ايهاب و نسمة 🌸 باللهجة الجزائرية 🌸

8️⃣ eight 8️⃣

نسمة تبكي 😢😢 يعيشك ايهاب ما تعملش فيا هك

حشرها مع الباب و هي تقاوم فيه جبدها من حزامها و قرب باسها و هي تقاوم حكملها شعرها بكل عنف باه ترضخ و مع الوقت استسلمت .. بعد عليها باه تاخذ نفس و هوما يتنفسوا هواء واحد عينيها مذبالين و جسمها ضعف و المنظر خلاه يمركي على كل بلاصة معرية عليها قبلة .. يطلعلها لاغوب و اوووب تفيق من غفلتها و تحكم لاغوب بزوج يدين بعد عليها و باسها مرة أخرى على فمها بلخفيف و غمزلها 😉

ايهاب : هكا باه المرة الجاية تستري السلعة .. و خرج

نسمة حمارت و خضارت و بقات تتلمس ف البلايض لي حط فمو عليهم تبسمت تلقائيا و في لحظة خبطت راسها بزوج يدين و قامت بدلت لبستها و كوفت روحها و هبطت باش تكمل العرس اما واش شافت خلاها مصدومة

لابوليس كتفت عمامها و عماتها الكل حتى من بوها

ريم تغاشات و النساء يترجاو ف لابوليس .. البوليسي اشار على ايهاب لي كان يخزر فيهم واحد واحد بإحتقار

البوليسي : ما عندي ما نعمل انا هاو لي قدم الشكوى اذا حبيتوهم يخرجو اقنعوه يسحب الشكوى

و راح و خذا رجالة البيت قدام عيون العايلة و الجيران الاحباب و الاصحاب و تفرق العرس

في عوض ما تدخل ريم لدار راجلها بالزغاريت صارو يفيقو فيها بالروايح و مش حتى امها واقفها جنبها و تصبر فيها بالعكس هي لي لازم تصبر امها و عمتها و عمامها ع المصيبة لي فيهم و الفاجعة انو لي فسدلها عرسها هو ولد عمتها المتوفية لي اصرت تعرضو لعرسها باش تكمل الفرحة

فاقت لقات عجوزتها و سلافاتها دايرين بيها و هي تسأل على نسمة و فاطمة قالولها راحو لمركز الشرطة

عند نسمة :

كانت كي الحي و الميت مصدومة اما تعرف وش راه صاري زعما لهاذ الدرجة قلبو بارد ع الاقل يفوت فرحة اليوم .. قبل دقايق كان يبوس فيها و في لحظة خرب حياتهت الكل عاذراتو و في نفس الوقت لايماتو يعني كان يلعب بيها و النظرات هاذوك كل خدعة !!

وصلت لمركز الشرطة و صارت تصيح ع الكل : نحبكم ضرك تخرجوهم ضرك ضرررررك

خرج بوسيلي يهدي فيها و هي لا عقل حتى من خيمارها مدارتوش شعرها يطير يمين و شمال

و هي تصرخ : قتلك تخرجهم تخرجهم

البوليسي :الله غالب يا ختي مشي بيدنا .. الحق ةننا نسجنوهم و نقصي من صوتك لا نسجنك معاهم

دخلت فاطمة بيناتهم : معك الحق خويا اما مش تجو تهزوهم من عرس بنتهم

البوليسي : الشكوى جات ليوم هزيناهم اليوم نا نعرفو لا عرس لا زوج

حكمتلو نسمة يدو و بدات دمع 😢 : عيشك خويا خليني نشوفهم و الله منطولش

خرج اسهاب من ممتب ف المركز مدبر لمكيدة اخرى و اقوى من اللولة و تقابلو نسمة بذاك المنظر كي نقولكم هبل يعني هبل حمارو عينيه و راح يجري ليها جبدها من عندو و هو مش عارف علاه عمل هكذا يعني عندو الوجه باه يغير عليها ؟؟

STOOOOOOOOOOOOOP

رايكم + فوت + كومنت 😍❤😁