علياء والله مفتهمنه لن صارت مشكله وبعد مارجعنه
دكتوره رغم متاكده من كلامي بس هاي راح اكتب لكم سونر ثاني عند دكتوره وتحليل تسوها عند المختبر الفلاني وريد اشوفها وان شاء الله خير
علياء طلعنه من دكتوره واحس هم نزاح من على صدري حسيت الدكتوره متاكده من كلامها امشي ودعي ربي كون مايفشلنه لن جنت حاسه اكو غلط بوقتها ميصير حمل مؤقت مو دائمي
سجى علياء لادكولين عفيه خاف يصير عدهم امل
علياء انجبي خلي يصير عدهم امل ليش بس احنه نضل نحرك بعصابنه نخاف على مشاعرهم مثل قبل كم سنه هم كلتي مااريد احد يعرف و مجيت وياج وانتي سكتي هل مره اني وياج واعرف شي انتي متعرفي امشي ودموعي تصب دخلنه وسويت لي طلبته الدكتوره من سجى وهي ساكته منطقت شي رجعنه لبيت دخلنه
وميض ها شكالت
علياء انطتها علاج واسبوع ونراجعها رادت تحاليل اسبوع وتطلع بس روح جيب هذا العلاج اخذ الورقه مال العلاج وراح جابه اخذته سجى طبعا مكلت بس ل الحجيه مكدرت اكول لوميض نعكد الساني
الاسبوع صار سنه خلص الاسبوع ورجعنه لدكتوره شافت التحاليل وسونر وكالت
الدكتوره السونر كله تمام حتى تحاليل الهرمونات مابيه شي يمنع الحمل ليش هيج كالت لكم الدكتوره
علياء هم نوب طلبت تحاليل تشوف التهابات وجان صلايب بس الحمد لله ماكو وقفت العلاج لها رجعنه لبيت بس سجى صدمه عمرها جانت اني لا عبالك جنت اعرف مادري من فرحتي سجى تمشي وتفرك ايد بيد دخلنه لبيت
وميض دخلو سجى وعلياء بس سجى عيونها مغوركه شنو كالت دكتوره
علياء الحمد لله كل شي تمام باوعت على سجى راح تبجي ها لج ام دميعه يلام وميض من يكول ام دميعه
وميض كمت على سجى ها شكو بساع حظنتني وطكت بجي وعلياء على واهس وياها واني مثل الطرش بزفه شكو شبيكم محد يرد عليه علياء شبيها
علياء وميض الحجيه موكالت لك على لحلم مال الحجي الله يرحمه
وميض اي شبي
علياء دكتوره دكول سجى مابيها شي
وميض اي الحمد لله
علياء دكتوره دكول سجى عادي يصير عدها طفل
وميض اي شنو يعني سكتت دفعت سجى شنو يعني سجى تبجي متكدر ترد لج احجي اشتعلت عشيرتج
سجى😭😭😭 هسه عشرتي شعليها
وميض هاي تردين عليها لتفت على علياء خاف هاي متفتهم
علياء لا والله ذيج ثوله من شفتها كلت شكولها مو شكل دكتوره بس المستشفى حكومي له جان كلت جايبيها من شارع
