بنتك يا ليبيا «مكتملة»

الحلقه 30❤

روايه: بنتك ياليبيا ❤
للكاتبه: هبوووش ❤
الحلقه: 30 ❤
(انفتح باب الحبس وخش سراج وسنونه علي الشارع 😁😹)وقعمز بحدا جهاد ومالك 💕
جهاد ومالك: 😳😳😳
سراج"قعمز بحداهم":خيييركم 😁
مالك: مضربوكش 😨
جهاد: غريييييبه 😳
سراج: لالا في ولد اسمه مهند اكدب علهم وقللهم ضربته فلقه 😹😹
مالك: اي زبطه الولد ره ليبي 😳
سراج: جديااات ليبي ومع الطليااان 😳
جهاد: خاااين شن بنديروله 😒
مالك: لالا في وراه قصه ديما اساعد فينا🤔
سراج: هو نفسه يلي يعطي فيا في الماكله نحسابه طلياني في الأول 😳
جهاد: مش عارف 😐
مالك: حتي انا لما بيضربني افوتني يقعد سااعه يتفرج عليا وبعدين يطلقني 🤔
(خش وحد اطالي)
الإطالي: خرووووووووووووج 😒جميعاا
(طلعو كلهم ووقفوهم بحدا بعض وجي القائد)
القائد: هنااااك عمليات هروب كانت تحدث
سراج: بااالك شجره خروووووب 😒
الكل الليبين: 😂😂
القائد: انت 😠
سراج: انت وهو وهي كلكم مصلحجيه😒
القائد"قرب":انت يستحسن لك ان تسكت
سراج: بره%%% يافرخ ال%% دور وين تلعب 😒
الكل: (خافو وسكتو)
القائد: انت ابن&%%
سراج"شد القائد من تشرته":الاااا بوي ياعيل ياولد%$& احترم نفسك خير 😠
القائد: اتعلم مالدي فعلته الان 😡
سراج: لا أهتم 😒
القائد"قام ايده وضر سراج علي وجهه لن طاح":وقح 😡
سراج: "اوقف وشد القائد وضربه علي وجهه لن وخر التالي خلاله فمه دم قربو شباب منه وخدوه وهما يضربو فيه "
________________
عند بلال ❤
كان ادور في المعسكر ويتمشي لن حس بحاجه شداته من كتفه التفت القاه وائل💕
بلال: امتي جييت 😳
وائل: توا قلت خن نشوف اخبارك واخبار المعسكر 😊
بلال: الحمد الله اهوو ماشيه الأمور 😉
وائل: اسمعت بزوز تعركو علي شنو 😳
بلال: والله ماني فاهم حزوهم وخلاااص مفهمتش 🤔
وائل: تعااال خن نتفاهمو معاهم 😊
بلال: هياااا 🚶🏃
__________________
عند فرح ❤
ساجده: قعمزي يامنجوهه وانتي من حيت مادرتي هالرجلات معاش تتبتي في مكان😒
فرح: ابيس (منبيش)
ساجده: وين ماشيه انتي توا 😳
فرح: اس حمام (امشي)
ساجده: تمشيله نورييييك 😠
فرح: الاااااااا 😝(وهربت)
(لحقتها ساجده)😂
________________
عند طارق ❤
زين: ايسافرو من دوله ل دوله ونفسيتهم صفر وانا  اندير دوش ونلبس توته جديده نحس إني ع شواطئ المالديف من الانتعاش 😂😂😂😹
طارق: باهي خلااااااص 😹😹ياحيوان😹
زين: ﺍﻟﻠﻬُﻢ ﻳﺎ ﻣﻘﻠﺐ ﺍﻟﻘﻠُﻮﺏ ، ﺃﻗﻠﺐ ﻭﺟﻬﻲ ﻣﻦ ﻫﺎﻟﺒﻼَﺩ .....قول امين 😹😹
طارق: اميين بش نفتك من خلقتك 😂
زين: علاااااااش خزوو 😒😅
طارق: شعب لايحب مرته ولايتجوز حبيبته😃😂😂😂😂
زين: رسمي 😹
_______________

