جحيم القاصرات 4
ب قلم : منى المجبري
خذاه يزن مفتاحهه وطلع
رانسي ب دموع: كنه كل يوم يطلع زعما مل مني زعما كلام هنادي صاح ه يبحت برا💔
وخذاها النوم وهيا تفكر والدموع ع خدوده
بعد ساعه خش يزن لقاها راقده
يزن ب ملل: رانسي نوضي ارقدي جوا
رانسي ب تعب: خليني مش قادره نصبي
رفعها يزن وحطها ع سرير وغطاها وطلع للصاله
فتح فون وفتح ع شات
البنت: نحبك ياعمري وين طولت
يزن: قاعد غير طلعت عندي مشوار وروحت
البنت: الفرخه وين مالا راقده
يزن ب كره: منخمده🔥
________________
ناضت روز شافت ل مكان معتصم فاضى طلعت ونصدمت
روز ب غصه: تي شن الي تفرج عليه هضا
معتصم وهوا يلف ف حشيش🔥: افلام ..🔞🚫تعالى تفرجي وكان مش عاجبك انتلفي جوا
روز ب قهر:حرام الى دير فيه خاف من ربك شن ب تستفيد منه القرف هضا غير النار توب قبل ماتندم
معتصم وهوا تحت ثاثير الحشيش
معتصم ب وقاحه: تبي ترضبي دسكت الشرف توا ههههه
وناض كرها من شعرها وقعد يخبط فيها ع ساس💔
روز ب دموع وترجي: معتصم فكني بالله فكني😭 معتصم انت مش واعي خلاص نزل دم ه نموت معتصم واعر سيبني
وفجاه لسانها ثقل وارتخت بين يد معتصم
معتصم وهوا دوبا فهم الى داره🔥
معتصم ب دموع ولسان ثقيل: ر روز نوضي حييه صاح ردي عليا
طلع تلفونه ب يدين يرعشن ورن ع اول رقم
جراح: به الى رنيت يا قاطع
معتصم ب ثقل: ج جراح تعال بسرعه
جراح: تي سكران راك ب تكسد كسد ع بنات شن خطر عليك رقمي
معتصم : انا انا قتلتها
جراح سمع قتلتها عرف ان معتصم دار حاجه ف مراته وهوا مش ف وعيه وناض ولع سيارته وطلع ب اقسي سرعه ل حوش معتصم🔥
________________________
وصل عوض ورزان للمستشفى
عوض تقزز لانه مستشفى فى حى نائي
عوض : أنزلى شوفيه وبعد ماتكملى رني عليا ندزلك السواق
رزان ب قهر: به
ونزلت سالت وين مكانه وخشت للغرفه اول ماخشت قابلتها امها تبكي
رزان بدون مبلاه: عليش دايره ه العزاء مصيرنا كلنا ب نموتو
صباح ب دموع: هذي انتِ ماتغيرش بكل قلبك قاسي خشي باتك يبيك ننزل نجيب اميه ونجي
رزان ب غموض: تعلمتها منه القسوه
وخشت 🔥
محمود ب تعب: سامحيني يا بنتي
رزان ب قسوه: ع شن نسامحك ولا ع شنو
محمود: ع كل حاجه ع العذاب ع اني ركبتك مرض نفسي
رزان ب حده: تبيني نسامحك كيف نسامحك ونا طفله عمري 6 اسنين شفت خالتي ف حضنك وبعد عرفت اني شفتكم وانك واحد نذل وتخون ف ماما معاها شن درت مسكتني وكويتني وضربتني تذكر شن قتلى يومها
محمود/دموع ينزلن وساكت
رزان: قتلى لو تقولى ل امك حرف ناخذك ونعزقك للكلاب ف الشارع ف عمر صغير شفت منظر مش كويس ومن من من باتي الى مفروض يكون قدوتى عارف ف المدرسه البنات يحكن ع ابهاتهن وكيف يعاملو فيهن كنت نحس ب نقص انت ولدت فيا شعور النقص والكرهه انا بعد كبرت سكتت وماقلتش ل ماما لانها تحبك وه تكون صدمتها فيك كبيره وكنت عارفه ه يجيك يوم وتقعد زي الكلب حس اشويا ب الى حسيته وجيت للمستشفى مش حبآ فيك لا بيش نشوفك وانت متحطم ومذلول
محمود ب دموع: سامحيني يا بنتي سامحيني
رزان ب كرهه؛ للاسف منقدرش
YOU ARE READING
جحيم القاصرات ( روايات ليبية )
Romanceتدور حول ضاهرة زواج القاصرات في المجتمع الليبي و حول قصة فتاة عانت من هذه الظاهرة ( حقيقية )
