#نزوة_دائمة
روااااايات ايوتة 😍😍😍
الحلقة السابعة
طبعا زي مقلتلكم مرو 3ايام ع سفر وسيم
فاتحة الواتس نهدرز علي وصال وصلت رسالة من رقم غريب رقم ليبي مش من مصر وكانت رسالة
(قداش انتي طيبة وتنخدعي، راجلك مسافرش وقاعد ف ليبيا ف منطقةxx ف ف العمارات بالضبط والشقة الدور الثالث ع اليمين)
صدمتني الرسالة لا ومعاها العنوان بالضبط وتفصيل كذبت وقلت لا مستحيل بعدين نزلت لقيت وائل كيف طالع حكيتله
وائل.. متأكدة من هذا
نيرز.. منعرفش والله به ترفعني نشوف قلبي مش مطمن💔
وائل.. باهي اركبي جيبي عبايتك وتعالي
ركبت واني مش قادرة نوقف علي رجليا وحاسة ان الدنيا بتوقف وجي شريط حياتي قدام عيني وكيف هو متغير معاي
نزلت ومشينا للمنطقة هادي وكنت نقوله ع الطريق ووصلنا قدام العمارة، قلبي قريب يطلع من مكانه ونتمني بكل مافيا ان كل شي يكون غلط
ركبنا وركب معاي وائل وقفت قدام الشقة وطقيت الباب بهدوء، نفتح الباب و مقدرتش نحكي بكل شفت وصال صاحبت عمري فتحتلي الباب يارب يارب اللي ف بالي غلط
نيرز.. وصال حبيبتي شن اديري اهني
وصال.. ءءءء شن جابك قصدي خيرك
نيرز.. دموعي ينزلو قصدي انتي حوشكم مش اهني شنو اديري
وسيم.. من جاي وصال
شفتله وتجمعو الدموع ف عيوني كيف يخوني مع صاحبتي شن فيا ناقص شن فيااااااا
مني.. حبيبي منو
كملت توا طلعو كلهم مع بعض
نيرز.. اما وحدة خنتني معاها😥
وسيم.. اسمعيني فاهمة الموضوع غلط
مني.. جي الوقت اللي مفروض تعرف فيه كل شي
وسيم.. اسكتي انتي متحكيش
مني.. لا ياوسيم حتعرف كل شي، اني ووسيم تزوجنا امس
كنت حاسة رجليا معاش نقدر نوقف عليهم ونفكر اني ف شن غلط باش تكون جزاتي هكي علاش اني بالذات
نيرز.. وائل روح بيا
وائل.. هيا تعالي
وسيم.. استني يانيرز نفهمك
نيرز.. متلحقنيش خلاص 💔💔
طلعت ركبت السياره دموعي ينزلو وساكتة اصلا ملقيتش مبرر لأي شي يدير فيه لقيت السكوت احسن شي
روحت ركبت الحوش غسلت وجهي وبدلت صكرت الدار بالمفتاح توقعت ان وسيم يجي مكنتش طايقة وجهه ابدا
وسيم.. شن اللي درتيه انتي
مني.. درت اللي مفروض نديروه من زمان
وسيم.. مش هكي اني كنت حنعرف كيف نقولهالها مش نصدمها
مني.. وانت خيرك تعيط
وسيم.. فوتيني ترا، ناض لبس وطلع روح الحوش وخش
وسيم.. بوي نيرز وين
سالم.. الحمد لله على السلامة
وسيم.. يسلمك وين نيرز
سالم.. شن فيه خيرك
ركب وسيم بدون ميرد عليه دار ف الحوش وجي للباب لقاه مصكر بدي يطق نضت
وسيم.. نيرز افتحي الباب نكلمك، نبي نفهمك والله ان فاهمة غلط، نيرز افتحي ولانكسر الباب
كنت مقعمزة ع السرير ودموعي موقفوش كنت نسمع بالرجال اللي تخون ف نساوينهم بس لما حسيتها عرفت
نضت فتحت الباب لان موقفش
وسيم.. باهي تسمعيني
نيرز.. حد الله مابيني وبينك لين نجيب بعدها منبي منك شي لانفقة لاحوش ولااي شي طلقني بعد نجيب
وسيم.. شن تقولي انتي مرتي راه
نيرز.. خلاص اللي بينا انتهي هذا اصلا اذا كان فيه شي بينا غير الولد اللي حيجي
وسيم.. متتخديش قرار ف لحظة غضب تندمي عليه
نيرز.. نبي نندم نبي نحسه الندم هذا، توا انت ف طريقك واني ف طريقي وربي يعرف من الظالم ومن المظلوم
وسيم.. به اطلعي نتكلم معاك
نيرز.. معاش تجي جهتي قاعدة نتكلم معاك بأدب وانت عارف
خشيت وسكرت الباب ومن هديكا اللحظة قررت نكون انسانة ثانية الخيانة شي مش ساهل بذات ل وحدة ف عمري ومفيش سبب مقنع ولايبرر
رقدت واني تاعبة ودموعي معبيين المخدة
وائل.. شن اللي درته
وسيم.. تزوجت شن درت شي غلط
وائل.. من جدك تحكي
وسيم.. حقي هذا
