احببت روحك

البارت الثالث

مرت على سفرنه اربع سنين صرت صف رابع عام ختلاطنه هنا مو قوي بقينه على وضعنه من المدرسه للبيت مرات نطلع نتونس نسوك ونرجع اختلاطنه ويه البقيه قليل عالكد للضروره سرور تحسنت حالته ابويه شغله زين
بقينه على تواصل ويه أهلنه بالعراق
بهاي السنين مانسيت شي بقيت محتفظه بذكريات واعيشهن يوم يوم وكنما عايشه بنصهم من خلال متابعتي كل أخبارهم جنت دائما الزم مبايل بابا واروح على الفيس وكلب بصفحاتهم واحاجيهم واخبارنه متبادله
وخاصتا صفحته على الفيس وكنو صار واجب كلما الزم الموبايل افتح صفحته واشوف اخر أفكاره اشعاره توجههاته مرات اتراسل ويا عود اني عمه هههه لان من صفحة بابه مو مهم يعرفني اني احاجي المهم بس اطمئن واحجي ويا كلما يصير ذكرى عيد ميلاده اهني وأدزله معايده ويضحك ويكول
دخيل گلبك ابو جاسم
وانت بخير عمي

عود ليش ميكول ابو نور شكد اضوج
السنه هو رابع كليه اداره واقتصاد دائما اروح افتش بالاصدقاء اشوف التعليقــات اضوج اذا لكيت بنيه معلقه

ادور بلكي طاك صوره بس هو مو من النوع الي يخلي صوره بالفيس بس ينزل شغلات ثقافيه اشعار أوضاع البلد وهكذا

مره نزل شعر بس مو كله نص ومخلي نقاط كنوا يتحده الي يكمله اني ستجمعت قوتي وكملته بالتعليقات كاتب _

رديت _

وره شويه دز رساله بالمسنجر
كاتب شنو هاي عمي محمد صاير شاعر واني ماادري
اني من اصير بهيج موقف ماعرف شجوب غير اتوب مااراسله ارجع امسح المحادثه خاف بابه يشوفه مايهمني شيصير المهم احجي ويا وخلص

ثاني يوم من اجه بابه من الشغل اخذت الموبايل اريد اشوف شحاجي
لكيته ماحجي شي رتاحيت كلت بلكي عبرت
ضليت اكلب بالفيس وشفته نشط اتوتر عبالك كاعد بصفي رحت على صفحته عبالك اريد اوصل الأفكاره او لجهازه اريد اعرف كلشي عنه بس اكيد هو باله مويمي

رحت عالصفحه بابه ناشر شغلات عادي وعن العراق وجان اوضاع داعش ستوه داخل جان الوضع تعبان بالعراق بس المناطق الواسطه والجنوبيه زينه
نشرت شعر عن الوطن

عيونك ياوطن مابيه الوان
بس اسود لكينه بكلهه الوانك
يمر بينه الحزن مرات الأوطان
ياوطن بس انت الحزن مكتوبه عنوانك

وخليت صوره تعبيريه عن ضيم العراق
اجتي رساله
_ها عمي الله يساعدك
بلعت ريكي وكتبت
_ هله عمي شلونك شخباركم شلون الوضع
-الحمد لله ماشي الحال بس بالموصل مو زين الوضع وانطوا جهاد كفائي
_اي سمعت الله يفرجه على العراق واهل العراق انتوا شلونكم وأهلك بيت جدك
_جدي تعبان ويوميه ضغطه صاعد
نودي ويرجع ينزل وعالهل وضع
الله كريم الله يكون بعونه

ردت اسئل عن اخباره وستغل الفرصه لان عباله بابه الي يحجي ويا

كتله انت شخبارك كليتك
_ هههه زين كتلك ذاك اليوم جاي نحضر لحفلة التخرج انشاء الله
يبو عزه يعني بابه سأله عن كليته اكيدوهم عله اتصال
_ اي كتلي انشاء الله خلصت بعد من الدراسه
_شخلصت هههه مو كتلك اكمل انشاء الله ماجستير گبل لان تدري تعين وماكو احسن مااكعد وأبقه على شغلي ويه ابوي
فرحت من كلي اكمل ماجستير كبر بعيني
احم اخذت نفس ورديت
-الله يوفقك عمي وانشاء الله الدكتورا
أنت تستاهل
-ههههه هاي شنو عمي ذيج المره كتلي شلك بيه اخذ الشهاده وكعد
يبوو شكلي راح الوص الوضعيه
-هههههه لا اشاق وياك ذيج المره
اكو احسن من الشهاده روح والهوه بضهرك انت كده وكدود
-هههههههه والله ونعم منك عمي رفعت معنوياتي وانشاء الله يوم تخرج البنات
اووف تمنيت يكتب اسمي يله نعمله ذكرني
-تسلم
صدك عمي ابوي كلك قطع الأراضي نباعن
عزه ماعرف شكتب طفرت من الصفحه ومسحت كلشي وسديته ورجعت الموبايل بمكانه
وأني اتبسم من حجيت ويا احس راحه نفسيه
رحت كملت دراستي وره فتره سمعت ابويه يحجي ويا اتصال عن الأراضي وبيعتهن ورجع ويرتب بيتنه وجدي مريض فقررنه نرجع اني طرت من الفرح واخيرا تكول مو اربع سنين احسهن عشره