#على جرف الذكريات
البارت 34
بقلمي زهراء امجد
بعد خطوبتي اني وقصي مشت الأيام عادي ماكو اي أحداث جديدة هو رجع شغله بسليمانيه وملتهي
واني دوام وملتهية من ينزل من شغله يجينا يومين بالنهار يمنه وبليل يبات يم صديقة ميقبل يبات يمنه
اني وحور باقين ع تواصل ودوم بيتهم هوسة وبعض الأحيان تمر 5 منتواصل بسبب الأجواء التعبانه الي بالبيت كل مااتصل زيد ولجين متناگرين و اصواتهم عاليه
بيوم گاعده بليل ودااشتغل بتقرير مال كيمياء عندي بي أمتحان دگ جهازي مصطفى ع الماسنجر گلبي دگ بخوف ليش متصل؟!
اجيت أرد بس للحظة صار قصي بين عيوني ولو عرف رجعت اتواصل وياه رح يگلب الأمه ويزعل لأن ميقبل ومو بس هيج مردت أجاوب اخاف بعد اكو حب اله بگلبي واضعف گدام اعذاره التافهة
والسبب الثالث مردت انطي أمل او يشك مجرد شك اني اگدر ارجعله ويگدر يصلح الماضي تركته ع جهة ورجعت أكمل التقرير بس دماغي مخربط ماأگدر اركز
خفت صاير بي شي او بواحد من أهله كم مرة اطلع رقمه اريد اتصل واترك الجهاز اخر شي اتصلت ع منتهى سلمت عليها وسألتها ع أجواء البيت مبين ماكو شي خلصت وسديته عادي كملت التقرير وتركت كلشي وگمت نمت من التعب حتى ناسيه اوقت جهازي گمزت الصبح بـ 7:30
وابو الخط يجيني بـ 7:45 ركض ركض غسلت وبدلت وصل أبو الخط دگلي واني بعدني ألبس بالحجاب لفيته بسرعه وطلعت ونسيت التقرير الي اشتغلت عليه ساعه گامله ورسم وترتيب 😂
وصلت للكليه واتذكرته عزززة راحت الـ 10 درجات 🤦♀️ همزين وكتها قصي موجود عنده اسبوع أجازه أتصلت ع صلاح گال مااگدر والله بلشغل دگيت ع سيف هم ميگدر يجيني دااخل للمحاضرة
وتذكرت قصي اليوم يجي لبغداد اتصلت عليه گتله قصي فدوة وين انت گال هسة رح ادخل لفرعكم گتله فدوة تقرير بغرفتي ع الميز گول لأمي تنطي الك وجيبه الي انتظرك بلكليه حباب گال صار نص ساعه يمج سديته ودخلت محاضرة وهمزين محاضرة الكيميا بـ11:00ــ
خلصت المحاظرة وطلعت واتصل قصي گال وينج باب الكليه اني گتله نازلة نزلت عليه وطلعتله گال شنو نسيتي گتله اي من الخبصه نسيته گعدت متأخره بعدين تذكرت اني حتى سلام مسلمت عليه
😂😂 گتله شلونك شأخبارك گال بعد وكت والله 😂 گتله والله مخبوصه أعذرني گال يلله فوتي لاتضلين واكفه هيج هسة تجيج حجايه گتله عندك شي؟ گال لا گتله امشي نتريگ سوة جوعانه وبعد وكت لمحاضرتي الثانيه
گال يلله زين جيتي مو بلاش صار بيها عزيمة وريوگ ههههه صعدت وياه ورحنه لمطعم تريگنا وگعدنه نسولف عادي يحجي ع شغله واني احجي ع دوامي ومن يتغزل لو يفتح سالفه المهر بسرعه أغير الموضوع أله طگت روحه ونتر گومي أرجعج للكليه وراج محاضرة 😒
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
