فيه خيركم
رانيا...... تبكي بس
خديجة.. وائل كلمني شن فيه متخوفنيش
وائل.. مفي شي انزلي!
خديجة.. علاش العياط قولي
وائل.. خلاص انزلي ياخالتي نعرف نتصرف
نزلت خديجة
وسيم.. شن فيه
خديجة.. معرفت شي قالي انزلي بس
نيرز.. بالك فيهم حاجة ياخالتي
خديجة.. مخلاني نقول معاه شي
قعد هدوء باقي الليلة بس قعد الامر غريب ومش مفهوم!!!
صبح يوم جديد... فتحت عيوني بكسل نشوف للروشن الشمس كيف طالعة تلفتت بنوض بس لقيت وسيم جنبي، قداش ليه مشافش لوجهي ولافكر انه يتكلم معاي او يغصبني نسمعه، ملامحه الهادية الجدية اللي لو شفتيلها حتا عشرة سنين متمليش، فقت ع روحي
نيرز.. وسيم وسييييم
وسيم.. خيرك
نيرز.. انت من سمحلك ترقد اهني
وسيم.. داري وحوشي نرقد وين منحب
نيرز.. قداش مقرف انت
وسيم.. ياسر صبح صبح
نضت غسلت وجهي وصليت طلعت المطبخ
مني.. غريبة جاية منك ونايضة اديري فطور
نيرز.. هذا مناقص غير نخدمك انتي واياه
مني.. نيرز بحركاتك هادي مستحيل تجيبي نتيجة راه
نيرز.. من قال ندور ف نتيجة يعني متهمونيش انتو
مني.. كوني كويسة معاي تربحي احسن من العناد هذا وتجي علي راسك
نيرز.. خوفتيني تعرفي
مني.. خافي ف الجديد اماله
نيرز.. مش فاضية للتفاهات متاعك
شربت امية وطلعت، نزلت لقيت رانيا قاعدة سلمت عليها
نيرز.. خالتي شن صار
خديجة.. قالت اول مخش تكلم معاها شويا بعدين بدي يكصر ويعيط مش مفهوم شي
نيرز.. بالك حوشهم فيه حاجة
خديجة.. وين نعرف عليهم وهوا طلع بكري مكلمتاش
قعمزت جنب رانيا والعيلة كلها كانت قاعدة مروحتش وتستنا ف المحضر
رانيا.. انتي مرت وسيم صح
نيرز.. اي اني☺️
رانيا.. ماشاء الله زي ماوصفوك حلوة😍
نيرز.. عيونك الحلوات، مزال فيه اللفعة مني تو تشوفيها
رانيا.. لفعة منو
نيرز.. اللفعة ضرتي
رانيا.. وسيم متزوج عليك😯
نيرز.. اي شفتي، متزوج من شهور
رانيا.. فيه حد عنده الجمال هذا كله ويدور
نيرز.. شفتيه الصايع الله غالب
رانيا.. ههه ربي يعوضك خير
نيرز.. نقولو ان شاء الله
محاولتش نسألها عن شي وواضح ان جوها حلو يعني لاتبكي ولامكشرة
الظهر دارولها غدي وكانت اجتماعية تهدرز وامورها عادية
سالم.. خيرك شن صاير
وائل.. منعرف شي منعرفش
وسيم.. صارت حاجة
وائل.. قاعد نحكي معاها منعرفش كيف وعلاش عيطت علاها وكسرت
سالم.. ربي يهدي شن بنقولك
وائل.. من اول يوم هكي!!
سالم.. استغفر ربك واستهدا باللٌّه
وائل.. ان شاء الله خير
مرت الأجواء هادية وحلوة ورانيا كانت محبوبة حتا من الناس والعيلة
ربيعة.. هاك شدي هذا
مني.. شن هذا زيادة
ربيعة.. مش تبي وسيم ليك بروحك
مني.. اي
ربيعة.. هذا تحطيها تحت مخدتها وادرقيها كويس، وهذا خليها تشربه حيخليها تجهض بدون محد يعرف حاجة
مني.. كيف بنخليها توثق فيا وتشرب مني
ربيعة.. مش حنعلمك اني خليها تشربه بأي طريقة
مني.. باهي
ربيعة.. بعدها وسيم معنده علاش يقعد مع نيرز بما انه ولدها مات
مني.. عندك حق
ربيعة.. وزي مساعدتك توصلي وتتزوجي وسيم كوني كويسة وحنساعدك ف اللي تبيه
اقتنعت بكلامها ودارت كل شي بالخطوة
وصلت الشهر السابع ❤️
كنت كافية خيري وشري منكلم ف حد وسيم كانت دوتي معاه مختصرة ومني نفس الشي مرتحتلهاش مع انها حاولت انها تتقربلي اكتر من مرة
رانيا حياتها شبه ماشية ولايخلو الامر من الفصلات اللي تصير بس محد عرف شن سببها، يمرو ايام عليهم عسل ف يوم يتغير كل شي منه او منها💔
خشيت المطبخ واني نمشي بصعوبة نحس ف روحي ثقيلة شربت وكليت لاني جيعانة وليت داري وجت رانيا
نيرز.. والله معاش قادرة
