بين الجدران

اكيد مالمسج الا انت تبدين تحبيني واني متاكد انج راح تحبيني
تمام ماكو اي اختلاف ابينا اتفقنا
اليوم اني عازمج عل مطعم واريد تقبلين هديتي اتقرب عليها وفتح علبه وبيها محبس ذهب مرصع بالزمرد
حلو كلش
مو احلى منج
اريد ابني يتعلم انكليزي و الكردي والتركي واريد كل فترة ازور قبر ياسين..... وكل صيفيه اروح لتركيا
يجرالج كلشي امري انتِ
اخذ ايدها وباسها ولبسها محبس وهلهلت نسرين خانم
بذاك المساء ارتدت ديمه فستان اسود قصير وسرحت شعرها وخلت مكياج سموكي وانتظرته يجي ياخذها عل مطعم من شافها ظل صافن عليها اتقدم نحوها ولزم ايديها وباسها اتجنيني
شكرا
يله خلي نروح ونسهر
جانت امسيه هاديه ضل دليار كل شويه يبوس ايديها
ترقصين
مااعرف
اعلمج
يله
لزم خصرها وضمها اله وقرب راسه من ركبتها وبدا انفاسه عل ركبتها بكل خطوه يتلامس جسدها مع جسده
ديمه اتنمى ازوجج اليوم قبل باجر
هههههه ليش
اخذتي عقلي
ومرتك
مرتي شبيها
شراح تسوي من تعرف
متكدر تسوي شي
وشلون راح توزع ايام ابينا
كله الج
ههههه كافي خلي نكعد
ليش خليني هيج
تعبت وانت لتروح تفقد عقلك اكثر
هههههه ديمه خل نزوج
عافته ورجعت عل ميز
زعلتي مني
لا بس لاتنسى شروطي ان لازم احبك يله اسلم نفسي
صح راح تحبيني واني متاكد
خلينا نرجع عل بيت
ليش
انس ليروح يضوج نسرين خانم
يله ولو اني ماريد اعوفج بس علمود انس نسوي كلشي

رجعت من سهره صح هيه اتونست بس ماحست بااي شي اتجاه دليار واتمنت انه تحبه مثل ماحبت ياسين
مرت ايام وهيه كل مرا تحاول ان تفتح قلبها لدليار بدون اي جدوى رغم انه كريم ويسوي كلشي علمودها بس ماكدرت تحبه
ديما وينج حبيبتي
خير ان شاء جاي فرحان اكيد كملت معامله وابني صار عنده جنسيه
لا بس ابوج عرفت مكانه بالضبط و ودزيت ان يجيبوه بعد انتنازلو اخوتج عنه
اخوتي تنازلوا عن والدي
اي وقعوا عل تنازل بعد اتكفلت برعايته... شبيج جنت اتصور ان هذا الخبر راح يفرحج
تلالات الدموع بعيونها
ديمه ليش هاي الدموع
والدي جان نعم اب الي ولاخوتي شلون انطاهم گلبهم ان يرموه بهيج مكان لا وبعد يتنازلون عنه لرجل ميعرفوه
المهم انج راح تلتقين وياه باجر
حست ان گلبها راد يوكف من سمعت هل حجي اندارت وانطته ظهرها لا مااكدر
ليش جنت اتصور راح تفرحين مو تبجين
من التقي وياه لازم ابني عنده اسم واني متزوجه حتى يفخر بيه مو اني بهل وضع
ديما شكد انت رقيقه ومرهفه احساس... ديمه شوكت تفتحيلي گلبج
اندارت عليه
يعني انت تحس اني لسه ماحبيتك
اكيد
شلون عرفت
من المسج ماكو اي تغير بملامحج ولا احس بااي تفاعل عندج نحوي... لو تحبيني جان من كلمه ذبيتي ويايه
اسفه والله
انتظر انج تحبيني وراح انتظر
باس ايديها ودعها...... ضلت مشغوله بال شلون راح تصرف وهيه متكدر تحبه...... وابوها لازم يشوفها بشوفه ترفع راسه بيها
كل يوم يمضي هيه تدخل بصراعات ويه نفسها اكثر هذا الرجل جاي يسوي لااجلها المستحيل وخله أبوها بااحسن مستشفى واحسن دكاتره يداروه وابنها مباقي شي ويصير عنده جنسيه ويسجل بااسم ابوه كل هذا وهيه ماتحركت مشاعرها نحو دليار

ديمه وينج حبيبتي
اجت عل صوته
شتنطيني واكلج شي
شنو اتقرب منها وهمس بااذنه.. تكدرين تدفعين ثمنها للهديه
شنو هيه
اول كولي تكدرين
دليار وخر عيب لتشوفنه نسرين خانم
ياالله مااصبر لمن نزوج ونكون سوا
شنو الي باايدك
فتح ايده وانطاه جنسيه ابنها وبيها صورته واسم ابوه واسمها
عاطت من الفرحه وبدت تكمز
ههههههههه يااا الحمدالله ظلت تبوس بالجنسيه ظل هو يتفرج عليها
ديمه واني هم استحق جائزه
جائزه شنو
اتقرب الها اكثر وخطف منها قبله من شفتها وضمها الصدره... ضاعت ابين ذراعيه... لحظات.. دفعته
انت وقح
ليش
احنه حته ممخطوبين
من سلمتي نفسج لياسين جنتي مخطوبه لو بس يمي دورين شرف وعفه
شجاي اتكول اني اشرفك واشرف عشيرتك
ديمه اني اريدج
وخر عني اياك تلمسني مرا لخ
طيب اني رايح بس اني مراح ايّأس منج
طلع منها وهيه بدت تمسح بشفتها.. وكرهت قربه وحست بحجم الموقف الي هيه بيه انها متكدر تتحمل قربه منها ومراح تكدر تحبه وشلون وهو ينتظر منها أشياء هوايه مع كل افضاله عليها.......
ام احمد