فصلية ولكن😢

البارت الخامس

عندما يرافقك الآلم والتعب لاتظن بأنك وحيد , فهناك ربُّ يراقبك من بعيد.

مرحبا انا زهراء 😍 😘

نبدأ في القصة. . . .

عبير: وصلنة للبيت وشفت كومة زلم مسلحة وزلم ثنين واكفين نزلة دخلي جوة اجني ثنين بنات سلمت عليهم

نور : هلا حبيبتي شلونج اني اخت أحمد اسمي نور وانتي

عبير : أهلا وسهلا اتشرف اني زهراء

فرح : هلو شلونج اني فرح اخت أحمد الكبيرة

عبير : أهلا وسهلا اتشرف اني زهراء

نور وفرح : تعالي نوديج للغرفة على ميجي الشيخ ويعقدلكم

عبير بحزن : وك يلا
كعدت بالغرفة تقريباً نص ساعة واجني نفس البنات كالن يلا تعالي اجة الشيخ رحت بس الدمعة بعيني نزلت دمعتي وبسرعة مسحتهة جنت مدنكة من طبيت للصالة كلت

عبير بكلمات متقطعة وخوف وحزن : س س سلام ع ع عل يكم

رحت كعدت يم بابا واجة والولد مشفت منة شي لأن جنت مدنكة اجة كعد يم الشيخ وضليت الشيخ يقرأ آيات إلى أن اجت الحضة الي سئلني بيهة الشيخ وإني ابجي

الشيخ : هل توافقي على الزواج من أحمد اذا انتي موافقة قولي نعم وانت وكيلي

عبير : ن نعم
وسأل الولد هم نفس الشي وافق ........

احمد: جنت نايم من اتصلو علي وردو الموافقة نزلت اتريكت وخابرت على عمام واخواني واتحضرنة من اجوي اني جنت فوك نزلت دخل الصالة البنية ماكو بس ابوهة وعمام هى ثنين سلمت وكعدت إلى أن اجتي البنية دخلت بس شفت الخوف بعيونهة وسلمت بس بالكوة سلامهة بس جانت ملامحهة ناعمة وحلوة ( أحمد انت وين وين الملامح هم كتلو اخوك وانتي تفكر هيج😠) بدأ الشيخ وسألهة مرة مرتين الثالثة جاوبت وإني هم نفس الحالة سألني الشيخ وانطيت موافقتي
كام ابوهة وعمامهة سلمو وطلعو وهي وياهم طلعت ضلت شابكة ابوهة وتبجي وتشهك وابوهة أباوع على عيونة حمر جنت واكفة أباوع عليهم فزيت من سمعت صوت ابوهة.

أبو مرتضى : ابني هاي أمانة عندك والمدللة مالتي أريدك تحافظ عليهة وما أريدك تأذيهة

أحمد : انشاء الله

هم طلعو وهي بس تبجي وراهم وكلتلهة طبي جوة كامت واجني اخواتي طببنهة جوة....

عبير : راح بابا وضليت ابجي بعدين جفلت من صوتة كلي دخلي جوة بس ابد مباوعت لشكلة اجني البنات دخلني جوة وإني بس ابجي طبعاً جانت العصر فرح كالت

فرح : كافي حبيبتي بجي احنة اهلج ولتخافين اخوي مو عصبي وانتي اختنا تعاي اصعدج لغرفتج حتى ترتبين ملابسج

عبير بحزن : ماشي يلا

صعدت للغرفة اول مدخلت شفت الغرفة بقيت صافنة الغرفة كولش حلوة واثاث كولش حلوة وفخم