فوتو للحقه او دوسو على علامة النجمه
خادمتى ولكن ! 36
تفاعل يا بنات ورايكم على الحلقه
سبحان الله وبحمده وسبحان الله العظيم
لا حول ولا قوة إلا بالله العلى العظيم
اللهم صلى وسلم وبارك على سيدنا محمد وعلى آله وصحبه أجمعين
💗💗💗💗💙💙💙💙💙💚💚💚💚💚
سامى ضرب فرامل وبيبص لطارق بأستفهام : ايه فى ايه
طارق بيضحك : اصل كان فى واحده معديه فا خوفت تخبطها والبس انا وبيحول ويبقو توووو وخبطتين فى الراس بتوجع
سامى ضربه على راسه : العمليات الخاصه أثرت على دماغك يالا
طارق بيهز راسه : ايووووا يابنى انا مطحون جوا البيت وبرا البيت وخايف ارجع لابويا ببلوه تانيه
سامى : 😂😂😂 شكلك متظبط
طارق : تقدر تقول كدا وبيرفع ايده وبيمط شفافيه لقدام او اكتر من كدا بشويه وبيشاور على الطريق اتكل يلا
**************
ريم سافرت هى وبنتها منه .. ودموع منيره مش بتوقف .. كان نفسها تفضل جمبها وترجع تستقر وسط اهلها وحبايبها ... وكمان فتحى الا جسمه بيضعف جدا .. وطول الوقت عايز بناته جمبه .. بس رافض تماما يعيش مع روان .. مش عايز يسيب بيته الا دايما كان بيجمعهم مع بعض .. وريحة ابوه وصورته الا موجوده فى كل حته فى البيت بعد جابه وعاااش معاه كان مرتبط بيه جدا
وبعد مرور ثلاث اسابيع
*************
ميرنا مودها دايما وحش جدا وانعزلت اكتر بعد ما احمد كتب كتابه .. وخلاص ها يتجوز مستسلمه تماما .. مش بتدافع عن حبها بأى وسيله .. شايفه انها ها تنزل من كرامتها لو كلمته تااانى كفايه عليها كدا .. وسمعت كلام كريم وبعدت بس مازالت مجروحه وبتموت كل ما تحس ان فى واحده تانيه ممكن تبقى مع أحمد جمبه طول الوقت وبتشاركه كل حياته ..
نادره : ها يا دكتوره كل الكشوفات الا برا خلصت مفيش كشوفات تانى
ميرنا : طيب لو عايزا تمشى انتى روحى يا نادره .. وانا ها اقفل العياده
نادره : ليه يا دكتور .. ما نمشى سوا بدال ما تفضلى لوحدك
ميرنا : لا روحى انتى انا عايزا افضل شويه كمان ..
نادره : طيب عايزا منى اى حاجه قبل ما أمشى
ميرنا : لا شكرا يا نادره .. خدى دول
نادره : بفرحه ياخد عدوينك يا دكتوره ويريح قلبك وخدت الفلوس ومشيت ..
ميرنا : دموعها نزلت .. وحطت ايديها على قلبها .. اه يا نادره محتاجه قوى لدعوتك .. يارب ريح قلبى الا تعبنى
سامر : داخل العياده لاقئها فاضيه ... راح عند اوضة الكشف .. ودخل لان الباب مفتوح .. لقى مرنا بتعيط .. احممم
ميرنا : بتتعدل وبتمسح دموعها .. وبرقه اتفضل ..
سامر : ابتسم .. ودخل قعد قدامها .. انا اسف دخلت على طول الباب كان مفتوح
ميرنا : لا عادى اصل نادره لسا ماشيه وانا الا قولت لها سيبى الباب ..
