فصلية ولكن😢

البارت الرابع

يا دنيتي ليه أنا حالي غريب؟ القلب يشكي جروح من دون أسباب أجلس وفي قلبي طعون وتغريب والعين كلّ الوقت تبكي‏ من الأحباب يا دنيتي تكفين لاصرت عايش طول عمري بتعذيب فالموت أرحم من زمن ما به أحباب

مرحبا انا زهراء 😍 😘

نبدأ في القصة. . . .

عبير بصدمة : شنو مات 😢 ( لا ياربي شراح يصير اكيد يردون فصل يارب منين اجتنة هاي المصيبة)

خلصن ثلاث أيام الفاتحة واحنة بجي وقهر وحزن وإني بهذن الأيام مرحت للمدرسة

وصار يوم الكعدة ( الفصل) ....

اجوي عمامي كولهم وبيبي وجدو وعمام بابا يعني العشيرة كولهة ني وماما ونسوان عمامي رحنة نسوي جاي ومي وني خلوني على الجاي طبعاً كملو الفصل وراحو اني ما اعرف شنو طلبو
اجة بابا صاح عليهم كولهم وسدو الباب وسمع بس صوت صياح وبجي  وبعدهة كلمن راح لبيتة

اجة بابا صاحني بس وجهة ميتفسر خفت الصراحة اول مرة اشوف بابا بهاي الوضعية

رحت كعدت يمهم

بابا: بنتي عبير الناس طلبو فصل 300 مليون واحنة ماعدنة هذا المبلغ

عبير : (وإني شنو بالموضوع يعني دبرو فلوس وانطوهم بقلبي) هااا

بابا: وطلبو طلب ثاني بس صعب..

عبير : ي بابا شنو الطلب الثاني ومنكدر نحلة 

بابا : طلبو مرة فصلية و20 مليون

عبير بصدمة : فصلية ومنو راح تنطوهة حتى بيت عمي ما عدهم بنات

بابا : اني اعرف بيت عمج ماعدهم بنات يروح فصلية بس وحدة ومزوجة ماعندي خوات حتى انطيهن بس انتي البنية بالعائلة واخت الصغيرة مو مال زواج

عبير بصدمة وبجي وكلمات متقطعة : ب ب بابا ت ت تر ي د تنطيني ف ف  فصلية

بابا : والله بنتي اني هم موافقت بس ماعدنة غير حل بنتي اذا منفذنة هذا الطلب راح ....

عبير بجي وحزن : بس راح شنو بابا شراح يسون يعني ليش تردون تخربون حياتي وني صغيرة ليش بابا ليش

بابا بقهر وحزن: بس راح يقتلون عمج اذا منفذنة الطلب وابن عمج راح يبقى بالسجن

عبير بجي وحزن وقهر: صعدت للغرفة ضليت بس ابجي واشهك ليش ليش ياربي ليش اني جاي يصير بية هيج ليش هذا الامتحان الصعب والله مو كد هذا الامتحان ضليت ابجي لحد مغفيت ما اعرف شوكت غفيت......

بيت ثاني.....

احمد : بعد مكملنة الفصل طلبنة مرة فصلية و20 مليون
رجعت للبيت ضليت كاعد بس كلش تعبت بهاي الفترة جانت أصعب الفترات وانطيناهم يومين حتى يردون الموافقة

مر يومين...
جنت نايم ودك الموبايل ....أبو مرتضى نصدمت

* الو السلام عليكم
* الو وعليكم السلام ورحمة
* عرفتني اني ابومرتض
* أي اتفضل
* احنة وافقنة على طلبكم وشوكت تردون نجي
* اليوم تعالو
* انشاء الله خير مع السلامة
* الله وياك

اليوم راح يجيبون البنية وإني متحلف إلى أخذ بثار اخوي منهم

بيت ثاني ......

عبير: كعدت الصبح بس راسي يوجعني وعيوني مورمة من البجي وقررت انو أوافق نزلت جوة وكلت لبابا على موافقتي وضليت ابجي اني وبابا وماما

ماما : يلا حبيبتي كافي بجي انتي راح تزوجين كومي خلي نحضرج

عبير: هه عروس منين اجيت عروس وإني ما اعرف مصيري شنو هناك (بقلبي) حاضر ماما
رحت اني وماما الصالون وحفيت حواجبي وكملت كولشي من تنظيف رجعت للبيت ماما نظفتلي جسمي كولة واشتريت كولشي احتاجة من ملابس ومكياج

وبابا كلي بأجر نروح من كلي اني ما اعرف صار بية أحس راح ياخذوني للموت خفت كولش لأن ادري الفصلية مجرد خدامة ميحترموهة

صعدت وإني خايفة ما اعرف شسوي ضليت ابجي ابجي لحد منمت كعدت الصبح نزلت جوة الكول كاعد عمامي وأهلي وبيبي وجدو نزلت وإني الدمعة بعيني من شفتهم ضليت ابجي ركضت على بابا شبكتة وضليت ابجي 

ماما : يلا حبيبتي لازم تحضرين روحج

عبير : حاضر ماما
صعدت للغرفة بدلت وخلي شوية مكياج لأن عيوني مورمة من البجي ردت البس الشال انفتح الباب دخلت ماما

ماما : حبيبتي تعالي احجي وياج

عبير كعدت يم ماما وضليت تحجي وياي أي شي يريد اكول حاضر وهواي اشياء وووو
نزلت جوة وبابا جان جاهز هوة وعمامي ياخذوني سلمت عليهم وإني ابجي واشهك أريد احد يخلصني بس ماكو خلص هاي حياتي راح اعيش بجحيم 😢😢

وصلنة لبيت الولد و.........

مممم رأيكم بأجر انشاء الله انزل بارت أريد تصويت أهم شي 😍😘