في اسئلة عن الادوية اللي لازم تكون متواجدة و في ناس بدها تجيب كلوركين لهيك رح جاوب لان صرعتوا راسي
الادوية اللي لازم تكون في البيت :
اول شي خافض حرارة ( سيتامول ) ما لازم تشرب باليوم اكتر من 2 ملغ ولازم تكون حرارتك مرتفعة مو عالفاضي تشربه "-"
ثانيا دواء للسعال الجاف
ثالثا دواء للغثيان و الاقياء
و للاطفال الرذاذ مفيد جدا
بالنسبة للناس اللي عم تتذاكى و تروح تجيب الكلوروكين و تشتغل لحالها انت شو فهمك انت دكتور انت شو ولك انت بتعرف مضاعفاته ولك اذا انت من اصحاب الامراض السارية بتصير تحت العناية المشددة يا جحش و يمكن تموت لان بصير في تضارب بين ادويتك و الكلوروكين و حتى اذا كنت شخص طبيعي ما بصير تشربه ولك هدول الجحيش اللي قبلك جربوا يشربوا و وصلوا للمقبرة في مدري كم حالة بامريكا وصلوا للمقبرة و لهيك ما تشتغل من عندك و ما تكركع ادوية عالفاضي لان اللي حكيت عنهن بكفوا..
واللي عم يجي خاص و يقول ينسون بقدونس و اعشاب و شو هي المعقمات اللي لازم نستخدمها انا مو بقالية ولا صاحب محل عطارة انا دكتور بحكي بالكيميا بالأدوية بس بالنسبة للمعقمات فـ الكلور و الديتول كتير منيح و كمامة و كفوف و بس
و بدي كرر صحتك النفسية صحتك النفسية عامل المرض كمشكلة من برا ما تدخل بالتفاصيل ...
تقوية المناعة بتكون بـ
كوب ماء ساخن مع عصرة ليمون على معدة فارغة
فيتامين C بشكل عام
القيام بالشهيق و الزفير العميق لمدة 5 دقائق صباحا و مساءا لتنشيط الجهاز التنفسي و الجهاز المناعي
و مع التزامك بتعليمات وزارة الصحة ببلدك رح تكون بخير ^^
