خرجوا الكل بعد ما التحفوا وغمغموا على رواحهم لقاو العم الجمعي حاكم وحد الجون من الكول تاع الشوميز تاعو والرجال دايرين بيهم
راجل ¹ : استهدي بالله يالجمعي مش كلشي يتحل بالقوة
راجل ² يخبط في كتف الجون : يا خويا قص الشر و توكل على ربي
الجون : مشني رايح هاذي داري كيما راهي دارو
انا نسمة بقات غير تخزر فذاك الكور و ذيك الهيبة الحطة و النظافة بقات ترمش و تعاود
نسمة : هذا يعني خلى بلايص ربي كلهم و ماجاتو غير على هاذ الدوار 🙄 تي هذا بلاصتو فليماغازين 😍 مش بين يدين عمي الجمعي
تفرق الجمع بصعوبة
و هي بقات تخمم شكون هاذ الكعبة المقطوعة 😂 و واش صاري بينهم
مع الصباح تحس نسمة بوجاع في حزامها و ظهرها و خرجت تدعي ربي ميكونوش هوما و للأسف تخزر تلقى بقعة دم في سروالها 😱 خرجت للحوش تندب في حظها
نسمة : يا خلايا و يا سوادي لبارح ناضت الحرب و اليوم ازهقت الدماء 😱 يخاااه كيفاه ندير 6 تاع الصباح ناس رقدوا و انا نتعذب كيفاه ندير زعما نطيش روحي لكلاب عمي الوافي و تنهنى خلاص ول ..نرمي روحي من لاتيغاس وكي نطيح ميعرفوش منين خرجلي الدم من راسي ولا من بلاصة اخرى ... اوااع لا تيغاس هي الحل
طلعت راسها الفوق و ثم الصدمة 😳😱 تلقى هذاك الجون لي كحلت عليه لبارح على حافة السور و يسمع في قصة لالاهم 😂 تي هذا فيلم داراتو وحدها بقى راسها مكوانسي فذيك الزاوية و عينيها تغرغروا دمووع 🥺
سوطا من السور و قالها : ادخلي للبيت واستنايني
نسمة : 😨😳 ......
خرج و ماسمعت كان حس الباب .. تقفل مرة اخرى و كان هاز ساشي باين وش فيه ( حتان نصرح بالعريض ول 😏😂)
صاح فيها : مش قلت لربك ادخلي 😠
نسمة تفك لسانها في لحظة : لا و بكل ثقة جاي تعيط عليا و حاب تتحكم فيا ثاني ربحت 😠
لاحت يدها باه تاخذ الساشي منو .. و اووووب صار بعيد عليها بعد الارض و السماء
حكم فكها بيدو وحمر فيها عينيه 😡 : كي ماتسمعيليش و ديري رايك برا ربي معاك و تزيدي تعلي صوتك عليا لسانك نقطعو و نرميه لكلاب عمك الوافي مالا قزومة حاية تحل في ****
دزها حتان وقعت ف الارض و رمى عليها الساشي : خمااج 😠 وراح
كانت نسمة في صدمة 😳 : تي هذا البوقوص عقليتو زفت قالهاش المصري والله لا يسلكها غالية
لعشية و هوما مشغولين بالعرس تشوف في باطة دخان على السور في نفس البلاصة لي كان قاعد فيها هذاك و صح قبل ما ينزللها كان يتكيف في قارو
طلعت بجرية تعس لا يشوفوها .. دخلت للسالدوبان فتت كل قارو
و جبدت ورقة كتبت فيها " كنت رح نشكرك اما خرجت بسيكوبات "
و عاودت حطتها ف نفس البلاصة
STOOOOOOOOOOOOOOOP
ثاني حلقة وش رايكم 😍😍
وش تتوقعو يصرا مع نسمة وهذاك البسيكوبات وش رح يدير كي يشوف عملتها 😱😂
رايكم + فوت + كومنت 😍❤😊
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