عند عواطف ومحمد ❤
عواطف: علااااش باهي 😞
محمد: بلال ليه اسبوعين قالب وجهه وكرهنا علاش مش فاهم وميبيش اولي😒
عواطف: حاول تكلمه بالله عليك متخليش ولدي هكي ياسر راحت وحده والتاني الحقها 💔😢
محمد: خلاص توا نكلمه 😉
__________________
عند سراج ❤
كان طايح في دار بروحه واحس في روحه ماكسر من الضرب والتعب الدار كانت فاضيه مافيهاش ولا حاجه وخلال دقائق خش ولد افتح الباب اشبح سراج ولما لاحظ القاه مهند الشاب يلي اساعد فيه واساعد في كل الأسرى افتح الباب واقعد يشبح برا من الباب يتأكد ان مافي حد لحقه كان خايف يزبطه وحد او يشبحه لأن كان خش بالسر من غير ماحد يعرف قرب من سراج وقامه علي ركبته وهو يمسد علي شعره ❤
مهند: انت كويس خوي 😳
سراج"بصوت تاعب":عيييت نبي نرقد😒
مهند"انصدم من الرد امتعه وحد متهتك وجوه عادي ويقول نبي نرقد":خووي هاااك اشرب بسرعه
قعمز مهند سراج وشربه اميه وكان جايب معاه ماكله
مهند"مد الصونيه لي سراج":هاااك 💤
سراج: شن هدا
مهند: هده ما.....(قاطعه صوت رجلين جاي جهت الدار 👣)
سراج: البد يااارااااجل بسررررعه 😳
مهند: (ناض يجري اوقف ورا الباب وشد الميه والماكله في ايده وانفتح الباب وخش القائد وسراج خايف قريب يموت علي مهند يلي ورا الباب خايف علي يشبحه القائد 😨)
القائد: هده المره مرت علي خير لكن في المره الأخرى سوف يحدث شئ لن يعجبك اتفهم هدا 😡
سراج"كان مش مركز علي القائد وخايف علي مهند هز راسه بمعني باهي وخلص وهو مايندري علي شئ"
القائد: يبدو لي انك تعلمت درسا هده المره 😏
سراج"يبي يختصر الموضوع":نعم تعلمت درسا 😥
القائد: ههههه احذر ان تعيدها مره اخري😊
سراج"اعصابه خلاااص":حاضر باااااهي خلااااااااااص 😳
القائد ضحك ومشي طلع وسكر الباب سراج قعد ساعه مش مستوعب ومهند يلي واقف يابس في مكانه بدون اي حركه من يلي صار
مهند: الحمد الله 😩
سراج: اهرب اطلع بسرررررعه 🏃
مهند: كووول قبل 😳
سراج: اطلع قبل مايشدووووك 😠
مهند: هاك هدا النص كوله بس (وطلع بسرعه)
سراج: شن الحمار هدا 😡
_______________
عند سيلين ❤
كانت تمسح في دموعها وحضنتها رهف
رهف: باهي خلاص سيلين 💕
سيلين"بعده شوي ومسحه دموعها":والله هكي صايرلي مش مصدقه لحد توا الوقت كله ونا نفكر فيه 💔
رهف: زي ماقتلك مرات يكون عند الطليان وحيكون كويس اكيييد 😳
سيلين: كيييف كيف كويس وشدنها كيف كويس اكيد يضربو فيه اهو صاحب خوووي شن قتله شدوه وضربوه لن مات تحت ايديهم 💔😭
رهف: انا متأكده انه كويس 😳
طق طق طق
طق طق
طق
رهف: 😨😨
سيلين: (مسحت دموعها بسرعه)
خش خها احمد 💕
احمد: قعده نايضه انتي ويها 😳
رهف: شوفت عينك 😊😂
احمد: خيرك تبكي انتي 😳
سيلين: لا ءءء مم منبكيش
رهف: 😨😨
احمد:باهي خيره عيونك حمر 😒🤔
سيلين: ءءءءء ماهو.....(قطعتها رهف)
رهف: طحت حاجه في عينها 😊
احمد: اهااا باهي ياسيلين كان الفرخه هيام دارتلك حاجه قوليلي 😉
سيلين: علاااش 😳
احمد: من بكري وهي مش ناويه علي خير وانا شبحلها طريحه 😏
سيلين: ههههه حاضر 😹
احمد: هيا تصبحو علي خير (وطلع)
___________________
عند وائل ❤
وائل: تبي حاجه ياغالي 💕
بلال: لا سلااامتك❤
وائل: هيا سلام (ومشي) 🚶
تلفون بلال اشرين 📞
بلال: ايواااا من معاااي 😊
*&%:شن الامور ياغالي 😉
بلال: اووو قيس وينك 💕
قيس: ريفت عليك ياراجل 😂
بلال: انا اكتر وين غبت علنا وتلفونك مقفل 📞
قيس: لحقت الوالده هاني رجعت 😊
بلال: الحمد الله ع السلامه يا غالي
قيس: الله يسلمك ❤....سمحني والله مسمعت بسراج الا توا 😔😞
بلال: لالا معلشي مدورش ❤
قيس: كنك مضايق 🤔
بلال: مضايق شويه مدورش 😊
قيس: تريد نعدي عليك توا 😉
بلال: لالالالالا خطر توا عليك فوتها ليل😳
قيس: كنهاده نعدي عليك غدوه 💕
بلال: تفضل عادي ❤
قيس: انت توا بالبيت 🤔
بلال: لالا في المعسكر 😊
