سر جاذبيه البعض انه يحدثك بروحه لا بلسانه.. فينتزع سمعك ، وقلبك ، وروحك...
وهذا.. ما حصل...
حين تحادثنا في اول لقاء...
#عينيها_النسخة الثانية
#زينب_المندلاوي...
رنا..
جنت اكبر وحدة بالعمر من بين زميلاتي....
والسبب...
اني كملت مشوار الدراسة بوقت متاخر..
. منعزلة بعض الشئ..
يمكن تجربتي. من خلال ذيج السنين الراحت
هي الي. خلتني بهل شكل اصير ..
لا احب الاختلاط بجنس ادم...
وحتى البنات... قليل اختلاطي بيهن
منعزلة... غريبة التصرفات...
لاني اختلف في تفكيري عنهم...
واحنا باول ايام الدوام... وهاي المرحله الأولى .
اليه....
... حياة غريبه عليه.. احس اني اختلف عنهم..
احاول اركز بالمواد..
واعوض سنين الحرمان من العلم...
صار موعد المحاظره الثانية...
انداريت لابتسام..
اكلج... مكافي اكل... شنو انتي ما متريكه وجايه
هههههه لج صارلج ساعه تاكلين..
متكليلي ليش متسمنين...
وهي تاكل ردت..
عين الحسود بيها عود..
لج حاسدتني جي ما اسمن..
هسة فوك جكامتي انوب ترديني اسمن دخليني رشيقه.. على الأقل شي حلو بيه
هههههههه
يابه الف عافيه...
بس خلصي دنروح مبقى شي للمحاظرة
كملت ورحنا للقاعه...
وهناك....
دخل علينا المعيد ..
وجانت هاي المادة.. اول مره ناخذها.....
وبينما...
جان يشرح النا المعيد...
وبالصدفه...
التقت عيونه بعيني...
جانت اشعة الشمس معكوسة على
نص وجهي...
ما اعرف.. وليش بوكتها حسيت بالخجل..
لاني حسيت بشي غريب من خلال
نظراته...
وحتى اني ..
ما اعرف ليش هيج . تسارعت دكات كلبي ...
واحنا ب لقائنا. الاول...
كاني خضعت لدكات كلبي ......
وهاي اول مره احس بهل احساس...
