،، يمعودة شكو بس تعيطين كل اشوية
،، انداريت عليهن جهازي ماكو انباك وينه
طلعنا يله
،، عيب عليج شفتينا حرامية واخذنا
،،، مااعرف بس انتن وياية قابل منو ياخذا
طلعن الجهاز يله كلهن كالن افتحي لوكراتنا ودوري رحت نبشتهن كلهن ماكو بس
لوكر وردة مقفول كعدت اتنفس بغضب
يابه اذا ماامسح بيج الكاع
،، كومي نيران تعشي هسه تجي وانشوف
منو اخذه ولج اخاف نسيتي ابيتكم
،، لا عيني بيدي خليته بالجنطة شنو
تشككيني بروحي احجي وياها واضرب
بالجنطة شلتها وركعتها بالكاع اطشرن
غراضي هناااا بهاااي بهاااي المن
اروح اشتكي لانرب اسون مصيبة بيه
وتبلنييي
،، يمعودة جلبتي مو دورتي غراضنا وشعدنا
وياج وناخذا
،،، ماعرف مااعرف ضليت افتر بالغرفة
وادور تخبلت اذكرت جيرانه من ابنها
مضيع السيم كارت مالتها ورى فترة
اجت الشرطة اخذتها لان لاكين خطها
يم واحد مقتول وانسجنت سنتين على
جلدها ظلم
عززا تخيلت روحي انسجن وحياتي تتدمر
ويطيحون حظي بالسجن يبووو اشكال
الافكار راودتني
ساعة وشرفت ورد
كمت وكفت بوجها وين جهازي طلعي
.،،، هاي شنو يابة ياجهاز انتي بيج شيء
شاربة شيء
،،، دفعتها من كتفها حيل طلعي الجهاز
احسلج
،،. دولييي ماعندي ولي بس ادورين مشاكل
،، هاا ادور مشاكل مو ردت اكفشها
فرح سحبتني من ايدي
،،، اتركيها نيران انطينا مجال خلي نفتهم
،،، وخرري إنتي رحت سحبتها وخرتها
من لوكرها لان فتحته هي وجها لونه نخطف
رادت تسحبني وعاطت ماكدرت طشرت ملابسها كلهن لكيته مخليته بملابسها
الداخلية لافته طلعته وانداريت عليه
شلته بوجها
،، شنو هذا ياحرامية يارخيصة نفس يانذله
طلعت تركض وتعيط بالممر
،، حقيررر يالماتستحين تبوكينا وأنتي
اضمين بغراضج بين ملابسنا
،،، طلعت وراها اجتي الفراشة تركض تريد تعرف شكو لزمتها من شعرها وعتيتها ودفرتها على رجلها البنات كلهن شاهدات
عليج فلا تفضحين روحج احسن يا كلبة فاككتنا الفراشة
،، طبن للداخل كافي عيب منا الطلاب
يتباوعون الجن عيب يله كافي مصار شي خوات وصار بينكم سوء فهم سكتت هي وضلت تحجي وية الفراشة وتبجي
تركتها ودخلت للغرفة واني افور عليها
حسبالها تخوفني الزفرة شتريد هاي
ادور مشاكل ليش هيج اتسوي
.،، دكافي نيران كومي نسمم وكفي
منها خلها تولي بعد فضحتيها ماتعيدها
،،، كمت تعشيت كملت شربت جاي وكعدت
اراجع الدروس السابقة حتى ويه فرح
ماحجيت احس روحي خلاص لازم اتقوقع
على روحي يززي عاد مليت من الناس
ومن نفسي هم كرهتها
YOU ARE READING
جموح انثى
General Fictionقصة للكاتبه داليا المسلم البطلة شرسه وقويه خلينا نشوف شحيصير
