عاهرة السيد

البارت 23

🌹عاهرة السيد🌹
(بقايا أنثى عاشقة) 
البارت 23🥀🥀
بقلم : سلطانة القلم (اكرام)🌿
لا احلل النشر قبل اخد الاذن و الاحتفاض بالبوسط....

ماعاوداتش معاه شمس الهضرة ناضت و هيا مامسوقاش للطريقة باش هضر معاها حيت ولفات 10 سنين ديال المعاملة السيئة و الاحتقار خلاتها تولف طبعوو و طريقة التعامل ديالو معاها... 
دخلات شمس للكوزينة كاضحك و تنقز بانت ليها دادا زينب كاتوجد العشى طبعات قبلة فخدها و كلسات فوق الطاولة و كاتلعب برجيلاتها الحفيانين...
دادا زينب : بنتي مالو معاك تاني؟ 
شمس : (بفرحة) ههه نن غادا يصيفطني لرحلة ا دادا 
دادا زينب : رحلة؟؟ امتى و مع من؟ 
شمس : غدا ا دادا و عفاك عطيني مايتكال فيا الموت د الجووع 
دادا زينب : واخا ا بنتي
تحط العشا فوق الطبلة و دخلات فيه شمس طول و عرض حتا شبعاات و ناضت طلعات لبيتها غسلات سنيناتها و خرجات تاتجري ملي سمعات تيلي كايصوني كان آسر... 

شمس : (بخجل) الو
آسر : حبيبة ديالي جمعتي حوايجك هه 
شمس : اححم كي درتي حتا قنعتي بابا؟ 
آسر : ههه قلت ليك باباك ماغاديش يخسر ليا خاطريي
شمس : احم اهاه و فين انمشيو بضبط؟ 
آسر : مفجأة ا حبيبة حتال غدا و تعرفي مابقا قد مافات غدا مع 10 ديال صبااح انجي نديك... 
تخشات شمس ف فراشها و هيا مزال تاتهضر و تناقش مع آسر فموضوع الرحلة عياات معااه يقول ليها فين ايمشيو مابغاااش بقاو كايدويو حتال 12:30 ديال الليل بدون ملل حتا نعسات شمس بدون ماتحس و خلات آسر حتا هوا ينعس على صوت انفاسهاا...
صبح صبااح و صبح المااالك الله 🌞🌞
9 ديال صباااح و شميسة ديالنا مزااالة ناعسة حتا بدا تيلي كايصوني ناضت مقلوبة بنعاس كي شي زونبي و رجليها بزز باش هازينهاا معلوووم و هيا الليل كامل كاتمعشق مع سيدهوم آسر حتال نصاصات الليل..
هزات تيلي ديالهاهوا الاول لقاتو طافي حطاتو فالشارجور و ناضت دخلات للدوش قضات حاجتها و غسلات سنيناتها و دارت تدويشة فاعلا تاركة و خرجات لابسة بينوار كاضوي هزات كريم بريحة الفريز و دهنات بيه جسمهااا حتا فاحت ريحتو لي تاتحمق لبسات دوبيس فالسود و سرواال تجين مقطع من ركااابي و بيل بيض طايح من الكتااف و خشاتو فالسروااال جاتها اللبسة زااااز اللوز هزات ليبلااك دوزاتو على شعرها الأشقر حتا تسرح و طلقاتو مسرح على ضهرها دارت مكيااج خفييف ركزات فيه على عويناتها مع عكر مااط... 

شافت فالساعة كانت 9:30 هزات صندالا الطالو فالبني لبساتو و هزات صاك فالبني كذالك رشات بارفانهاا و دارت لماساتها الأخيرة.. 
حيدات تيلي من الشارجور و حطاتو فصاكها طبعا مع الشارجور و ليزيكوتور و جرات الفاليز ديالها لي كانت محطوطة جنب باب بيتها...
خرجات من بيتها و هيا جاراها... نزلات فالدروج و دخلات للكوزينة لقات الخدم كايوجدو الفطور... 
شمس : (فرحانة) صباح الخير عليكوووم ههه
دادا زينب : ايهاي هاي شفتك فرحانة اليوم شنو السبب؟؟ 
شمس : نسيتي بلي مسافرة هيهي
دادا زينب : اه و انا نقول اوى الله يخليك ديما فرحانة ا بنتي و يبعد عليك ولاد الحرام ياربي امين 
شمس : (باست ليها راسها) يخليك ليلي يا الحنانة 😘 اححح فيااا جوووع ا زنوبتي😂
دادا زينب : فقتي تاني بعجاجتك ا الموصيبة دوزي تفطري تاكلي فيه جغديد
شمس : مقبووولة منك ا الحب... 
كلسات شمس تاتفطر بشوية عليها حتا تفكرات ماجدة هزات تيلي سيفطات ليها ميسااج علماتها باللي اليووم ايمشييو و شكراتها فيه على اي حاجة و بلي اتوحشها بزاااف... 
رجعاات شمس تيلي لصاكهاا و كملات فطورهاا فحيين دادا زينب كانت غير كاتشوف فيها فصمت ماكانتش مرتاحة لهاد التسفيرة ديال شمس و خصوصااا الى كان ابراهيم هوا لي سيفطهااا بغاات تقوول ليهااا ماتمشيييش ولكن صبرات راسها بلي غير كاتوهم حيت شمس دايراها بنتها و كتر كااع و قال من الأحسن تمشي تفوج شوية تبدل الجو.... 
سمعااات شمس الكلاكسون برااا عرفااتو آسر نااضت بزربة و تلاحت على زينب بتعنيقة قجااتها بوسااان و حتا من زينب بزز باش طلقات منهااا 
جرات فاليزتها و دارت ليها باي باي و خرجات و هيا فرحانة بزاااااف هادي اول تسافيرة ليها من بعد 10 سنييين... 
خرجات شمس من الفيلا و مع الخرجة بان ليها آسر مفركس و مسند على لوطو ديالو كان كايبان بوكوووص بالجهد عضاات شمس على شفتها و ضرباتها بحرية حتال عندو و تلاحت عليه بتعنيقة لي بدورو بادلها التعنيقة بدون شعوور و هوا كايضحك على هبالهااا.. 
آسر : (باسها فحنكها) القطوطة دياليي صباح الخير 
شمس : (حشمانة) صباح النور 
آسر : (باسها بالجهد) شي نهااار ناكلك.. 
شمس هرها و بدات تاضحك ركبها آسر فاللوطو و سد الباب و حط الفاليز ديالها فالكوفر و ركب حداها و سد عليه الباب و ديمارا اللوطو مكسيييري و هواا شاااد فيد شمس ماباغيش يطلقهااا.... 

#يتبع_للغد