جموح_ انثئ
بارت _7_
داليا _ المسلم
قَلْبِي #بوَصَلَكَ
بالمَعْرُوفِ يَأْمُرُني
وأَنْتَ قَلْبكَ #بالهِجْران أَمَّارُ ¿
💚...........................🖤
وكف طلال بالباب وهو لازم يده الباب
وعيونه مشخصة علينا كلها غضب وجه
كلامة لجلال
،، شنو انتَ هنا وأني ادور عليك كوم
ويايه للبيت
(ردله جلال )
،، خلي اكمل غداية تعال اكعد ويانا اتغده
،، لا ماريد كمل والحكني
،، صار راد يطلع رجع اندارلي بسؤال
،، ليش راجع من دوامك؟
،، ماعندي دروس مراجعة وكنت ضايج
ورجعت
،، همم
(نيران )
،، تركنا وطلع همست يول هذا عمو طلال
شكد عكرة الله يعين التاخذا
،، مالج شغل بيه ولاتركزين وياه كملي اكلج
اكوم أني اروح اشوفة أمبين ضايج من جيتي
اكولج حضري روحج نروح للبستان ويه ابوية
اليوم الجو حلو وحار
،، تمام تركتي وطلع كمت غسلت ولميت الاكل ونضفت المطبخ دخلت ماما
،، ها وين جلال!
،، راح لبيتهم طلال دز عليه ماما راح اروح وياهم للبستان
،، ليش ودروسج
،، لا باجر ماعندي شيء اوف
،، روحي وأني هم وياكم اروح ماطول الجو حلو دنكمل زرع الشعير ويه خالج
،،،،،،،،،،،،،،،،،،،،،،،،،،،،،،،
طلال
كل مرة اشوفهم يضحكون ويتشاقون
وأني الشيطان يتربع براسي عليهم بعدين
من اشوف نيران على ساعة تكلب على جلال
اشوية ارتاح اكو لا تحسه مثل اخوها ولان اعرفها تربت بيناتنا رغم هي وكحة
اوكح وحده عدنا ولسان
من اول مابدت أشب وأني عيني منها كلت احجي وية ابوية وعمتي واحجزها اليه رغم هي وكحة ورعنه بس مو بيدي أحبها مرة سولفت لاأمي عن مشاعري الها بسبب الحاحها انو تخطبلي
،، ياأمي ماريد ماريد ازوج بعد مو هسه
ضربت ميز الطعام بعصبيه
،، ليششش ليش كولي مو هسه وشمعنى
حاط وحده ابالك تريد من الي وياك بالدوام كول والله من عين باجر امشيلك عليها
،،، تنهدت بقلة صبر لا ماكو كلهن عجايز
لو متزوجات ومامخلي ابالي اخطب من برىٰ
،، اشون لعد ياأمي تضل هيج اشو دراسة وخلصت وضيفة واتوضفت شتريد بعد
متريد من برىٰ خوش اني وياك اخطبلك
من بنات خالك بنات عمك والله يعجبن
جنهن ورد
،، ماريد لا منا ولامنا أني مخلي ابالي
نيران بس تكبر وتخلص دراستها اخذها
تفاجأت من سمعت بااسم نيران
لان نيران ازغر مني ابـ 10 سنوات فاالخبر
كان صادم الها واعرفها من اخر
المستحيلات تقبل اخطبها عاطت عليه
