جريمتي الثانيه

الحلقة 4

#جريمتي_الثانيه 4

بسمه:واقفه رتبت العده متع بوها كامله في المخزن وسكرت الضيئ...
زياد:حط يده على فمها واليد التانيه ع خصرها وطاحو ع الارض الاثنين
بسمه:خشت في حالة خوف هستيريه بدت تضرب فيه على كتافه وتحاول تنوض بس مفيش فايده
كانت الدنيا ضلام ووجه زياد مش واضح ..استمرت بسمه تحاول تنفذ منه بس كان اقوى منها
زياد:ماسك يديها ع الارض  ومقرب من رقبتها...اششش اهدي اهدي
بسمه:تحاول تصرخ بصوت عالي لاكن يد زياد على فمها !!
بالبان:جبد زياد من بعيد ...اهدا ياراجل شن قاعد ادير
زياد:تي نحى الزح
بسمه:خذت وشاحها وبسرعه هربت
زياد:ضرب الباب برجله...عجبك هكي تريحت؟!
بالبان:اي تريحت اطلع زياد بتحطنا في مشكله اكبر من راسك النم
زياد:طلع دخان من جيبه
بالبان:ضربه بيده....خلاص قلنا لوح ياسرك مش قادر تفتح عيونك
زياد:ركب السياره اتكا ع الكرسي وسكر عيونه
بالبان:كمل سواقه وهوا ساكت طول الطريق !!

_______________

بسمه:تبكي وتحاول تاخد نفس ...لا مشفتاش الدنيا ضلام كان معاك شخص تاني هوا يلي خداه وطلعه
مصطفى:خذي كشاف الضي وطلع برا يدور
سميره:تبخ في الميه ...اهدي بنتي الف مره نقولك متطلعيش في الليل انتي تسكري في راسك
بسمه:تحاول نذكر!!الريحه يلي علقت فيها وين شمتها قبل؟؟!
بس من كثر الرعشه يلي حصلتها مقدرتش تذكر شي !
سميره:خشت للمطبخ ومصطفى طلع يدور بس مكان في حد نهائي!!

_________________

بالبان:لوح زياد ع الصالون ...ااخخ ضهري بديت سمين ياخرا نقص من الماكله عطيك دي
زياد:طايح ع الصالون وعيونه ذابلات...الحسد الحسد الحسد
بالبان:تي كان بنحسدك على لحيتك مش على سمن
زياد:فتح سوريته ويتكلم ببطئ...شوف العضلات الزح سمن شنو تدوى عليه
بالبان:سكر باب الدار....بتشرب باهي الحشيش فكنا منه خير ما امي تطلع تغني راب
زياد:يشرب...ذكرني غضوا في واحد شادينه في الكتيبه خوته بيدفعو فلوس
بالبان:جبد دخانه...نحصلو حتى50دينار
زياد:تحصل تحصل

طق طق طق
بالبان:منو هاذا !!
خديجه:بالباااااان بالبان تعال الباب يطق
بالبان:فتح الباب ...اءء!اهلا محمد
محمد:اهلين ....زياد وين؟
بالبان:اءءء زياد زياد هوا ا....
محمد:خودلي طريق بنخش
بالبان:حك رقبته بتوتر ...تفضل تفضل
محمد:خش لي الدار ....
زياد:سكران...اووو خوي الكبير السديسي
محمد:مسك زياد من حوايجه وقامه....قاعد نفس القصه متبيش تحسن طريقك!!!
زياد:تي نحححي ياا ياا ياراجل
محمد:ضرب زياد ع وجها ....خليك راااااجل ولما تعطي الكلمه خليك قدهاا ..كل يوم سكراان ومره مع تونسيه مره مع مغربيه يااااااسرك لا امتى بتقعد هكي !
زياد:مدخلكش!!...انا اء انا هكي وبنقعد هكي تبي به متبيش مسيبلك الحوش واقعد فيه انت والشيوخ صحابك
محمد:زاد ضرب زياد على وجها لين نزل دم من فمه ومسكه من سوريته....مش مسيبك ومش رح نخليك في حالك!!
غضوا امي بتمشي تخطبلك وعرسك بيندار معاااي بالك تحس بي المسؤليه شويه
زياد:بعد يدين خوه... تي جواز شنو برا فكني منك انت وافكار امك النم
محمد:تبيني نخلي حوشك للكلاب يلي تجيب فيهم سكير ونكير ومدايرين العار ...لااااا والمره هاذي كلمممه ياتقول لي امك ع بنت تخطبهالك يا ندورولك حني غير هكي وربي نحبسك بيدي يازياااااد سامع؟
زياد:دايخ ....فكني منها الدوا هيا ب......
محمد:طلع زياد من حوايجه لي السياره وروح بيه
بالبان:شن دخلي تو انا يحشو فيا في المشاكل العائليه النم🙂
خديجه:بالبااااان بالباااان برا افتح علي الدجاج من الصبح مطلعش
بالبان:الله يرزيني في ام الدجاج 🤦🏻‍♂️