واني ادموعي تجري. من الخوف واخاف امي يظل بالها عليه
صبح الصبح الريوك كيمر وعسل وخبز حاااار وعبالك احنا ملكات اني خلصت ريوك ودخلت. أسبح واحضر حالي
واسمع بسيمه تحجي ويه بتها. اتكلها اذا انتي مره صيدي حافظ شوفي كل هذه العز مالته
اني بعد كم سنه اوكع خلي نتوجه ع هذه العز
- ويظحكن
- فكرت كلت هذني يردن ياخذن الجمل بما حمل بس بسيطه
- جهزت حالي وطلعت متحلفه ع الحفله
- كان بصاله حافظ وحمايته بس هالمره منتظرين
- ناس منو مااعرف
- حجّي نسيمه لبتها فتح عيوني ووعاني ع أمور كنت مااعرفها اني هسه جبيره
- نزلت وامشي بغرور وكل العيون عليه اتريد تاكلني
- كعدت وخليت رجل ع رجل اشوف حافظ يباوع عليه نظرات غير. سلم واجي ع قنفتي الي كاعده عليها
- كال منين طلع الكمر اني استحيت. ودنكت
- الله الله ع هالخجل أميره والله
- حسيت روحي صدك أميره بس حافظ عوعو اني مااحبه ولا اطيقه بس بعناد بسيمه اريد اغيضها
اني كمت اتموع اتموع وهذول الحمايه كولهم يباوع
شويه ونزلت بيارق وبسيمه
هي شافتني صارت عيونها بالطول
اتقربت عليه وكعدت بصفي
شنزلح قبلنه غير تنتظرين
كتله عادي سبقتكم شنو الي صار
لا ماكو شي بس كالتها بزعل وعدم رضا
بيارق كعدت ع الجهه الثانيه وهم تتموع واسوي اغراات. للحافظ
طبعا حافظ كان عمره تقريبا ٥٠ الى ٥٥ سنه قصير واكرع من كدام وعنده كم شعره من وره
وكان مو حلو بس هو رجوليته طاغيه عليه وهو مدير الحيمايات لواحد من الوزراء يعني فلوس وأملاك. وسلطه. كانت نسيمه هي وبنتها عندهن خطه يكوشن ع حافظ وكل شي
حاولت تبعدني بكل طريقه
المهم وكعت بيارق حافظ بشباكها اشوفه مهتم بس بيه
كان الظهر اني من الضوجه كاعده بالغرفه
اجتني كالت كومي جهزي حالج عدنه حفل كلش جبيره وبيه ناس مهمين. حتى من تخلص نرجع للبيت
كتله مابيه حيل تعبانه
شنو تعبانه شنو حارثه زارعه كومي يالله مو تتعقلين
مو امج اتريد فلوس من جابت طاري امي كمت بعد شسوي
دخلت الحمام وسبحت وشسورت صارت تقريبا المغرب. نزلت. اشوف الوضع شفت كل شي جاهز واكو طبلات وكراسي ومكان خاص مثل المسرح شي جديد نزلت نسيمه ماكو نمارق
اني كاعده انتظر نسيمه تحجي او تغني
اشوف اجوي رياجيل كلهم رتب وهيبهز القنفه الي محضريها ماكو احد كاعد عليها
اشويه واشوف الكل كأم واخذو استعداد وناس اتروح منا وناس تدخل اشويه ويدخلون رياجيل
بيهم واحد منتصف عمره يعني ٣٥ وياها حمايته طبعا
الكل كامت من دخل اختبصت الدنيا
بعد نص ساعه كعد وظل يسولف ويه حافظ
واحنا اتهينه بس نمارق ماكو
كتله لعد نمارق وين كالت بعد ماتركص خطبها حافظ
اني اتفاجت لان رسمن ونجحت خطتهن
أنت تقرأ
رواية العار
General Fiction الضروف تجبر الانسان على مصير اظلم وبشع ومرات نضحي للناس الي نحبهم لكن لناس ماتسوه التضحيه .
