Patapos nang magbihis si Richelle at ang gamit niyang shirt ay kay Zenn na hanggang hita niya lang ang haba. Bukod sa kumportable itong suotin, naamoy niya rin ang pabango ng binata rito.
Mahal niya si Zenn. Sa kabila ng mga nalaman niya, hindi nagbago ang feelings niya. Mas minahal pa nga niya ito ng buo. At wala siyang pakialam kahit matawag pa siyang tanga dahil sa kabila ng nangyari, ang isinisigaw ng puso niya ang pinairal at hindi utak.
Lumabas na siya ng banyo. Natagpuan niya si Zenn na half-naked pa rin. Mula ulo, napatingin siya sa balikat, dibdib at pababa sa abs ng boyfriend. Si Zenn ay may mukha ng anghel, katawan ng isang Greek God, ngunit sa loob nito ay isang halimaw na handang pumatay para sa kanya—isang halimaw na tanggap niya.
“Dapat na ba akong ma-flatter sa mga titig mo, Iche?”
Namula bigla si Richelle. Mahina namang natawa ang binata. Hawak nito ang cellphone niya na para bang may ka-text pero hindi siya sigurado.
Dahil wala namang ibang gamit, sa sahig naupo ang dalawa. Nakasandal si Zenn sa pader samantalang sa balikat naman niya sumandal si Richelle.
“Zenn, pwedeng magtanong?”
“Ano yun?”
“Hindi ka ba natatakot sa mga ginagawa mo?”
“Mas nakakatakot isipin na hindi ko maipagtanggol ang taong mahal ko.”
“Pero alam mo namang mali, diba? Alam mong kasalanan ang pumatay.”
“Alam ko.”
“At hindi ka nakukunsensya?”
“Hindi na.”
“Paano kung mahuli ka nila?”
“Hindi nila ako mahuhuli pwera na lang kung may magsumbong sa kanila.” Saka ito napatingin kay Richelle. “Isusumbong mo ba ako sa kanila?”
Matagal na hindi nakasagot si Richelle. Puso ang pinairal niya kaysa utak. Pero kaya pa rin bang pairalin ang puso kung kalaban na nito ay ang kunsensya niya?
“Sa totoo lang, hindi ko pa alam Zenn.”
“Deserve ng mga taong iyon na patayin ko sila.”
“Hindi, Zenn. Mali yun.”
“Eh ano bang tama? Tama na pabayaan din sila sa mga maling ginagawa nila?”
Natahimik si Richelle. Halata sa mukha nito ang frustration na parang kahit subukan niyang kunsensyahin si Zenn, mukhang hindi tumatalab.
YOU ARE READING
Psycho's Love Interest ✔
Mystery / Thriller"Until they are dead, do we never part." WARNING: Violence, language, strong sexual content including dialogue may not be suitable for very young readers.