سامر : دى الممرضه الكئيبه الا بتبقى قاعده برا وبضحك اكيد هى الا مزعلاكى كدا يا دكتوره
ميرنا : ههههههه هى غلبانه قووى .. بس ملامحها بتقول غير كدا .. انت جيت قبل كدا
سامر : مش فاكرانى .. انا الا دفعت نص الكشف .. بقالى كتير والمفروض كنت اجيلك بعد اسبوع اعادة كشف وادفع الباقى
ميرنا : بأبتسامه بسيطه ..وبتتكلم بصدق ... مش مهم الفلوس المهم انا طلعت دكتوره شاطره والا اى كلام
سامر : يتقطع لسان الا يقول عليكى اى كلام .. انتى احلى واجمل وارق دكتوره انا شوفتها فى حياتى
ميرنا : وشها اتقلب .. احممم .. وبانت جامده بعض الشئ .. فى حاجه اقدر اساعدك فيها
سامر : ما تفهمنيش غلط يا دكتوره .. مش قصدى ادايقك .. انا بقول رأى فيكى بصراحه . وانا الحمد لله بقيت تمام .. وطلع فلوووس . اتفضلى دا باقى الكشف
مرنا : خلى فلوسك معاك .. انا لو عايزا باقية الكشف كنت قولتك ساعتها .. وبتتكلم بكل ادب .. انا لقيت ان كشفى غالى جدا .. وقللته بنفس تمن كشفك .. يعنى انا مليش فلوس عندك
سامر : بإعجاب شديد لها .. طيب مش ها تاخدى تمن الاعاده .. هى متاخره بس غصب عنى
مرنا : انت كشفت والاعاده دى باقى كشفك لو خدت منك فلوس تانى مايبقاش اعاده
سامر : تنح .. ما بتاخديش فلوس فى الاعاده كمان كل الدكاتره بياخدو تمن الاعاده
ميرنا : مليش دعوه بغيرى رغم انى شايفه ان دا غلط كفايه الكشف غالى والعلاج اغلى . كمان ها أخد اعاده ... ليك اعاده واحده .. ودى تبقى عليا لانى بطمن ان كشفى جتب نتيجه والا لاء التانيه بقى عليك وتدفع كشف ودا الا كان بيتم زمان لما كانت الناس رحيمه ببعض .. وقامت .. وبتكشف عليه تانى .. وهو تايه معاها .. شغلت تفكيره وعقله ... تمام الحمد لله فى تحسن كبير جدا .. وخدت الروشته منه وغيرت نوع القطره .. وادته الروشته تااانى
سامر : بأبتسامه .. شكرا يا دكتوره يسلم الا رباكى مش كتير عنده احساس زيك رغم انك فى منطه راقيه ومن حقك تاخدى اد تمن كشفك دا مرتين .. كان الافضل تنفذى الكلام دا فى مكان شعبى
ميرنا : متشكره .. فكرت نفس تفكيرك وها اعمل فعلا عياده فى منطقه شعبيه وكمان مش شرط كل الا يجى ليا هنا يبقى مرتاح مديا فى ناس بتشتغل وعاملين وغيره وممكن ظروفه تخليه يكشف فى المنطقه هنا فا يبقى فى اعتدال على الاقل لا ابقى كدا ولا كدا .. وبعد وقت قاعده بصاله مستنيه يمشى .. مش بيقوم من مكانه اصلا .. بتهز راسها ..ايه
سامر : مبتسم وقاعد .. ايه
ميرنا : اتفضل انا خلصت ومعاك الروشته
سامر : ضحك جااامد .. انا اسف .. وقام بإحراج .. طيب اساعدك فى حاجه بما انك لوحدك
ميرنا : لا شكرا اتفضل وقلبت معاملتها لميرى ..
سامر : طلع برا .. بس فضل واقف بعيد منتظرها تطلع
ميرنا : ههههه مش كفايه نادره .. والا انا رزقى دايما غريب مع الناس كلها .. حتى مع الا حبيته
************
كريم بنفاذ صبر : يالهووووى .. كفايه خناق .. جننتونى
روكا : بتزق كريم .. ورافعه صباع فى وش مازن .. عارف لو اتكررت انا ها اسيب ليك البيت وها أمشى . انت ايه ما بتتهدش ما بتتعبش
مازن : انا يا شبر الا ربع الا ما بتهدش .. قاعدلى على الوحده وجايه تحاسبينى .. ليه حد قالك ان انتى الراجل
روكا : ياريتنى الراجل وكنت صبحتك بعلقه ومسيتك بعلقه
مازن : لا دا انتى زوتيها قوووى .. تصدقى ماحد عايز علقه غيرك عشان تفوقى وتعالى بقى .. ولسا بيهجم عليها .. كريم شاله على كتفه ..
كريم : اهدى يا وحش ..
