ايلين بفرح : شكرا شكرا اوس هيك رح يسامحني علي وما رح يضل زعلا ن مني
اوس وهو ينظر لها :ايلين
ايلين : اي نعم شوفي
اوس : شو رأيك بلا مشاكل صراحة مليت من فكرة اني ضل عدوك اللدود من يومها خلص خلينا نصير رفقات
ايلين بصدمة : انا ايلين و اوس الريس رفقات اكيد عم تمزح معي اوس ويعدين انا بعدني متذكرة شو صار وقت عيد ميلادي وما سامحتك لهلأ
وانا عاجبتني فكرة انو يكون عندي حدا بضل اتخانق معو
اوس يجلس على الكرسي المقابل:
لك انتي من يوم يومك بتحبي تكبري الشغلة وكلا على بعضها المشكلة اني ما جبتلك هدية يوم ميلادك
ايلين وهي تقف بسرعة: لا مو بس هيك كمان ضربت فيني ووقع العصير على فستاني شو نسيت اوس بيك انا هلأ وقت تذكرت عصبت منك اكتر
اوس بضحك :لك يخرب بيتك بتعرفي وقتا كان عندي طيارة ورحت مستعجل مشان هيك لا جبتلك هدية وضربت فيكي
ايلين بغضب: يلي بيسمع كيف عم تحكي كأنو كنت ولد صغير ع فكرة كان عمرك 20 سنة وقتا يعني ختيار مو صغير
اوس بخبث: يعني انتي هلأ ختيارة
ايلين بصدمة وهي تضرب رأسها وتحدث نفسها (بصوت عالي متل العادة) لك يا غبية انتي عمرك عشرين كيف بدنا نزبطها هي ورحتي يا ايلين دعوسة
اوس وهو ينفجر من الضحك: لك من يوم يومك مدعوسة
ايلين بصدمة اكبر: لعما كيف سمعني لك عم فكر بصوت عالي ما هيك
اوس وقد توقف عن الضحك : بصوت عالي زيادة عن اللزوم المهم شو قلتي بتسامحيني ولا لا
ايلين : لا ما بدي عجبتني فكرة انو انت عدوي حلوة بعيش متل افلام الاكشن
اوس بنفاذ صبر: طيب انا قلتلك انتي ما بدك
ايلين : ليش حاسة هاد الحكي فيو شوي كتير تهديد بين الكلمات وهاد تبع المعنى في قلب الشاعر اوس شو عم تخطط
اوس وهو ينظر لها بغرابة: ما دخلك انتي اخدتي قرارك يا لولو
ايلين ببعض الخوف : طيب موافقة بس لساتك تحت التجريب
اوس بضحكة : ماشي بس لأنو الفترة الجاي عندي شوية فراغ قلت بعبي بمشاكلك مو شوقا لألك
ايلين بفرح : ماشي يا رفيقي قوم جبلي شوكلا لأنو علي زعل مني وما رضي يقلي وين خباها
اوس : يخرب بيتك ليكون كل هي الشوكلا يلي جابها علي الصبح الك
ايلين بحزن: لا تذكرني راحت كلا يا اوس راح الغالي ياموووو الشوكلا الطيبة البيضا والبنية والشوكلا بمكسرات يمييي لك اوس قوم جبلي شوكلا يلا بسرعة
اوس :هدي شوي بس يخلص علي العملية هو بيعطيكي ياها هو اصلا ما بيحبها لمين بدو يعطيها
ايلين :لك كلو منك راحت الشوكلا اذا ما سامحني بدي نتفك تنتيف يا اوس اخوها ل ايلا يا ابنها ل صحي شو كان اسم امك نسيتو
اوس بضحك : لا مو ضروري تعرفي ناقصنا مسبات لأنو
في هذه اللحظة دخل علي الى المكتب فصدم من وجود اوس كاد ان يتكلم لكن قاطعته ايلين وهي تحتضنه وتقول :علي علوش علوشة سامحني ليك هي خليت اوس يسامحني بترجاك لا تضل زحلان مني حياتي انت بدي الشوكلا بليز
علي بضحك :لك انا فكرت البنت عقلت وبطلت مشاكل طلع مشان الشوكلا والمصالح الشخصية يا واطية
ايلين : لا ما بسمحلك انا كل هالطول والعرض والكعب يلي لابستو وبتقول واطية هيك كتير
المهم سامحتني
علي وهو يحتضنها : سامحتك يا غبية
ايلين بفرح : هييي وين الشوكلا علي
علي : هلأ بعطيكي ياها يا مصلحجية
ايلين : يلا بسرعة بسرعة شفت اوس سامحني لأنك انت كمان سامحتني رح اعطيك شوي ولا قلك ما رح اعطيك بتضر بالصحة
اوس وهو يبتسم لها: لا خليها الك شكرا
اخرج علي كيسا كبيرا مليئا بجميع انواع الشوكلا
ايلين وهو تقفز وترفع يديها بأتجاه الكيس الذي رفعه علي بعيدا عنها : عطيني يا علي عطيني الشوكلا تبعي علللللي
علي وهو يرفع الكيس : خليني اول شي شوف القطب تبع الجرح بعدين بتاخدي الشوكلا
ايلين دون تفكير : موافقة موافقة يلا عطيني
وبالفعل جلست على السرير الخاص بالمرضى وهي تاكل تلك الشوكلا بنهم شديدلدرجة تلوث وجهها بها مثل الاطفال كان علي مشغولا بالتغير على جرحها اما اوس فلقد جلس ينظر لتلك المتوحشة كيف تفترس الشوكلا بلطافة شديدة فلقد بدت حقا كأنها طفلة صغيرة
بعد ان انتهو قام علي بدعوة اوس الى منزلهم من اجل تناول العشاء فلقد قامت والدة علي بدعوة اسرة اوس ولقد نسي علي اخبار اوس بسبب ما حدث
وبعد مدة قصيرة اتجه الجميع الى منزل عائلة القاضي لأجل قضاء هذه الامسية
وهيك يا حلوين خلص البار ت الثالث هو قصير شوي بس نزلو بنفس اليوم يعني منيح لا تنسوا تعملو تصويت وتخبروني رأيكم بالتعليقات وتعملوا فولو لصفحتي مشان اعرف انو عجبكن بحبكن كتير باييي
THE END
SAJA AL ALI
YOU ARE READING
خرقاء في شباك طبيبها
Short Storyهي شخصية مجنونة خرقاء بكل ما للكلمة من معنى لا تحب الجدية في الحديث متواضعة لدرجة كبيرة لا تحب التكبر والغرور شعرها المجعد تخطى جميع حدود القواعد بطوله وتجعيده الشديد عيناها الزرقاء الصافية تحمل برائة الاطفال وبسمتها الرائعة توقع الجميع اسير لها...
