فهد منو هاي مغا...... لتكون وحده من حبيباتك
استغفر الله رونق اشبيكي
لكن منو هاي
وحده جايه من تركيا وتغيد تغوح عل سليمانيه
واحنه اشعلينا
ولي اسكتي عمر خبرني وقلي خالووو سكنها بيت جدي
انا صراحه اغشعتها واقفه اعوفها تسكن لوحدها
ابو قلب طيب من تشوف مغا ماطيق اله تساعدها
اشبيكي
مابيه مارتحتو الها
وي انكفينا اشعملت حته تقولين هاكذ
مغف
انطمي يله غوحي اغشعي تتعشه
راحت رونق وهو بدا يفكر شنو سالفتها هاي المرا وليش يحس ان شايفها قبل بس مايذكر وين شايفها بالضبط
لحظات ودگ مبايله شاف رقم مال اخته
يا هلا برويحتي اشلونكي
مليحه اشتاكيتلك كثيغ والله عليش ماتجي انت ورونق وتسكن هوني معانا
يووو تعال اتعلم تركي وتعال شوف المشلحات يفترن داير مدايرك
هههههه وانت قلبك مايتحمل
لا مايتحمل
ههههه
وينو عمر
هو قال خبري خالو يسالك عل ديمه
اي جبتوها يمي
صدك
اي ماطقت اعوفها لوحدها وهيه بنت
ونعم منك ابو سمر ونعم
اشسالفتها هيه
معغف
الله يستر عليها بنت وحدها تفرفر
بعد الها ظرفها اكيد
صيحينو لاابنكي خلي افهم علينو
عمر عمر تعال خالك يغيدك
هلوووو خال كيفك
ولك ملعون ابو دغوب هساع اذكرت خالك
والله تعغف هوني شغل ٢٤ ساعه
ماعلينا احكي اشنو سالفتها هاي بنت
خال انت وديها عل سليمانيه
يوووه صعب كثيغ
ليش
ول ابويه منا حغس ومنا البيشمركه لازمنا كفيل وانت تعغف هل شي
اعمل كفاله ياخال البنت تحتاج تثبت نسب ابنها
اشنو ماعنده جنسيه
لاع
وينو ابونو
مات
الله يرحمو غاح اغشع اشعمل
اي والله
سد مبايل وضل يفكر بسالفه هل مرا شنو وشكو وراها
دخلت رونق هيه وبطنها كانت حامل بالشهر الخامس
ها اتعشت
لاع نامت
اي خطيه
عل شنو خطيه (كالتها وهيه تعوج بحلكها)
رونق اشبيكي
تعال نام يمي
لكن يوميه وين انطمغ
اي انيم البنت واجي يمك
ههههه اشنو اشبيكي جنيتي
اجن طبعا والف عفعيت يركبني
هههه والقرعان انتِ جنيتي
احبك واغار عليك
يمه عليكي منو بعد يقلبني وانا صغت الكبيغ وفوكاها اعرج
احسن
ههههه مجنونه
للظهر يله حست عل روحها من التعب فزت عل سريع لمت روحها شالت شعرها مثل كبايه ولبست ومدت راسها
صباح الخير
قولي مساء الخير
اسفه كنت حيل تعبانه
تعالي كليكِ لقمه
الله يرضى عنكم ماتقصرون واني جيت زاحمتكم
لا ماكو زحمه
حلوو بطنكي
هههه
كم شهر
خمسه
تگومين بالسلامه
ربي يسلمكي... هذا قشفه وعسل وغاح اقلي بيض
بدت ديمه تفكر شوكت تروح عل سليمانيه وشلون راح تبدي بهاي الحرب للعصر سمعته يحححح
اخذت ابنها ودخلت للغرفه متريد تضايقهم ضل انس يحوص يريد يطلع يلعب ويه سمر
ضلت تفتر بالغرفه رايحه وجايه تريد تطلع وتبلغه انها باجر تروح عل سليمانيه
وره نص ساعه من ترقب اجت عليها رونق
تعالي اتغدي