مازن : سبنى عليها .. انا لازم اخلص الدنيا من شرها
روكا : بتشاور على نفسها انا يا مازن .. دى اخرتها .. عايز تخلص منى وتقتلنى يا خسارة حبى ليك .. يا خسارتك ياقلبى والف خساره
مازن : وهو على كتف كريم .. لا يا روكا مش انا الا ها اقتلك .. ولسا ما كملش
روكا : اعاااااا .. كمان ها تأجر بلطجيه تقتلنى .. اعاااا
كريم : يالهوووتى .. ارحمونى .. انتو بتفتكسو انتو الاتنين .. وبيبص لروكا .. هو الراجل فتح بوئه والا جاب سيرة القتل دلوقتى ..
مازن : بيزق كريم فى دماغه .. قولها
كريم : بعصبيه .. وربنا بقول اهووو
روكا : انزلى تحت عشان اوريك
مازن : بيغظها مش نازل خليكى بنارك .. انا ها ابات هنا
كريم : ها تبات فين يا وحش .. حد قالك انى اوضة النوم
روكا : طيب تعالى بقى وبتهجم على مازن وكريم ..
مازن : اجرى يالا .. اجرى .. مش عايز اتهور عليها .. وكريم نزل بسرعه بمازن تحت ..
مروان : انا مش عارف انتو امتى ها تعقلو .. ولادكم بقت طولكم انتو الاتنين وعيب كل شويه الفيلا كلها تعرف مشاكلكم .. ليكم باب يتقفل عليكم
مازن : لا مش كل الفيلا .. الحرس برا ما يعرفش عنى حاجه ..
كريم : ههههههههه لا كدا بقى يا باشا ما تعرفش ان الشارع كله بقى عارف مواعيد خناقتكم
روان : فى ايه يا روكا .. مش مازن حبيبك
روكا : بعياط .. لا خلاص ما بقتش احبه ولازم يطلقنى .. وبتبصله .. انا سايبهلاك عشان تاخد راحتك ... وسابيتهم وطلعت على فوووق .
مازن : بيزق كريم ووقعه على الارض .. انا الا سايبهلكم وقوللها لازم تطلقنى .. وطلع ورا روكا ..
مروان : بيبص لكريم الا متكوم على الارض وبيضحك .. وروان الا واقفه تضحك .. وبيضرب ايد على ايد .. امتى ابوك وامك دول يعقلووو
كريم : ثانيه واحده وها تسمع صوت ضحكهم فوووق .. يا روكا تنزل بشنطة هدومه . انا ها اموت واعرف متخانقين ليه .. وماسكين فى بعض من ساعة من رجعو من برا
روان : المصيبه ان ابوك فاهم الطلاق غلط .. عرفه يابنى ان العصمه فى ايده هو مش ايديهم الاتنين
مازن : نازل ومعاه شنطة سفر كبيره جدا وشايلاها بالعافيه .. ومبوذ وحالته حاله ..
مروان : بيحط ايده على وشه بنفاذ صبر ..
كريم : انت واخد الشنطه دى كلها ورايح فين .. انت شيلاها كدا ليها هى فيها دبش
روان : هى روكا فين يا مازن .
مازن : مرزيه فوووق .. وانا سايب لكم البيت وماشى عشان ترتاحو ..
مروان : هو حد كلمك انت بتستعبط
مازن : خلاص بقى سبونى فى حالى انا لما احس انى رايق ها ارجع ..
كريم : بيشد الشنطه من ايد مازن .. هات ام الشنطه دى .. والشنطه اتفتحت .. وروكا جواها ..
روكا : اعاااااااااا .. بتخطفنى يا مازن .. بتكومنى وتحطنى فى شنطة الهدوم بالعافيه
روان ومران اتخضووو .. وتنحو ..
كريم : هههههههههههههه .. وسكت .. امى واخد امى فى الشنطه .. طب خد هدومها وردهالها
مازن : بيضحك .. منا قولت اخدها هى لسا ها اشيل هدوم وارجع ارصها .. فا خدتها .. اصلى ما استغناش عنها .. وبصوته كله الغبيه
روكا : قربت عليه بجد يا مزاميزو .. بحبك يا ميزو
مازن : قلب وعقل مزاميز .. وروحه الا عايش بيها انتى يا روكا ..
