#عينيها_النسخة الثانية
#زينب_المندلاوي
الحلقة الثالثة
،
صارت اصواتهم عاليه...
والناس التمت....
والمرور اجه...
وجان سبب الحادث.. السايق ذاك
مجتاز من الصفحة الخطأ...
والله ستر..
وابويه تلاحك...
وفوكاها.. ذاك هو يصيح...
....
فضوا السالفه...
وابويه تنازل للرجال...
ومحب تكبر السالفه. وخاصة انوا الاضرار
قليله....
ورحنا للبيت..
لكيت ياسر مصفر.....
وامي مكابلته وكاعده...
والكمادات موجوده يمها...
.....
بس ياسر مبي حيل...
وعيونه كوه يفتحهن..
..
اخذنا للمستشفى...
لان صباحيات. ماكو عيادة..
وصلنا الاستشارية..
اني ساندته عليه..
وابويه كص الباص..
ورحنا للطبيب...
دزنا للتحليل..
وديته للمختبر...
هو يتراجف وخواف.. وبالكوه اقنع بي الابره متوجع
اجه الولد ديسحب منه دم...
جان حيل خفيف وعيونه زايغه..
... علما طلع التحليل.. طلعت روحي..
كلما اروح اسأل..
يكلي بعده..
وكاعد بنص البنات.. ويسولف..
وملتمات علي.. ومكيفات لسوالفه...
...
استغربت منهم...
عايفين شغلهم وكاعدين يسولفون..
ويضحكون..
وهذا كلما احاجي..
نظراته متعجبني...
علما اخذت التحليل...
طلعت روحي
... رجعنا للطبيب..
وجان نهاية الدوام..
صدك المستشفيات حرك اعصاب...
لحكنا للطبيب قبل ما يخلص الدوام..
شاف التحاليل
كال...
خايف من شي.. مرتبك.. متفزز..
...
ليش دكتور...
رد....
الولد عنده نسبه ابو صفار..
بس قليله...
ولتخافون علي..
بس دهون لياكل...
... علاجه البهريز...
.....
كتبله خافض حراره..
ودوه...
ورجعنا...
......
امي سوتله شوربه...
اكل شويه ونام...
اتمددت يمه واباوع علي..
.... ياسر مثلي.. ميحتمل منظر الدم.
ويتفزز هواي..
اتذكرت ذاك اليوم المشؤوم..
الي تفززت من عبودي.. واني جنت بحالة انهيار عصبي...
هم صخنت... وهم جنت مقهوره..
اتكلب بالفراش وابجي اريد ابني...
....
مرت الساعات واني الوب بفراشي...
ابجي على حالي اني انطعنت بشرفي..
و ابجي على ابني...
...
اندكت الباب بالثنتين بالليل..
وصوت ياسر يبجي..