وائل.. وليت انسان تاني مش انت خوي اللي نعرفه، البنت صغيرة وعايشة معاك فوق من القرف اللي مدايرهولها ومش معدل علاها وصابرة عليك
وسيم.. شكتلك هيا
وائل.. مفيش داعي انها تشكيلي واضح من تصرفاتها، حتا بوي يسألها تقوله تمام وحياتنا سعيدة بس مصدقتهاش وتوا ننصدم فيك انت
وسيم.. متحسسنيش بالذنب يعني اني مدرتش حاجة غلط حقي الشرعي والقانوني
وائل.. الكلام معاك ضايع، اقنع بوي انه حقك الشرعي والقانوني ع قولتك
وسيم.. خلاص سكر ع هالسيرة الموضوع وصار علاش تدوي
خشو الزوز من الشارع وقعمزو جنب بوهم وخديجة واني نزلت وقتها منندريش ع وسيم قاعد بس درت روحي عادية
سالم.. وين طلعتي من الصبح يابنتي سألت عليك خديجة قالت طلعتي
نيرز.. اي ناقصين شوية حاجات قلت نجيبهم ورفعني وائل
سالم.. باهي طمنتيني، وانت ياوسيم خيره سفرتك مطولتش
وسيم.. شي كملت شغلي وروحت
سالم.. مش مطمنلك بس يلاا
وائل.. خالتي عندك رقم ام البنت اللي مشيت شفتها صح
خديجة.. اي عندي شن نقولهم موافقين
وائل.. اتصلي بيهم قولهم مفيش نصيب
خديجة.. شن صار كنت تبيها وميت فيها
وائل.. مستريحتش كلميهم وقوليلهم
خديجة.. به، ناضت كلمتهم وقالتلهم
طبعا للعلم ان مني عشيقة وسيم تكون اخت وصال صاحبة نيرز
ام مني.. هادو كانو موافقين شن غيرهم
وصال.. ووه عليا ووه علاش رفضو😭
ام مني.. عادي كل شي نصيبات
وصال.. نبيه اني
ام مني.. ياسر من غير دلع زايد، وناضت
وصال.. دبريلي حل انتي كلمي وسيم يكلمه كله منك اصلا
مني.. من غير هبال زايد شن كله منك
وصال.. دبريلي
مني.. ترا فوتيني قال معاش يبيك تم
وصال.. اصلا اللي يخش معاك يربح
مني.. مقتلكش خشي معاي بالسيف وعقلك ف راسك اني مغصبتك علي شي
وصال.. انتي اكبر حقيرة شفتها
مني.. ههههههه هذا وين عرفتي
اما اني كنت قاعدة ودرت حظر ل وصال من كل شي وارتحت ربي بينها علي حقيقتها قبل ميتورط فيها وائل المسكين
ثاني يوم وطبعا وسيم مباتش ف الحوش ومشي عندها وكانت مقايلة لامها ان عندها مناوبة ف المستشفى
المهم الصبح كنا نفطرو اني وعمي وخديجة ووائل طق الباب
خديجة.. كملو تو نفتح، ناضت فتحت كانت امينة وربيعة
سالم.. زايرينا اليوم
ربيعة.. اي والله ياوخي جيت نزورك اليوم
امنة.. وبالمرة قلنا نجو نباركولك
سالم.. بشنو ان شاء الله تباركو
ربيعة.. نباركولك ب كنتك الجديدة
سالم.. عدل تقعميزته... كنتي الجديدة؟؟
امنة.. ءءء ماهو وسيم اول امس تزوج
سالم.. وسيم تزوج؟؟ بالك غالطين
ربيعة.. لا والله مغالطين تزوج
سالم.. نيرز انتي سامعة الكلام هذا
وائل.. اي يابوي وسيم تزوج
سالم.. وخيرني اخر من يعلم
وائل.. محبيتش نقولك باش ميصيرلك شي
سالم.. وينه خوك هواااااا
نيرز.. عمي اهدا مفي شي يستاهل راه
سالم.. كيف كيييف يديرها، من منو تزوج هذا
وائل.. تكون اخت اللي كنت بنخطبها وهذا علاش قلت نفسخ منها
سالم.. غير يجي بس وليا معاه تصرف ثاني
امنة.. شن دار هوا حقه هذا ياخد التانية والتالتة والرابعة
سالم.. خواتي ونعرفكم انتو جايات تتشمتو ياسركم راهو سيوره كل شي يرجع عليكم
ربيعة.. معندنا علاش نتشمتو غير انت متحسس
سالم.. اتصلي بيه وقوله يجي هوا والمرا اللي واخدها
وائل.. شن بدير بيهم خليهم ف حالهم
سالم.. كلمهم نبيهم اني نعرف كيف نتصرف
ف قلبي غصة مفهمتش شن معناها كيف قلبي وعقلي يتحملو يشوفو وسيم مع بنت تانية كييييف
جي هوا واياها ف العشية خشت بس اهني صار شي.....
يتبع ❤️❤️❤️🙈
أنت تقرأ
نزوة دائمة 🔥 ( روايات ليبية )
Romanceالنزوة هي خطأً و لكن عندما يتكرر الخطأ اكتر من مرة يصبح عادة 💔🔥👌🏻
