بين الجدران

بعد وصولهم بيومين بدل واتانق لبس ملابسه السود
ويصب غيح
عليها امي
اها اجي معاك
لا اغيد اتاكد يله اخذكي
اتقرب عل امه وباس راسها امي ادعيلي امي
يمه لساني مايقف من دعوة الك ولاخوك انتم كل حياتي
امي سامحيني
يمه عل اشنو
انا كنت سبب بااذيتكم من ساعدت صديقي
(غوركت عيونها بالدموع وهيه تذكر الحادثه)
لا ابني هذا قدر وصاغ المهم انت واخوك هسه يمي هذا يواسيني ويصبغني
حضنها امه وباس ايديها
وطلع بوجه عل حبه وامله... وهو يصعد الدرج بدا گلبه يدگ مثل دمام حس ان راح يسمعون دقاته وكف گبال الباب ودكها لحظات وفتحت الباب اختها الصغيره
اتفضل عمووو
ضل متبسمر بمكانه مايعرف شيصرف هو لو بيدها يحضنها دخل بخطواته متردده ضل واكف ينتظره شوفتها عل احر من الجمر واخيرا ظهرت كدامه حس بشوفتها گلبه راد يوگف انعقد لسانه وهو يشوفها امور كلها اتخربطت وكلمات ضاعت منه وضل صافن بوجها
هيه هم ظلت ساكته وظلوا اثنينهم واحد يباوع عل لاخ الى ان قاطعهم صوت ام انعام
وييي ليش واقف ابني اقعد الف الحمد لله على سلامتك
الله يسلمكي خاله... اشلونكي انعام
مليحه... الحمدالله على سلامتك
الله يسلمكي... امي قللتلي خذني معاك اتعغف عليهم
والله قصرت ماجبتها معاك
والله خاله اغيد اتاكد يله أجيبها (حول نظره عليها راد منها اي نوع من قبول بس هيه ظلت ساكته ومنزله راسها وتفرگ باايدها)
يمه ابني احنه اهل وهوني بالغربه لازم نكون مع بعض ونساند بعض
اي صح خاله (عيونه عل عليها يريد منها اي حركه او علامه او حتى باابتسامه اله تبين انها موافقه لكنها ظلت مدنجه راسها وتفرگ باايديها)
صاحت امها عليها انعام انعام وين صافنه قومي اعملي قهوه لاابنا
ظل مركز عليها جانت تحرك بالحلقه بايدها الحلقه مال خطيبها السابق حس بوخزه وهيه كباله وهو ولهان بيها وهيه ولا يمها وكل همها تلعب بحلقتها
انقلب داخله من سعاده الى حزن عميق كل امل جان شايله اتبخر كامت من كدامه بلا متباع عليه ولو نظره ظل كاعد واتسرب داخل الظلام بعد ان كان مثل الشمس يشع نور ودفو
وخلال دقايق دخلت ديمه عليهم
شلونك استاذ عمر الف حمدالله على السلامه
الله يسلمكي (لعب بشعر انس وباسه من خدوده)
فرحت برجعتك عل تركيا
بعد ماينفع نضل هونيك ماتعرفين منو يقتلكي منا الحغس ومنا التنظيم
الله يعين العراق واهله
وينها انعام
جوا
اشوفها انس حبيبي ضل يم عمووو
ضل كاعد عل اعصابه ميعرف شيصرف هيه ليش ماتنطيه فرصه ان تحبه

انعام شلونج
زينه
خير شو گالبه خلقتج
استاذ ال برا
شبيه
يريد يجيب امه ويجي
صدك تحجين الف مبروك
هاي شبيج شنو مبروك
ليش
ديمه مااكدر بعدني مناسيه ميثم لساتني اذكر كلشي معاه
اوف اوف
خلي روحج بمكاني اجاج واحد هسه تقبلين.. نسيتيه لياسين
محد كلج انسي بس ابدي بدايه جديده وجربي
راح اظلم ويايه والله اني لهاي لحظه اريد انزع حلقته من ايدي مااكدر
وهسه الولد برا شلون
اني مانطيته امل ولامرا وعدته بشي
حرامات تضيعين هيجي فرصه من ايدج
اذا يحبني صدك خلي يصبر
والله هل ولد مسكين لان حب وحده خبله
ديمه لايسمعج
يله اروح عل شغلي
خذينو معاج
يمه منج

