رواية_أوكـــســجــيــن بقلم_فـجـر_الـمسـاري

الفصل الثاني البارت ١٠

يفوت عدنان اشوفه جر الكرسي وكعد مقابيلي

وعمي وعمتي فاتوا لغرفتهم...

باوعتله...

كملي شغلج اريدج تحجيلي عن وضعكم وعن اهلي

شون كضيتوهه ..هزيت راسي... اي

بديت اغسل لمواعين وهو جان شارد بغير عالم

ويشرب جكاره ورا جكاره احس دايحرك بقلبه

وهو صافن اكييد... يفكر بهديل والطفل

خلصت غسلت ايديه واخذت صحن فواكه

وكتله يالله عدنان نصعد للغرفة...

صار شهر عايفتها ومستاقتلكم انت ولغرفه...

صعدنه فوك وكعدت احجيله وابجي عن فقدان

الطفل وكميه الالم الي حسيتها وشون اتمنيت

يكون يمي بلحظتها موجود ويخفف عني المي

كمت ابجي انهاريت اخذني لصدره ويكولي

كافي صابرين... ممقسومنه... ونمنا... .

--كعدنه للصبح شفته كاعد بس حسيته ضايج

وتعبان...

عدنان لا تفكر ربك كريم...

واكيد هسه هيه هم تفكر بيك وبوضعك ويمكن

هم خايفة عليك...

جان يباوعلي واخذني لحضنه والله انتي بنت اصيله ضحكت...

وخرت عنه يالله خلي ننزل نتريك...

بعد متريكنه وهناك طلع عدنان للحديقة

وبدا يشتغل بيها...

ام عدنان... هاي تاليها يمه ضابط ويكعد يستغل

بالحديقة شراح يصير بيك بعد...

ضاج وفات جوه ويكولها... .

راح العكسرية ام عدنات وهيبه ويه اهلها... باعوها

برخص الماي .. ..

شفته راح للمشتمل محبيت اضوجه اكيد مشتاقلها

--عدنان ..بعد سقوط العراق وتفكيك لجيش
العراقي وتسريحة... بالمقر نقاتل اني والشباب

اجتي اوامر بالانسحاب بعد تقدم العدوا

من لقوات العلية انسحبنه رحت للعماره ويه ولد

صديقي اسمه حمزة ضيفونه هناك...

مقصروا... بقيت كم يوم بالمزرعة عدهم وبعد

اعلان سقوط بمساعدة ناس خيرة رجعت لاهلي

بخير وسلامه... وشفت الي ينتظرني

صابرين الي مسقطه الطفل وهديل الي تاركة البيت