لسان حال مهند
من اصعب الاوقات الي امر بيه بحياتي هاي السنه
من استشاهد ابن عمي وعضيدي لستشهاد صديقي وخويه مو ايام ليلي سود دمار واني اشوف اغله ثنين عليه راحوا كدام عيني شلتهم بيدي ومسحت دمهم بيدي ودفنتهم بيدي منظرهم ميروح من بالي واذا راحوا من بالي اشوف نظرت عمي وجدي وامة وعيونه المكسوره ارجع اختنك كرهت روحي لان بقيت وهمه راحوا بعد مالي واهس بكلشي
أكثر الي يدخلون الحروب يصيبهم اكتأب حاد
بس تبقه كلمن وقدرة تحمله واراته وأيمانه
وكفت الناس وياك الي يباعون عله سلامتك تعيش لعيونهم
ضغط صار عليه واني احول اوكف من جديد علمود اهلي ماريد اشوف بعيونهم الشفقه والتعب من يشوفوني تعبان لازم اكون كد الحمل والامانه الي حملنيها صديقي وكون كده بس لكيت روحي فوك حمل تَعلاوه
هو هم الي احبه وشريكة حياتي شلون راح تتقبل الوضع وتتفهم الموضوع بدون اي مشكله بكد ماجنت شايل هم بكد ماجنت واثق انو هيه نصفي الثاني وفاهمتني قبل مااحجي وراح تكون كفؤ تشيل الحمل وياي وتسندني وهيه شريان حياتي الي كلما اشوفه انسه الالم والتعب والخوف والعذاب الي عشته بلمسه وحدة منه اعيش من جديد وأخلي الدنيا وهمه وره ضهري نظرات عيونه الدافيه اهتمامه طول هاي الفترة رغم جنت مبتعد و ماريد أذيه واني متأذي ومبتعدد وماعرف شلون افتح الموضوع وياهه بس شجعت روحي وكلت شي لابدد منه ولازم تعرف لان لازم اتصرف وماكدر اتصرف وهي متدري
بس للاسف من شفت ردت فعله ودموعه وخوفه من تصرفي صعقني وحطم شكو
ذرة قوه بيه تربطت ماعرف شسوي لا اكدر اكسرهه واتصرف براحتي ولا اكدر اعوف الامانه مع انو شرحتلهه وفهمته انو هيه عمري ولايمكن يجي يوم اشوف غيرهه فهمته الي ددا اسوي مسؤليه لوقت معين بس ماكو فائدة فرضت عليه شروطه نفذته بس
خذلتني لا ثقت بتصرفي ولاثقت بيه
فحاولت انو لا اكسر گلبه ولا اعوف
الي بديت بي
خذت امي عقددنه و جانت لابس بوشيه فهمته انو هي بأمان وأي شي تحتاجه تتصل وخليت رقمي وبقيت كل اسبوع اخذ امي واودي المسواك جان كلماتهه بس شكرا ورحمه الله والديك ماقصرت من وره الباب
وجانت ايه تطلعلي كلما اروحلهم هيه وشعره المايع عله عيونه وبرائتها من اشوفه گلبي ينعصر اشوف عيون ابوهه بيه راح تعيش يتيمه محرومه حالهه حال الاف الجهال الي تيتموا
ردت اعوضهه بعائله وماخليه تحتاج شي بس لاسف جنت معاق واني بين نارين
وزاد الطين بله من اهله سعود جاين ويردون بتهم حاولت اتواصل وياهم بس قافلين يردون بتهم بدون امهه لان اصلا مامتقبليه
اتصلت تبجي وتكول لا اهله يتقبلوهه لان ابوه حالف مترجع للبيت وخوانه متحلفين بيه من خلال تواصله ويه اخته ولا اهل سعود يردوهه سالت محامي بالموضوع كال اذا هيه مطلقه وزوجت اهل ابو طفل اله حق ياخذون الطفله بس اذا الزوج متوفي الطفلة يم الام بس بحالته ماعده معين ومو ويه اهلهه فمصلحته الطفله و وضعه الاجتماعي للمحكمه مو سليم يعني المحكمه تحكم تاخذ الطفله لاهل الابو لضمان العيشه الكريمه بس بحال اذا وضع الزوجه المعيش جيد واكو مسؤل عنه فتبقه الطفله بحضانة الام لحين السن القانوني ياخذوهه اهل الابوهه
فبذاك الوكت زادت حيرتي لا اكدر اطي من روحي واروح افهمه حته تتقبل انو اجيبه يمي ولا اكدر اتصرف بدون علمه واجيبه بيتي وكسر كلبه فبقيت مثل بلاع الموس
YOU ARE READING
احببت روحك
Romanceما الحب؟ هل هو حب لذاتهه ام تحب شخص لنفسك لتمتلكهُ وتشفي غليلكَ وروحكَ وحواسك لتسعد نفسك بيه ام هو اسعاد الشخص الذي تحبهُ على حساب روحك وقلبك وتقدم لهُ دونَ مقابل هل هو اكتفاء بأنه بخير والنظرَ اليه فقط ام هو خيال لروحك ونفسك وأصراركَ بأن يبقى لك و...
