🌹عاهرة السيد🌹
(بقايا أنثى عاشقة)
البارت 19🥀🥀
بقلم : سلطانة القلم (اكرام)🌿
لا احلل النشر قبل اخد الاذن و الاحتفاض بالبوسط....ثق ب اني سأحبك إلى ان يتوقف ذلك الذي ينبض
يسار صدري ...💔
شمس : آسر انا...
آسر: (سد ليها فمها) ششش مابغيت نسمع حتا حاجة فكري مزيان انا مستاعد نتسناك (ابتسامة خبت) اجي نوصلك دابا..
جرها آسر من يديها و هيا غير مسايراه و عقلها تايخمم ركبها فاللوطو و ركب حتا هوا و كسيرا طول طريق و شمس تاتشوف فيه صايك و مركز و عاقد حجبانو و تفاحة ادم كاطلع و تهبط و صدرو كذالك و مرة مرة يمسح على نيفو برجولة و ريحتو الروجولية مالية المكان بتسمات للحضة و قالت فخاطرها هادا كامل باغيني انا؟؟
تفكرات القبل ديالهوم غير هادي شوية توردو حنيكاتها و هبطات راسها عضات على شنيفاتها ملي تفكرات هضرتو بلي هيا ليه بزز منها سواء بغات ولا كرهات قلبها بدا تايرفر بالفرحة و اخييرا لقات فارس احلامها الرجل لي كانت من ديما كاتمنى يكون جدااب و شخصيتو قوية و فارض راسو بزز سواء بالخاطر ولا بالزز و يكون طبعا جريئ بلا قيااس و كاع هاد الصيفات لقاتهوم فآسر..بعد دقائق وقف آسر اللوطو قدام الفيلا و ضار شاف فشمس لي كانت مزالة ساهية كاتخمم هز يدو و بدا تايدوزها على شعرها حتا قفزات و دارت شافت فيه
آسر : (بتاسم) حبيبة وصلنا...
شافت فيه شمس و هيا مخرجة عينيها خدودها حمااارووو و قلبها قرب يخرج مامسدقاش اش كاتسمع بودنيهاا...
آسر : (كايضحك و هوا كايلعب بشعرها) ههه مالك ا زين؟
شمس : (بلعات ريقها بصعوبة) ااناا.. ااناا ننن.. احم انمشي..
آسر : هه واخا ا حبيبة سيري ترتاحي ليك شوية..
شمس : تصبح على خيير..
يلاه جاات شمس تنزل حتا جبدها آسر من يدها حتا طاحت فوق منو و ضور دراعو فوق من خصرها
آسر : (بهمس) اتمشي بلا ماتودعيني ااممم ؟
شمس : (شداتها البكية) آسر خليني نمشي..
آسر : (تنهد) اححح على سميت آسر كي خارجة من فمك ا الكتكوتة ديالي.. ششش صافي ا حياتي بوسيني و نطلقك..
شمس بغات غير سلة بلا عنب بدات تاتقرب من حنكو باش تبوسو و يلاه بات تحط شنايفها فوق حنكو حتا قلب آسر وجهو و جات البوسة فشنايفو شدها من دقنها و باااسها بجهد عاد طلق منها..
آسر : (غمزة) و دابا سيري ا حبيبة 😉
بمجرد ماطلقها هزات شمس جلايلهاو نزلات من اللوطو تاتجريي فحين آسر بقا مراقبها حتا دخلات و على وجهو ابتسامة شر و استهزاء
آسر : خخ غبية...عند شمس دخلات لبيتها و هيا تاتجري
سدات عليها الحمام و هيا تاتنهج شافت فالمراية لي قدامها و هيا مامصدقاش الأحدات الجديدة لي وقعو معاها
ضربات حناكها جوج ضربات و هزات ديماكيون و مسحات وجهها حتا تنقى من المكياج و عاودات غسلات وجهها و واخا هكاك عقلها غير مع آسر دارت كريمات مرطبة لوجهها و بدات تاتحيد لاغوب ديالها هزاتها بين يديها و حطاتها فوق السرير و رجعات للدوش سدات عليها خلعات ماتبقى من حوايجها بتعب و وقفات تحت الرشاشة و طلقات عليها الماء و غمضات عينيها و بدات تاتفكر كل لحضة ليها مع آسر و ضحكة بلهاء على شفايفها و قلبها تاتحس بيه تاينبظ بانتضام
بعد دقائق غسلات لحمها مزياان و شعرها و شللات و خرجات لاوية عليها فوطة حلات البلاكار و هيا تاتنشف لحمها و شعرها لبسات سليب فالكحل لبساتو و لبسات فوق منو بيجامة ستان فالغوز بيبي شورط و ديباردور بلا سوتيان لانو ماتاترتاحش فيه فالنعاس.. هزات ماسك حطاتو فوق وجهها و تكات فوق الناموسية ماهيا الى لحضات حتا سمعات تيلي كايصوني..#يتبع
YOU ARE READING
عاهرة السيد
Romance🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...