ظل كاعد صح جانت ام انعام مستمره بالحجي بس هو باله جان جوه يمها يريدها تطلع ويشوفها رغم ان قبل شويه مابادرت بااي نظره اله بس هو بحبها ومشتاق الها موت
لحظات طلعت ديمه ودعتهم وراها هيه طلعت قدمت اله كهوة وكعدت باابعد نقطه عنه واتجاهلته تماما وره شويه كامت ام انعام وعافتهم وضل انس يلعب ويدور حولهم كام عل حيله واتقرب منها وكعد يمها
باوعيلي
(ظلت مدنجه راسها)
انعام ارحميني
اشبيك
تعغفين اشبي... ليش هل تجاهل اتجاهي
اسفه يحتاجلي بعد وقت حتى انسى
اسمحيلي اتقربلكي واكيد غاح تنسي
لا ماطيق غاح اظلمك اذا قتولك اني نسيته هو بعد بقلبي ساكن
(كلماتها جانت خنجر وينبت بااحشائه)
ياااا شهل الحب هنيالوو
هنيالو عل اشنو مات وشبع موت
اكو ناس همه عايشين بس همه ميتين
(باوعت عليه ونزلت عيونها)
انا اغيد انساه بس ماطيق لساتني احبو
يكفي تقوليها بوجهي
اسفه مااحب اخدعك
گام عل حيله هاي مغا ثانيه ترفضيني
كامت هيه تغيد اقشمغ عليك وابدي وياك بكذبه
ماطلبت منكي تحبيني... كل اريده منكي تسمحيلي اتقرب منكي لمس ايديها حس برجفتها
ليش ترجفين
وخرت ايديه مجاي ارجف
انعام.(گلبها بدا يدك سريع من قربه الها) اني اريدج حبيبه وزوجة وام لااطفالي
اتقرب اكثر منها بدت تحس انفاسه عل بشرتها
استاذ عمر
اششش (حط اصابيعه عل شفتها)
عمر وخر
روحه وعيونه العمر وكلشي بحياته ولي احبكي اشعمل مااطيق ماافكر بيج
(كل كلمه گالها هزتها هز وازدت من ارتباكها)
بعدته وصاحت انس تعال
لزم ايديها شبيه انس عيلعب
عوف ايدي
ولي احبكي
حبك حنش عوفني
عافته بلهيب ونار تحرك حرك
اخذت انس واندارت عليه لازم اوكله وانيمه من رخصتك
تغفين شي
اشنو
انتِ متعجرفه وتغيديني اتوسل بيج.... وانت ِاتحبيني بس تغيدين اتوسل
ههههه.... غلطان
اسمعيني انا مااتوسل اكثر بس غاح انطيكي هذا
اشنو هذا
مبايل وشريحه غدا غاح اتصل علينو وغاح اسمع منكي جواب
شنو مناسبه اخذ منك مبايل
حبيبتي واغيد اخبرها
هههه اشقد مغرور ومتباهي
انتظركي
انتظر منا ليوم القيامه مراح اخذو
نشوف انعام خانم
خلا وطلع منهم وبعد يتذكر لمست ايديها ولمسة شفتها رغم رفضها بس هو يحس بداخله انها تريده بطريقه اخرى ومتاكد انها راح تفتح موبايل.......
********
فهد حماد الدباغ افراج
وقعت عليه هاي كلمات مثل ماي بارد عل شخص جان بصحراء قاحله وقارب هو عل موت عطشا معرف شيسوي اله ان يسجد لله تعال ويحمده بعد سجن دام سنتين ظلما......
بدا يحضر غراضه واوراقه علمود يطلع هاهيه بدا يودع الكل حوله رغم ان ولا مرا حجه وياهم بس الفرحه الي بصدره جانت جبيره لدرجه انه افترهم كلهم ووبوسهم.... حضر جنطته وباجر راح يترحل عل بغداد ومناك عل موصل بدا يحسب دقايق ذيج الليله من فرحة عينه ماخذت نوم وضل كاعد ينتظر الفجر يطلع راح يطلع ويشوف بنته واخته وابوه واخوته الشوق الداخله جبير..... حس احد دخل للعنبر من دخله عرفهم وعرفه هو بالضبط هو البغدادي هل مرا الكل موجود اكيد ميقتلوه كدام الكل ضلت عيونه تراقبهم وهمه يقتربون نحوه
خير اشتغيدون
سلامتك ابو سمر عل خير سمعنا راح تطلع
الحمدالله غاح اخلص منكم
ههههههههه ماكو احد يخلص منا اعرف راح نلتقي وعن قريب
الله يبعدكم عنا يا ظلام
راح نلتقي اوعدك ان راح نلتقي وعن قريب سلملي عل اخوك وعل كل اهل موصل..... يله خلينا نروح وخلي ينام قرير العين

كل كلمه گالوها حس بيها الف معنى ومعنى انزرع داخله الخوف هو يعرف انهم مايحجون شي اذا مو ينفذوه
ظل يردد الله يلعنهم الله يلعنهم

ام احمد