رانيا.. وجهك اصفر بالك فيك حاجة
نيرز.. مش عارفة نحس ف روحي تااعبة مش قادرة نتحرك
رانيا.. حاولي ترتاحي وارقدي
نيرز.. مش قادرة من امس نحس ب وجع غير طبيعي
رانيا.. مشيتي العيادة باهي
نيرز.. اماله وسيم اللي ميندريش ربي وين حاطني ولا منو بالضبط
رانيا.. قصدي قلتيلي اني راهو رفعتك اني ووائل
نيرز.. لالا مفيش داعي وقفتك معاي بروحها مستحيل ننساها
رانيا.. ولايهمك ومعاش تقولي هكي احني خوات
قداش اثرت فيا كلمة احني خوات سمعتها قبل من وصال الف مرة بس خانتني💔
قعمزت هي واني نعست بس الوجع قاعد
نضت واني مش متحملة الوجع زاد هلبا كلمت رانيا وائل كان قريب ع الحوش لان وسيم كان خدمة ومش حيطلع ع خاطري 😥 رفعوني المستشفى وندعي ان الوجع يكون طبيعي ومفي شي
وصلت دخلوني طول العمليات ومعاش نندري ع شي
وائل.. خيرها هي
رانيا.. تبكي... منعرفش كنت جنبها ورقدت فجأة قوي عليها الوجع هلبا
وائل.. حضن رانيا... اسسس معاش تبكي خلاص
رانيا.. حرام اللي يصير فيها
وائل.. ربي ياخد الحق انتي معاش تبكي وادعيلها
مرو ساعتين كاملات
وسيم.. شن فيه خيركم
وائل.. عندك حق متندريش ان مرتك من ساعتين وهي ف العمليات لتوا مطلعتش
وسيم.. خيرها الصبح مكان فيها شي
وائل.. اما صبح البنت قداش ليها ملوحة ومريضة نقولها نرفعك تقولي لا
وسيم.. تو نشوف، طلع الدكتور
وسيم.. شنو
الدكتور.. نيرز خشت ف غيبوبة 💔
رانيا.. غيبوبة شنو😭😭
الدكتور.. هي صغيرة وجسمها ميتحملش هذا كله والولد جي بس ناقص وهي خشت بعدها ف غيبوبة
وائل.. المتوقع امتا تنوض
الدكتور.. العلم عند الله محد يعرف، الولد حطيناه ف الحضانة لين تنوض امه ونشوفو بعدها
مشي وخلاهم، وسيم مشي يكمل ف خدمته ولاكأنه حاجة صارت ورانيا تبكي وخلاص ووائل يهدي فيها
فاتو 4 ايام لين فقت نحس ف راسي ثقيل عيوني نفتح فيهم ب صعوبة نشوف لدار ونذكر عرفت روحي ف المستشفى
خشت الممرضة شافتني نادت الدكتور وجي
الدكتور.. شن تحسي توا
نيرز.. وجع
الدكتور.. هذا شي طبيعي بعد حالات الولادة
نيرز.. وينه
الدكتور.. منخافيش انتي جبتي ولد وحاليا قاعد ف الحضانة لانك جبتي ف السابع
نيرز.. نبي نشوفه
الدكتور.. اهدي توا الممرضة تعطيك مسكن وبعد ياخد مفعوله تقدري تمشي تمشي تشوفيه تمام
نيرز.. تمام، خشت رانيا بعد الدكتور
رانيا.. الف مبروك يانيرز
نيرز.. يبارك فيك، شفتيه
رانيا.. شفته اي ربي يكمل عليك ويبارك فيه
نيرز.. ان شاء الله يارب
اعطوني مسكن رقدت منندري ع شي
مني.. جابت
وسيم.. اي جابت ولد
مني.. ف اما مستشفى
وسيم.. ف الولادة فوق
مني.. ماشاء الله جاية اهني
وسيم.. خلي نكمل شغلي ونمشيلها
نضت اني بعد المسكن نوضوني كنت متلهفة نشوف ولدي اللي استنيت وتحملت ع خاطره
وصلت الحضانة دخلتني الممرضة وقفت قدامه، كان صغيرون ايديه صغيرات والاجهزة ع جسمه صح المنظر مش محبب لاي حد بس كان يريحني هلبااااا
وليت الدار متاعي قعمزت ع السرير ب ارتياح، فاتو يومين وجابوهولي قداش كنت فرحانة بيه واني نمس ف ايديه الصغيرونات ونشوف لعيونه فمه كل شي فيه واني ف قمة السعادة، كتبولي خروج وطلعت لحوش بوي قررت ان خلاص كل شي ينتهي اهني ونطلب الطلاق من وسيم ولو رفض حنطلق حنطلق
روحت وزهرة مش عاجبها كيف منروحش حوشي بس طز فيها حوش بوي واني حرة
مرو الايام ولاحظت ع زهرة حركات غريبة هلبا معدلتش علاها
ف يوم من الايام سمعت شي خوفني وخلاني نطلع الساعة 2ف الليل بروحي اني وولدي......
يتبع...
تفاااعلو❤️❤️❤️🙈
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