مروان : مسك روان .. طيب ياله احنا بقى .. وزق مازن وقعه قبل ما يطلع .. وبعلو صوته . ارحمنا يا ابو كرش انت ومراتك .. ههههههه
كريم : بيقوم ابوه وسايح على نفسه من الضحك .. ارجوك قولى كنتو بتتخانقو ليه
مازن : عشان واحنا راجعين لقيت واحده محتاجه مساعده شنطتها وقعت منها اسيبها .. ليه وليه انى نزلت وساعدتها
روكا : هى لو وحشه كنت نزلت ساعدتها
مازن : واساعدها ليه ناقصه ايد والا رجل
روكا : شفت عمايل ابوووك
كريم : بيبص فى الموبيل بتاعه . ياااه انا نسيت المعاد الا ورايااا .. وطلع على فوووق وسايبهم
مازن : قام وحط ايده على روكا .. شوفتى ملكيش غيرى انا .. ما تيجى نتجنن واخطفك بجد
كريم : بصوت عالى من فوق سمعتك .. والله لو حد خاطفكم انتو الاتنين .. يبقى راجل جدع
روكا : بصوت عالى .. اخرس . ابوك بس الا يخطفنى يا انا الا اخطفه
**********
هدى : يعنى ايه يا طارق
طارق : ياماما قلبت عليها الدنيا مفيش حد يعرف عنها حاجه اعمل ايه تانى .. شقتها رجعت وعفشها رجع والايجار اتدفع والراجل اتلم .. ارضيكى ازاى .
هدى : عارف لو البنت دى جرالها حاجه ذنبها فى رقبتك
طارق : ما تقلقيش مش ها يجرالها حاجه ان شاء الله .. كل الا يشوفها ها يفتكرها اد امه
هدى : بعصبيه .. البنت صغيره وجميله مايغركش الا هى لابساه
طارق : يوووواه .. انا مالى .. صغيره كبيره انا مالى هو انا ها اتجوزها وقرب على هدى .. ابوس راسك كفايه .. وطلع على اوضته فووق .. بيحط ايده فى جيبه طلع الورقه الا كانت حور كاتبها .. قعد على الكرسى بإهمال ورفع رجله على الترابيزه .. وفتح الورقه وبيقراها تانى ..
انا عارفه انك واخد منى موقف ومدايق من وجودى .. سمعتك وانت بتتكلم فى التليفون بدون قصد.. وساعتها بس حسيت اد ايه انا مليش اى حد فى الدنيا . كلامك فوقنى وقالى كفايه سلبيه فى حياتك وواجهى الواقع الا انتى عايشه فيه لان محدش ها يحس بيكى غير نفسك .. ولا يمسح دموعك غير ايدك صحيح ضهرى وساندى الا فى الدنيا سابونى وراحو بس ليا ربنا احسن من اى حد ... طارق انا اسفه انى حطيتك فى وضع زى دا والله انا مش وحشه ظروفى الا حكمت عليا بكدا واسفه انى اقتحمت حياتك بدون وجه حق ... وبدعيلك ربنا ما يحرمك من احلى اتنين شفتهم فى حياتى هدى وشريف ربنا يبارك فى عمرهم .. بمجرد ما بحيب سيرتهم بحس انى مبسوطه وببتسم لوحدى .. وبصراحه صعبو عليا لانى الا انا عملته فيهم ماكنش شويه .. قولهم انى حبيتهم وها أفضل احبهم .. حور
طارق : فضل ماسك الورقه وبياخد نفس وبيطلعه .. وبيكلم نفسه .. وبعدين يا طارق .. ايه الاجازه الغريبه دى . والا الست حور الا اغرب من كل حاجه فى حياتى وبتلاحقنى حتى وهى مش موجوده .. وقام غير هدومه .. وحط راسه على المخده ونام ..
************
احمد : واقف فى المول .. وبيبص لريم بصة إعجاب .. ايه يا ست الحسن .. قدامك كتير .
ريم : نصايه بس يا احمد .. ها اجيب حاجه من هنا واجيلك بس اوعى تتحرك خليك مكانك ..
احمد : بهزار .. نصايه يا احمد خدتى عليا قوى انتى .. وبيغمز لها .. مش عايزنى معاكى ليه احنا فينا من الغدر دا انا ذوقى حلووو
ريم : بخجل .. احممم .. اصل عايزا اعتمد على نفسى
احمد : ضحك بصوت عالى .. بتتعلمى المشى والا ايه .. وبيشاور بايده . اعتمدى ياله متتاخريش عشان ها تلاقينى عندك
ريم : بتسرع .. لا اوعى تتحرك .. بص انزل تحت اشرب فنجان قهوه على ما أخلص اوكى ..
احمد : مبتسم .. توء انا ها اشرب عصير وبيضحك على وشها الا بقى شبه الوان الطيف .. ونزل ..
