،، اصبري دكعدي هنا هسه اجي
... ضلليت كاعدا بين مراح كمل الاوراق اباوع للطلاب اكثرهم سمران بس حلوين مملوحين فات واحد هو وصديقة يحجون جلفي مافهمت بس كاله طركاعة على راسك
شنو هاي طركاعة يله اسال طلال عليها ساعة ورجعلي طلال
،، يله كومي نرجع
،، كمت وياه
بالسيارة سالته اكولك طلال شنو طركاعة
ضحك
،،، شنو ههه شبسرعة تعلمتيها
،، لا سمعت شباب يحجون بينهم
قطب حواجبة وتعصب دايسوق مرة يباوعلي
ومرة للطريق
،، شنو عليج كالوها
،، لا والله اصلاً ولا شافوني ضهرهم
عليه بس أني سمعت حجيهم
،، عود مصيبة معناها
عادي راح تتعرفين على حجيهم مابيها شي واحد لازم يتعلم ويشوف غير لكنات وكلمات تفرق عن كلامنا هواي كل كلمه الها معنى
تتعلمين وتجينا تحجين كله مثلهم
ضل يضحك عليه
،، خوش هاي اذا بقيت هناك رجعنا لليل طبينا الدجيل بوجهي للحمام سبحت ونمت حسبالك عابرة قارة لان مامسافرة قبل هاي اول مرة
ثاني يوم سولفت لـ أمي
،، يمة بعيد وهوسه ماحبيت المكان
،، ليش حبيبتي والله تتعودين هو اكو أحلى
من البصرة تخبل هي وناسها
،، شنو رايحتلها إنتي
،، لا وين لارايحة ولا واصلة بس ابوج كان صديقة مناك وكم مرة راح وحجالي
،، دخل خالو وطلال كامت ماما صبت غده
جلبت بخالو طلال كالي
،،. لا اضلين تنكين والخلقة مكلوبة
داومي هذا الاسبوع السبت
راح تطلع كية منا وياج ولد اتلاثة واحد بيهم اخو صديقي وبنات اربعة هم بين ماسويلج نقل بحجة عندج مرض مزمن وما تكدرين تبعدين
عن اهلج كل هاي المسافة
،، يعني يصير
،، اي يمعودة كلشي يصير بالفلوس
،، خالو يشرب جكاير وصافن سالته ماما
،، شكو ! ابو طلال اشبيك شو مهموم
(طفة الجكارة بالنفاضة وذب حصرة )
.،،، والله شكولج يا سناء هذا جلال موشي صاير بدراستة متراجع ومتغير ويرادد بااخوه متغير فدنوب حتى اليه متمرد عليه مايسمع
حجيي
( ردله طلال )
،، يابة اتركة هو تعبان من الدراسة
،، ميخالف بس ليش مخلي اباله يروح يشتغل
ويعيش ابغداد ليش ول ياب أني شعندي غيركم شغيره هل الدوني بس لا مرافكلة شلة مال هتلية عفطية ودايعلمو هيج
،،، يمعود ابو طلال شجاك جلال مؤدب
مايسويها اتركة لاتضغط عليه هو من كيفة
يعقل
،،. طلال باوعلي ونصة راسه كأنو دايكلي
إنتي السبب اني شنو شسويت ليش مو انت
السبب نبصت روحك بيناتنا وكرهتني بيكم
كلياتكم
YOU ARE READING
جموح انثى
General Fictionقصة للكاتبه داليا المسلم البطلة شرسه وقويه خلينا نشوف شحيصير
