جحيم القاصرات 7 الاخيرة
_________________
كانت رانسي مقعمزه وتفكر ف حياتها وكيف ب تعامل مع طفلها قطع تفكيرها
حليمه ب دموع: رانسي رانسي
رانسي ب خضه: كنك شن في
حليمه : خويا خويا انصاب مديلي عباتي بسرعه
رانسي ب خوف: وشن وضعه باه
حليمه ب دموع: قالو كويس لكن قلبي مش مطمن
خذت عبيتها وطلعت معاها رانسي لعند الباب وهيا اطمن فيها💔
حمدي: انوصلها ونقعد معاهم شويا ومروح ماتوصي ع شى
رانسي: لا لا غير شيلها بسرعه مسكينه قلبها نار ع وخييها
حمدي ب حزن: ربي يصبرها، وطلع
خشت رانسي وعلقت الTvوقعمزت تفرج وتكتب ف واجباتها لانها ردت للدراسه❤
__________________
منى المجبري
________________
خشت للمطبخ تبي دير فطور وب بالصدفه لقت الشريط
رزان ب حيره وخوف : هضا شنو هضا شن جيبه هنا تي ماما كانت تاخذ فيه بيش معش تحمل كيف طب ف الشقه زعما يشبهله
ع خشت جراح
اول ماحست بيه خش دساته ف جيب السروال 🔥
جا جراح وحضنها من لاوره
جراح وفمهه ع وذنها: صباح الورد يا اجمل ورده ف الكون
رزان ب ارتباك: صباح النور
وفكت روحها منه 🔥
جراح ب استغراب: وين ماشيه
رزان ب ارتباك: شى بس كبدي زاعمه حاسه روحي مريضه
جراح: شن تحسي
رزان: منعرفش اسمع نبيك تشيلني للمستشفي
جراح : عليش شن تبي ب ضبط
رزان ب نرفزه: تي كيف شن نبي نقولك مريضه لازم نعاين خير مانمرض زياده
جراح ب ارتباك: بالك برد عادي فتره بسيطه ويحول
رزان ب اصرار: لا عارفتها المرضه هذ لازم من مستشفي وتغديه
جراح ب نفاذ صبر : تمام امشى البسي
وطلع يسخن ف السياره ، خشت رزان لبست وخذت معاها شريط الحبوب وطلعت وهيا عيونها ناررر🔥
____________________
معتصم: حبي طالع ماتبي شي
روز: لا سلامتك وين ماشي
معتصم: ب نشوف جراح والبنت
روز ب حزن: نكسبو فيها اجر والله سوق ب شويا
معتصم: حاضر يا مجنونتي
وطلع ركب السياره وطلب رقم جراح
/////
كان جراح يسوق وجنبه رزان والجو هدوء ومتعكر قطع الصمت صوت فون جراح
جراح: الو
معتصم: هلا وين مغيب
جراح: والله انت الى قطعت مش نا
معتصم: به به حقك عليا وين قاعد
جراح: ماشي مستشفي ال..
معتصم: خير انشاءالله شن في
جراح:عندي الوليه تاعبه شوي
معتصم: به جايك غادي نا مرايف عليك
جراح ب استغراب: به تمام
سكر الخط ودرس السياره قدام المستشفي
جراح: أنزلى ب يجيني معتصم يهدرز معاي شويا
رزان: تمام
YOU ARE READING
جحيم القاصرات ( روايات ليبية )
רומנטיקהتدور حول ضاهرة زواج القاصرات في المجتمع الليبي و حول قصة فتاة عانت من هذه الظاهرة ( حقيقية )