ريم : دخلت محل لانجرى .. وشاورت للبنت على قميص فى العرض .. وقالت لها عايزا زيه لون اسود .. والبنت جابت لها الا هى عايزاه .
البنت : دى اخر قطعه هى والا فى العرض .. ومفيش زيه فى اى مكان
ريم : بفرحه .. كويس انى صممت انى اجى اخده .. اصله عجبنى قوى
البنت : عليكى ها يبقى تحفه انتى ماشاء الله عليكى جسمك متناسق
ريم : شكرا .. ممكن تشوفيلى الحساب بسرعه وحاسبت ونزلت تحت لأحمد ..
احمد : ورينى بقى جبتى ايه
ريم : كانت بتشرب ميه . شرقت جااامد .. ونطرت الميه كلها على احمد وفى وشه
أحمد : قام وبينفض نفسه .. كل دا جبتيه .. والله كنت فاكر حاجه تانيه هههههه
ريم : اسفه يا أحمد وماسكه منديل بتمسح هدومه
احمد : مسك ايديها .. ولا يهمك يا حبيبتى .. مالك اتخضيتى ليه دا شوية ميه ..
ريم : بتشد ايديها .. طيب سيب ايدى .
احمد : لا مش ها ينفع .. انتى هبله
ريم : ليه
احمد : الا بيجى لحد عندى .. من حقى .. وشبك صوابعه فى صوابعها . انتى دلوقتى مراتى مش كتبنا الكتاب من يومين
ريم : بكسوف احممم .. اصلى
أحمد : ولا اصلى ولا فصلى .. وبيقرب منها . تحبى تشربى ايه
ريم : انت جرئ قوى وبتكسفنى .
احمد : يعنى بذمتك يبقى قدامى الا خطفت قلبى من اول برشامة صداع .. ومش عايزانى جرئ
ريم : ههههه .. يعنى انت خدت البرشام .. ما انت ضحكت عليا ورجعت العلبه ..
أحمد : هههههه انتى متأثره كدا ليه .. دا انتى حالتك حاله
ريم : طيب قولى الصراحه ليه عملت كدا
أحمد : الصراحه .. انا لمحتك وقولت ادخل اكلمك واجر معاكى .. اول ما دخلت ووقفت قدامك كله طار .. مش عارف ايه الا حصل ودا مش طبعى اصلا .. لقيتك بتكلمينى .. جت فى الصداع
ريم : اه وقولت شكلها هبله فا أشتغلها ..
أحمد : توء عجبتينى أكتر ودخلتى دماغى أكتر وأكتر .. فا عملت حجه كدا عشان اشوفك واعرف رد فعلك .. وبيضحك يا أم قلب كبير .. طيبه كدا وقلبك روهيف زى رورو
ريم : يعنى انت عايزا ترتبط بيا عشان زى مامتك
أحمد : عايز ارتبط بيكى .. عشان عجبتينى وخطفتى قلبى فى لحظه .. ولما دخلتلك على انى راجل غلبان حسيت ساعتها انك تشبهى امى فى طباعها بتعمل الخير من غير ما تترد هى والباشا بتاعنا .. فهمتينى
ريم : مبتسمه .. ايوا دى حاجه تسعدنى انك شايفنى كدا
أحمد : بس بلاش الخير بزياده .. عشان شكلك كدا على نياتك .. فى متسول يقولك انتى قطمه وانا قطمه لا وانتى بتكلى يا أم قلب كبير على طول كدا حكمتك يارب
ريم : ههههه وماسكه بطنها .. هههههه .. وبتبص لاحمد الا سرح فى ضحكتها .. ايه خلاص بقى بطل تحرجنى
أحمد : ادام فيها احراج .. يبقى لازم نقوووم لانى انا مش عارفنى دلوقت .. محتاجه تجيب حاجه تانى قبل ما نمشى
ريم : لا كله تمام يا فندم
احمد : بيشاور بايده على برا قدامى بالخطوه السريعه
💗💗💙💙💚💚
بقلم : لبنى طارق
💗💙💚💗💙
أنت تقرأ
خادمتى ولكن !
Humorيمكن أن تعيش حياه ..... مغلفه بالحرمان احيانا ....والبخل احيانا ..... وقسوة الظروف .... التى تظهر طباع من حوالك ..... كنت فقيرا محروما من المال .. ولكنى لا أحرم من الحب والعطف يوما .... عشت غنيااا يظن البعض ان لا ينقصنى شئ ولكن تنقصنى الحياه واحضان...
