واقفة قدام بابا شقة انثى متوسطة طول عامرة شوي و مزعرة شعرها وجمعاه لفوق بقراص ولابسة جلابة مع صباط عالي ناقشة يديها و رجليها ،كدور فعنيها حتى سمعات صوتو ولهجتو الباردة ..هزات عيونها فيه وقلبها كيشطح فبلاصتو من شافتو...
حنان بإبتسامة خفيفة: سمير لباس عليك...
وقف قدامها وجهو حمر و عنيه معسلين بشراب شاف فساعة لي فالمعصم ديالو مخنزر...
حنان هبطات راسها لتحت: عائلة مرات خوك سعيد عندهم العرس قريب هنا وكاع العائلة حاضرة وانا عيت ومن بغيت نرجع لدار ملقيت لي يوصلني وتفكرت عندك دار هنا قلت ندوز عندك نبات هاد ليلة....
سمير شاف فيها مزيان عاد نطق: هبطي نوصلك ...
حنان خرجات عنيها فيها : ولكن نتا شارب ما تقدرش تسوق...
حنان بدات كدور فعنيها وهي تنطق بزربة: ولكن ما عنديش سوارت ديال دار خليت كلشي عند ماما...
سمير ترك دراعها مخنزر..تمشى لباب حلو وهي وراه كتحاول تخبي لفرحة لي واضحة فعنيها...دخلات وهو سد لباب برجلو ومشا جلس فوق الفوطوي خلاها واقفة حدا لباب كدور عنيها على دار كاملة بإعجاب حتى تحطات عنيها عليه كتهبطهم وطلعهم فيه بإعجاب...
من كان حمق وهو عاطي لعين وكان كيعجبها زينو بزاف ودابا من دار عقلو والفلوس زاد اعجابها بيه بشكل ملحوظ....
خطات خطوات لعندو وهو يهز صبعو بدون ما يشوف فيها شار ليها لبيت نعاس : سيري تنعسي وغدا مع صباح نوصلك لداركم...
سمير لي كان حاط راسو على راس لفوطوي ...حل عينو لي حمرين بشراب ونطق بعصبية: سيري تنعسي احنان متلعبيش عليا هاد لألعاب ديال لقحاب....
ولا وجها حمر ورا كلامو ..حدارت راسها وتمات غادة لبيت لي شار ليها.. حطات يديها على لباني اتحلو وهو يقفز من بلاصتو عينو خارجين طار عندها بسرعة جرها من دراعها وعروق راسي منفوخين...
سمير دفعها لبيت لي حداه: سيري تنعسي فهداك لبيت ...
حنان بدون فهم: ولكن نتا قلتي ليا هاد لبيت ...
سمير خبط يدو مع الحيط معصب: راااني هضرت احنان ما تزدييش تا نتي تعصبي ديلمي هاد ليلة ....
غير شافتو بدا كيكشكش عليها وهي تحدر راسها خلعها ..مولفة تشوف غير داك سمير لمأدب وديما ضحكة على ملامحو وديما طالقها تسرح ..اول مرة كتحس بالخوف منو ..بدون ما تنطق توجهات لبيت لي شار ليها دخلات وسدات لباب وراها..
هز راسو ساط بجهد ودخل لبيت ديال نعاس ديالو لي كانت ادخل ليه حنان ...بقى واقف قدام لباب وعنيه حاملين نضرة غريبة..نضرة عتاب مخلطة بغيرة والم وعشق..كيشوف في فراشو لي كانت ناعسة فيه اريج ....
#تتبع
Hoppla! Dieses Bild entspricht nicht unseren inhaltlichen Richtlinien. Um mit dem Veröffentlichen fortfahren zu können, entferne es bitte oder lade ein anderes Bild hoch.
