الشيهانة

1

مساء الامل

احب اشكر زهراء على تصميم الغلاف ممنونة منج هواي
ولكل الي تبرعو يصممون مشكورين..
هذا حساب التلي مالتها الي تنشر بي قصص ومن
ضمنهم قصصي اذا تحبون ضيفوها
@qssas
والرابط مالت القناة حنزله بالمنصة مالتي..

الجزء الاول
الشيهانة

الشيهانة..انثى الصقر وتتميز بصلابتها وقوتها وعزة النفس
ماتأكل الجيفة ولا تتروض بخشونة
تفرض نفسها بصفاتها المميزة...

*******************************

يوم الاحد محاضرة المقالة..الاستاذ جديد مو من اساتذتنا
القدماء..
بس اليوم ماعاجبه يدرسنا..
مخلي كدامه سجل ويشتغل..
وحذرنا كعدو هادئين بلا سوالف..

اسمه بهادر مواليد ثمانينيات..
من جان طالب ماستر هو رايد حنين بت عمي..
حنين اقربلي من روحي واحسها اختي..
لان ماعندي اخوات ..
ومن طفولتنا احنا قريبات لبعض..والاحلى
طلعنا نفس الكلية ونفس القسم..

الاستاذ يكتب وكلساع وكال بلا كلام..
لو يرفع راسه يخزرنا ويرجع يشتغل..
جريت السجل وكتبتلها ..اكلج ماتروحين حمام شي
خل نطلع..
اخذت القلم من ايدي وكتبت..
لا مااطلع خليني كاعدة حتى اشبع من القلب..

امداج شلون قلب ع اساس..دايسته سيارة
وطافرة عليه بزونة امشعته..
معليج انت ماعندج ذوق ومتعالية..
مو تعالي بس مايشجع واح.. قبل لا اكمل الكلمة..
سدت حنين السجل وجرته بحضنها..
رفعت راسي واشوف الاستاذ واكف فوك راسنا..

حجه وهو يباوع لحنين..انطيني السجل..
اسفة استاذ بس مابي شي ..
هو خزرني واندار للطلاب..اخذو راحتكم طلاب..
شاها وحنين ابقو لا تطلعون..

رجع للكرسي كالته والطلاب بدو يطلعون..
حنين ترجف وتباوعلي..ولج شلووون..
شبيج راجفة احنا شمسوين ؟؟
جريت السجل من ايدها وشخبطت كلامنا كله..
هاج حتى من يفتحه مايكدر يقرا شي..

بقت كاعدة ومتوترة لحد مافرغت القاعة..
احنا كمنا وهو كام وكف..
حجه ويباوعلي بخزرة..احسه كلش مايرتاحلي
ابددد..

شاها انا شنو كلت؟؟مو كلت كعدو بلا كلام؟؟
نعم استاذ واحنا ماجنا نحجي..
وشنو معناه الكتابة ع السجل؟
حنين رادت تطلع للحمام بس تخجل تحجي..
بعدني مامكملة حجايتي ..اشو هذا اندار لحنين
وسبل عيونه..

ليش ماحجيتي شبيج خو ماتعبانة؟
جاوبته برجفة..لاا لا بس عطشت..
مدام هيج انا الاعتذر لهسه عطشانة ومنتظرة
بسببي..
عازمج على عصير اذا تقبلين..

التفتت عليه وهي مبتسمة..اي ..امم اوكي..
مشت كدامي وانا مشيت هو شال اوراقه ومن طلع
كال..
اليوم انحسبتي غياب..
باوعت باستغراب والطلاب سمعو لان هو
حجاها بالباب وجانو واكفين..