الاب لا فرحان على فرحتج شفتي شون اجواء وبعد هسه تشوفين وتتعودين الجامعه اعتبرها العالم لي يجمع انواع البشر وشاطر لي يطلع منه وناس تحبه
سجى تقريبا شهرين على دوامي جنت كاعده اني وهند قريب القسم مانحب ندخل كافتيريا حتى ماندخل لها نوصي ويه البنات على عصير اكل منروح احنه دنسولف وسمعت سلام عليكم درت وجهي نصدمت هذا وميض
هند عليكم السلام ورحمة
وميض شونج سجى
سجى مرديت عليه
وميض احجي وياج
سجى انت شجابك هنا
وميض هسه ردي سلام
سجى كمت يله هند وكت المحاضره كامت هند ومشيت
وميض تعاي احجي وياج اوكفي لزمتها من ايدها حتى توكف
سجى ماعندي اي حجي وياك وايدي اتركها
وميض يعني صار اشهر اريد احجي وياج وانتي ولاعبالك عاد الخاطر العشره
سجى انت هانت عليك العشره
وميض خلي نكعد نتفاهم
سجى ماكو شي بينه
وميض هاي اخر فرصه بعد متشوفيني اذا طلعت منا ردت اهددها
سجى والله تسوي فضل عليه مااريد اشوف وجهك
وميض مو من كل كلبج ادري بيج
سجى انت صفحه وطويتها
وميض ليش هيج صايره حاقده
سجى عفته ومشيت كتله انت لي علمتني هذا شي ليش راجع اني وحده دافنه نفسها بالمطبخ ماافيدك عفته واكف يباوع وصافن عليه مغرور عباله مااكدر اعيش بدونه
بيومها رجعت لبيت عندي الم بمعدتي رغم كل شي مااكلت يومين مااكدر احط لكمه اكثر شي سوائل شويه خف الم بس ضل مستمر صارت عندي كائبه من وراء عبالي لن شفت وميض شهر نفس الحاله نتبه ابويه عليه واني بعد مكدرت اتحمل الم وكائبه موطبيعيه
رحت دكتور فحوصات وتحاليل طلع عندي جرثومه بالمعده من اكله ماكلتها اخذت العلاج شويه صرت زينه بس قل اكلي وسويت اكلي دايت دكتور كتبلي جدول امشي عليه
سبحان الله اكلي قل نفسي بدت ماتتقبل الاكل المرحله الاولى من دراسه خلصت بين لي ينعجب بيه ولي يخطب واني ارفض واني نفس وضعي اضحك واسولف بس لي داخلي محد يعرفه ميته على شوفت وميض حتى لو بس صوته محتاجه اسمعه بس كرامتي فوك كل شي
كل لي شوفني يكول ضعفانه بس اني جنت مامنتبه على نفسي لحد اول يوم دوام مرحله ثانيه لبنات تعجبو عليه هند لج هاي شمسويه بنفسج يعني رحت كم شهر للبصره ارجع اكالج وحده ثانيه
سجى شمسويه
هند شون هيج ضعفتي
سجى والله استمريت على جدول الدكتور لي كتبه لحد هسه ماشيه عليه لن تركته رجع الم عليه بس اخربط بااكل يرجع كل شي من جديد
