#بنات_إبليس 7 حقيقيه بدون اضافت خيال
محمد:فتح عيونه مخلوع علي صوت عياط زهره ...او ما تاض شاف زهره حاضنه جنى وتبكي وترعش كلها
محمد:خيرك شن فيه 😨
زهره:مستحيل مزال نقعد في الحوش دقيقه محمد 😭الحوش مسكون وربي مش مستغنيه عليها حنى انا
محمد:وقف يحاول يفتح عيونه كويس ...شن صار ؟
زهره:سيباته وخشت لي غرفة النوم بسرعه
محمد:لحقها ....زهره زهررره شن صاير
زهره:حطت جنى ع السرير وطلعت حوايجها ....يلي شفته مستحيل يتصدق
محمد:تتفس بعمق وهوا مش فاهم شي
زهره:طلعت شنطه وتحط في حوايجها وحوايج جنى....خلاص لهنايا وبس محمد رجعني حوش اهلي لو تبي سلامت بنتك بس ع الاقل خليها بعيد ع الحوش هاذا
محمد:سيبها وخش الحمام يغسل في وجها. ..ممكن يكون كلام زهره صح !
شيماء حتى وهيا متوفيه مش مريحاته وهوا ما صدق ارتاح ولقي الانسانه يلي تخاف عليه ومهتمه بيه هلباا
________________
ساره:مقعمزه بروحها في الجنان تحكي مع اعز صاحبه ليها في التالفون !
نوره:وشن الحل توا؟لازم ميعطلش ساره تخيلي بطنك تكبر فضيحححه
ساره:تفاهمو بداية الشهر الجاي ولان مقدرين وضعي علي اساس وحزني علي حازم وافقو منديرش عرس مطنظن ولا شي
نوره:وبعد الزواج؟كيف رح تتأقلمي معاه الحقير هاذا
ساره:بنختار نفس الطريق يلي خذتها مرت خالي شيماء
نوره:كيف؟
ساره:بنجرب نفس طريقة انتحارها خذت السم ورقدت بدون الم وبدون شي تاني يوم متوفيه
نوره:لا ساره متحكيش هكي وراس امك اكيد في خل به خليك معاه ختى شهور بعدين خليه يطلقك ع الاقل !!
ساره:معش ينفع شي 💔انا روحي وحياتي وكل شي خذاه ربي لي شنو تبيني مزال نعيش ونطلق؟
نوره:مفهمتش شنو يلي صار عشان يقلب موازين حياتك هكي
ساره:ولا انا 💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
محمد :درس السياره وهوا ساكت وعيونه القدام
زهره:مسكت يده ....اسفه بجد اسفه بس تحملت هلبا وامتر من هكي معش قادره
محمد:شبحلها...حسب رايك شنو الشي يلي لازم نديره؟
زهره:شوف اي حوش تاني محمد لو تبينا نبدو من جديد بدون الرعب يلي عايشين فيه كل يوم
محمد:هز براسه بمعنى تمام ومسك يدها بقووه ❤️...متخلينيش بس!
زهره:بادلاته نفس النضرات ...اكيد بس دير يلي قتلك عليك عشان نكونو مع بعض
محمد:تمام عطيني وقت بس
زهره:هزت راسها ومحمد باس بنته علي خذها قبل ماتنزل
________________
منال:بعته كله الذهب جابلي 20الف
منتصر:اهاا به تمام بكرا نخطم عليك ناخذهم
منال:وانا ؟متفقين نطلق وبعدين نسافرو ولا لا ؟
منتصر:بملل ...به عارف قبل بناخذهم نشري تذاكر ونضم اموري باش يبدا سهل علينا السفر فهمتي؟
منال:ابتسمت بي فرح زي المراهقين...خلاص تمام نعطيهولك لاكن بعد الطلااق نصوري
منتصر:تمام به 😒هي سلام توا عندي ما ندير
منال:تمام حبيبي
منتصر:سكر الخط ولوح الفون جنبه
عبدو.تي منو هاذي وطلاق شنو
منتصر:وحده كبرها زي امي عندها ذهب بعاته ندبر كيف ناخد منها الفلوس
عبدو:ههههه وبصفتك شنو بتعطيك الفلوس
منتصز:حبيبها علي اساس الزفت البنات هادم في سن زي هاذي تلقى راجلها ميسمعش فيها في كلمه حلوه اقسم بالله مجرد كلام بس يطلع منك ليها تصدق روحها وتعيش في عالم تاني وتبدا مستعده حتى تصرف عليك
عبدو:قويه هيا ..شنو لاكن بتطلق؟
منتصر:خلي نصكهم منها 20الف كاملات وبنمشي تونس مع الاولاد نضربها شهور هياجه غادي وبنروح
عبدو:غير رد بالك تسمع بيك خطيبتك اديرلك العار
منتصر:لالا الامور طيبه 😂❤️
YOU ARE READING
بنات إبليس
General Fiction#بنات_إبليس 🔥🔥 روايه تحكي علي جريمه مش مفهوم منو يلي ارتكبها!وليش ارتكبها؟ مع العلم ان بطلة الروايه مش نفسها يلي تم قتلها! روايه تحكي علي اكتر من قصه +رح تطلع هلبااا اسرار مكناش نعرفوها علي الضحيه !! روايه تشرح علي خبث البنات وحقدهم لا وين يوصل...
