هاجر من عرفات راسها حصلات بين يدو وهي تنطق: فيا جوع...
عصام طلقها: خوافة...
هاجر عرفاتو عاق بيها مزادتش معاه الهضرة دخلات قدامو كتعوج فالمشية وهو وراها متبع ليها عنيه وبدون وعي عينو كتهبط لمؤخرة ديالها لي كتلعب بيها فالمشية..هبط راسو لجهة ديال معلم مكمش حجبانو ما قدر مسكين تا يقيصو بيديه بقى غير كيتنهد ..حل صدايف لاولين ديال لقامجة خلا البرد يبردو من الحرارة لي بدات كطلع ليه ...
دخلات عند حاتم لي مدخل وجهو فتليفون و كيكتب فيه..قربات ليه لقاتو داخل فمجموعة كيهضر معاهم بمساجات بصوت هامس قرات اسماء لي معاه فالمجموعة " جورج،سام،جوديا"...هز حاتم راسو من سمعها نطقات اسم صحابو ..طفا تليفونو بزربة من لقاها عند راسو ...
حاتم: بغيتي شي حاجة ا ماما...
هاجر بقات عنيها فتليفون وطريقة لي طفاه من شافها ميلات راسها لجنب: باباك ايخرج يجيب لعشا من برا بغيتي تخرج معاه تختار شنو بغيتي...
حاتم جمع الوقفة دخل تليفون فجيب جبادور لي مزال لابس وخرج عند باه خلاها غير كتشوف ...
توجهات لبيت لي شار ليه عصام قبل ما يخرج هو وحاتم ..دخلات كتقلب فيه وتبقشش بانو ليها حوايج نسائية فالماريو وجهة الاخرى حوايج رجالية وغير ديال دار...بقات كتقلب على بجامة تلبسها تكون طويلة ساعة لقات غير لقصيرة على ختها..تنهدات وهزات وحدة بيضة على شكل سروال و تيشورط ديالو ..دخلات لدوش بزربة طرفات حالتها وغسلات من ريحت لعرق و نضفات نفسها مزيان وبزربة خرجات كتلبس خايفة عصام يرجع ويشوفها عريانة..لابسات كلشي وبحكم تزاد وزنها فهاد شهر جاتها لبيجامة لاصقة اطرطق عليها من جناب وصدر وفخاضها مصورين ..هزات شعرها لفوق على شكل شفنجة و مشات لصالون شعلات تلفازة كتسناهم يرجعو و كرشها كتغرغر بجوع ...
عصام هاز ولدو فيديه متكي على طونوبيل كيتسنى من ريسطورو لي طلب منهم الماكلة يخرجوه ليه ...
حاتم دور دراعو على عنق عصام: بابا علاش ما قلتيش ليا جاز مريض وديتيه لوبيطال...
