حب في الجبهة ☠🔥

حلقة 4

اصيل:المهم قعدت نتمشا لين نسمع صوت عياط بنت استغربت
قعدت نخنس لين نشبح نفرين من جماعه العدو شادين البنت هادي وبيرفعوها وهيا تعيط عليهم لين شبحتها ضربت الاول
ذ والتاني كيف طلع سلاحه وبيضربها ضربته
رنا :صحيت خونا 🙂
اصيل :غير شن ديري اهني هادي منطقه حرب
رنا :تي فوتني توا عندي ماندير
اصيل: يدوي بي الشويه... اني مش عارف علاش كلكم تكشخو عليا
رنا :اسمع كان بتقعد تفتف بروحك تعالى ساعدني خير
اصيل :ووووه ووووه كل ديما واني متشحط الزح
رنا: امشي سحيقه 😒ومشت وهيا كيف بتخش الحوش لمحت واحد جاي
رجعت طول وقلبها طايح في سروالها
اصيل: خيرك قول خالعك قطوس 🙃
رناد توتوت: اا ااسمع اااا سمع شبحته جايي
اصيل :تي منو شن في وانتي تقول ساكك الضي خيرك
وفي لحضه رنا ادف اصيل لين طاح
اصيل: خير امك ياد..... وانصدم ناض طول طلع مسدسه وقتله
رنا كانت طايحه ومعبيه دم
_________
بينما الاولاد في الجبهه مشغولين عليه وقررو مالك ولمار يمشو يدورو عليه
مالك :زعما وين مشي
لمار: في الاتجاه هدا
اصيل :جاته صدمه عمره رنا قدامه وكتفها ينزف وقف شويه زي المسبوه مش فاهم شي وبعدين استاقض من النوم وطول ركبها على كتافه لين تلاقا هوا ومالك ولمار
لمار :جت تجري ... شن في مني كيف صار
مالك :نهار السعيد شن صار خيرك قتلتها هدا كله من جمال قلتله اني مدي..... قص عليه
اصيل : تي اس اس قيموها معاي وكلم يزن يجيب الاسعاف بسرعه
لمار شدت معاه رنا ومالك يتصل بي يزن
يزن كان في المحور ونسي تلفونه في المقر
مالك: ميرردش
اصيل:الاسلكي بسرعهههه
الزوز مجبناشي
اصيل:ختمت 🙂
لمار:كلم لوي بسرعه
ترن ترن ترن
لوي شن يبي المتوحش هادا
يزن:منو ؟
لوي:مالك
يزن:هاته جاي
لوي:روح تلفوني هوا محد يمسه ...ورد
مالك:لوووووي بسرعه اتصل بي الاسعاف اني في الطريق تعرف متتصلش نفشخ وجهك بعدين
لوي:شن في معاش تكشخ عليا 😔
مالك: بهدوء..اتصل بي الاسعاف يجو عندكم اني عندي جريح واني في مكان ميقدروش يخشوله بي السيارات فهمت حبيبي ؟
لوي اوكي تمام بابا باي
مالك:الحمد لله تمت علي خير هات يااصيل نشد عليك
اصيل لا لا
يزن :شن في شن صار
لوي: منعرفش هاك كلمه
يزن: هات هات 🤦🏾‍♀️
واتصل
مالك: اسمع وتيلي سياره اسعاف عندي جريح
يزن: تم
وصلو واصيل كان معبي دم رنا نزفت هلبااا
رفعوها لي المستشفى
الدكتور :بسرعه جهزو غرفه الطواري
اصيل: دكتور تقدر تعيش ؟
دكتور :والله مانضمنلك نزفت هلبااا اصلا نبيك تتبرعلي بي دم وانشالله خير 30% مرات تنوض
اصيل خاف تمام دكتور تتمم
مشى تبرع اصيل
بعد ساعتين
طلع الدكتور وتوجهله اصيل بسرعه
اصيل: شن صار
الدكتور :الحمد لله الحق طلعت منها بخير
اصيل: الحمد لله
الدكتور: تقدر تخش تشوفها
اصيل تم
خش اصيل لي رنا لقاها كيف بترقد
رنا :اطلع يامصيبه بنرقد
اصيل :والله الي يشبحك يقول لا خاش فيك رصاصه لا سو اهو زي الحصله تهزبي وتلزي
رنا :ها ها ها ضحكتني
اصيل:قعمز ... انتي شن اديري غادي المنطقه هادي حرب مفروض طالعين ليكم هلبا
رنا: اني خوي في الجيش و.. قص عليها
اصيل شن اسمه ؟
رنا :رامي قاعد يتلقى في التدريب مخشش المحاور وبوي متوفي واني كنت راجعه لي الحوش بناخد شويه حاجات تبيهم امي وراجعه وصار الي صار
اصيل .....
"رنا مواليد 99 عندها امها وخوها بوهم متوفي مواصفاتها زي الي في الصوره هيا كانت بتحط امها في حوش خالتها وارجعه بتجيب باقي الحاجات لين وقفوها وصار الي صار "