لا اخذو راحتكم انا اكل بعدين
براحتكي
ظلت بغرفتها وباليل بادرت وطلبت من رونق انها تريد ان تتكلم ويه فهد
اي اتفضلي ام انس اشعندكي
باجر اطلع عل سليمانيه
ليش لازم ضوجناكي
لا بالعكس ماقصرتو ويايه وعاملتوني مثل وحده منكم
لكن ليش عليش تتركينا
انا جيتوا علمود اروح عل اهل زوجي
وآلله يا اختي خليني اكون معاج صغيح لازمنا وكيل حندخل من كركوك واسايش وتعال وين غايح وين جاي
وسليمانيه تعال جيب كفيل او نسوي اقامه
اي نسوي اقامه انا راح اضل ايام اهناك
طيب غدا نتوكل ونغوح
مشكورة منك ابو سمر بس ماحاجه تجي ويايه
لا اشلون اعوفكي لوحدكي
راح الهيك ويايه
اوصلكي عل اهلكي وارجع
من سمعت كلماته انقهرت ياريت تشوف اهلها او تروح عليهم
شافها سكتت ودنجت راسها
خيرج ام انس
لا مابيه مشكور... تصبح على خير
الله معاج
(رونق) ليش عتغوح معاها
لكن عوفها لوحدها
هيه ماجت من تركيا لهون وحدها
هيه هساع مسؤوله مني اشبيكي
والله انا مامرتاحة من غوحتك معاها
ولي اشبيكي جنيتي غيرانه منها
زوجي ومن حقي اغار علينو
رونق اوديها عل اهلها وارجع
قلبي عيوجعني والله نشوف تاليتها
رجعت عل غرفة وظلت تفكر باجر شراح يصير وشراح تسوي كدامها امور هوايه لازمها حل ظلت تفكر وتفكر لمن غلبها النعاس
اما هو ظل يفكر باامر هذه المرا وشنو مشكلتها ويحس وراها قصه حزينه... مو بس هيج هو يحس انه شايفها بس مجاي يذكر وين؟ شعوره غريب اتجاها
في الصباح الباكر انطلق هو وهيه عل مدينه السليمانيه هو يظن انها ذاهبه الى اهلها وجان يتمنى ان تنحل كل مشاكلها... الطريق كله جان يراقبها شلون متوتره وشلون حاضنه ابنها بخوفه اتنمى يعرف هيه ليش هيجي خايفه ومن شنو خايفه!؟
بعد عدت محطات من الوقوف وصلوا لاحد احياء الموجوده داخل مدينه ظل هو واكف ينتظر احد يجي يستلمها وهيه ظلت تنتظره يروح حتى تبدي رحلتها ظل هو واكف وهيه هم
مشكور ابو سمر
عل شنو هذا واجبي
تكدر تروح ماقصرت ويايه
لا ماروح الما يجي اخوج او ابوج
من سمعت كلامه ضلت ساكته وارتسمت عل وجها علامات الحيره والحزن
خير ان شاء اشبيكي
ماكو من الي ذكرتهم راح يجي
ليش
ابو سمر اني جايه اهنا عل اهل زوجي متوفي
اهاا وهمه وين
اهنا راح اسال عليهم
ماتعغفين همه ويصب!
اسال عنهم؟ انت ارجع عل اهلك انا ادبر حالي
يااا اعوفكي وحدكي مستحيل لما توصلين الهم
راح تتاخر
لا مابيها شي يله... ممكن تخبرين اشنو سالفه
ظلت هيه ساكته ومتريده يدخل بمشاكلها ودخوها وياها
براحتكي لاتقولي!
بعد عدت ساعات وصلت ديمه لبيت اخت ياسين وكفت كبال الباب واخذت نفس عميق وهيه متعرف شراح يصير؟ وشلون راح يستقبلوها؟ وهل راح يعترفون باابنها؟
ام احمد
بين الجدران
Magsimula sa umpisa