قيس: بتنام فيه 😳
بلال: ديما بديت نرقد فيه 😅
قيس: معنها نشوفك غدوه 😉
بلال: انشاء الله (سكرو الخط) 💕
__________________
عند فرح ❤
كانت قيمتها ساجده وهي تبي تهرب 😂
فرح: الااااااااا اب اعب😾 (نبي نلعب)
ساجده: توا وقت نوم مش لعب 😠
فرح: انلااااااااااااااااااا 😡
طق طق طق
طق طق
طق
فرح: هاااااااااا خوي زي🙌 (خوي جي)
ساجده"حطت فرح ومشت فتحت الباب خش وائل وهو فرحان"  💕💕
فرح"بدت تصفق":👏👏👏👏👏👏👏👏👏👏👏👏👏👏👏👏👏👏👏👏👏👏
وائل: 😂😂😹😹
ساجده: ريت المهبوله 😂
وائل: شن وكلتها اليوووم 😹
ساجده: مكروونه 😂😂
وائل"قام فرح":شن اليوم جوك قنين 😅
فرح: نين 😂(قنين)
"حط فرح لوطه وابدي يسمع في صوت رصاص قريب كأنه قدام الحوش وقف يجري واخدي سلاحه وطلع وخشت فرح وساجده للدار وفرح يلي قريب تبكي "
_______
"طلع وائل يجري سحب سلاحه وشويه اشبح ولد يضرب في الرصاص علي الطليان حاول اساعده رد باب الحوش اشبح ان الولد تم رصاصه لوح سلاحه لوطه وابدي يجري 🏃فات من قدام وائل يلي وخر بش ميشبحوشي الطليان يلي وراه فاتو 3 طليان 💂بسلاحهم وراه اجبد وائل اسلاحه وابدي يرمي علهم في الرصاص "(طيح 2 والتالت اعرف روحه مش حيطلع منها هرب يجري جي لحقه وائل لكن هرب منه قام وائل سلاح الطليان وقدم اشبح الولد طايح وشد كتف ايده يلي يصب دم لوح وائل السلاح وقرب من الولد اساعد فيه واشد في مكان الرصاصه يلي اصب في هلبا دم ناض وائل وقام الولد وحط ايد الولد علي كتفه وامشي بيه لن وصله للحوش وتكاه علي الصالون وهو شاد الجرح امتعه كان الولد مدرق روحه كله كان لابس علي وجهه ميبان فيه شئ غير عيونه يلي كانو سووود وتقول علهم مكحلات شد وائل الجرح ولفهوله بالشاش )
وائل"وهو داهش": تحمل شوي خووي بس نجيب الدكتور بس
الولد: «هز براسه بمعني باهي »
وائل البس تبه واخدي سلاحه وسكر الباب وطلع يجري بيجيب دكتور 🏃🏃🏃
_________________
عند طارق ❤
خش للحوش ولوح تبه وقعمز بحدا امه(سالمه) 💕
سالمه: شنو 😒
طارق: شنو قتلك حاجه 😳
"فاطمه جت قعمزت بحدا طارق "
فاطمه: اففففيييي عليك وين كنت يا طارق "وحطت ايدها علي خشمها"
طارق: خيرني كنت في المعسكر 😳
سالمه: ترا تعال 😠
طارق "ناض لي امه"
فاطمه: 😷اففففففيييي 😷(ناضت)
سالمه"شمت تشرت طارق":زفر صنتك يامسخ 😠😷
طارق: شن فيااااا 😳
سالمه"شداته من ودنه":ويييييين كنت😠
طارق: اي اءءءءء ودني يماااا....كنت في المعسكر 😳
سالمه: صار ادخن وانا منندريش 😤
طارق: شن اندخن يما شن تقولي منقرباش الخمر هدا انا وانتي تعرفني😨
سالمه: شن قتلك انااااا معاااااااش اتبع العتربيه ولاااااااه 😡
طارق: غر ارخي ودني وتوا نقلك من شنو صنت الدخان هده 😰
سالمه"طلقتله ودنه":هيا من وين صنه السبسي هده 🤔😤
طارق: كنت امقعمز مع ولد يكون صاحب صاحبي 😁
سالمة: صاحب صاحبك مره وحده 😤
طارق: اي اي اسمه زين قعد ادخن بحداي هده هي 😊
سالمه: تعرف لما يبدأ وحد ادخن وانت بحداه تنضر اكتر منه ياحمار 😡
طارق: باهي باهي هاني بنوض اندوش😁😁(ناض خش لي داره القي وائل متصل بيه 5 مرات اتصل طارق بي وائل 📞
طارق: ايوااا شن في 😳
وائل"وهو داهش":اسمع بره طير بسرعه للحوش تلقي المفتاح تحت الفرشه يلي قدام الباب خودها وخش تلقا ولد رد بالك منه 😰
طارق: وعلاش ومن هو وخيره هو 😳
وائل"بأعصاب":مش وقتهااااا الدوه بره اجريييييي 😡
طارق: حاضر (سكر الخط)
طارق:-البس تشرته واخدي سلاحه ونزل يجري ركب السياره وطلع 🚗
_________________
عند وائل ❤
وائل جاب الدكتور وجي جهه الباب ووصل طارق
طارق: شنووو في 😱😨
وائل: مش وقت الدوه (افتح الباب وجو خاشين للصاله يلي فها الولد القي##

وائل وطارق: 😳😳😳😳

#يتبع ❤
للكاتبه هبووش ❤

ممكن طلب تفاعلو حتي في الحلقه هده عااادي 😹😹

متنسوش التصويت ❤
وخلو تعليق حتي نقطه 😹

نحبكم ❤