الجزء 4 : هبط عصام مسكين مقهور دخل لدارهم خبط لقضيان فلرض و يماه و ختو جاو يجرو حط الصرف و خبط لباب تع شمبرتو و قالهم منسحق حتا واحد ينوضني قالت يماه اخاه وشبيك طفل هذا وين كان فرحان و يسوطي راحت و خلاوه يرقد مع لعشية ناض عصام غسل وجهو و هبط للحومة يلعب ماتش لعب حتا عيا و طلع باه يدوش و هو طالع لقا مريم قدامو قاتلو حبيت نقلك حاجة سمحلي على لهدرة لي قتهالك مشي بقصدي نتا قلقتني و طلعت تجري هنا عصام ولاتلو شوية روح طلع دوش و كي كمل طاح ليل راحو يتعشاو قالو راجل يماه ليوم شفت قش لتحت شكون شرا دوزان جديد قالو عصام لالا هذا جيران جدد جاو يسكنو فدار تع توفيق ليكان حاب يبيعها قالو راجل يماه وشكون هذو ناس هه سور مهابل جاو يسكنو هنا فباطيمة معمرة مافيا قالو عصام مكاين حتا مافيا هنايا من غير هذوك رجال لي يظلو يسكرو قالو راجل يماه هه معليش و شحال عندو ذراري هذا راجل نطق عصام عندو طفلة وحدة و عينيه يلمعو ملفرحة قالو ابوو و شحال عمرها نطق عصام قالو نتا تحوس تفهم بزاف وش دخلك فطفلة نطقت ختو قالت لالا خويا شحال عمرها بلاك تولي صحبتي ونولي نلعب معاها قال عصام لالا يبوبونة مريم كبيرة تجوز لباك مهيش قدك قال راجل يماه اااه تسما تجوز لباك و اسمها مريم نطقت مرتو قاتلو ياراجل ونتا واش خصك فطفلة حتا قال عصام والله حتا بنات ناس ماسلكوش منو خبط راجل يماه طبسي تاع لوبيا فلرض و قالو نتا كاش خطرة نديفورميلك وجهك مكاش خامج هنا كثر منك يلحمال لكافي
10 جامات للحلقة وعيطولي نكمل
