سيدرا- ندى شبيج
سرمد جاب التحاليل من المختبر
سيدرا اني داموت
وليش دتبجين ندى شبيج فدوه
صخام الصخمج سيدرا لج شبيج
ورم عالمبيض الايسر
صفنت يعني شنو ليش دتبجيييييين كلشي مبيج. هذا غلط كله غلط
سيدرا كتلج حاسه
انجبي انجبي بس سدي حلكج مسحي دموعج
مدااكدر. شون حكول لامي
منو قراها التحاليل
صديقتي اخوها محلل خابرتها وطكيت صور سيدرا كالت حالا تحللين حتخبل
لتخافين
مخااااايفه. مخايفه اني صايمه مصليه بس احمد شحيصير بي. والله اذا ذب ددمعه وحده اموت
لج بابا انجبي مبيج شي باجر باجر من الصبح بس زين يطلع اجيج
سيدرا. شون عفيه
انجبي لتسمع الملائكه الناقله هدى وتكول لامج والله تموت
وين اروح اولها وتاليها تعرف
حبابه ندى الله يخليج بس نعيد التحاليل وهاهي الله يخليج
ميحتاااج دكولج داازف صار اربع شهررر
وانتي لييش عايفه روحج من نعله على الخلفج ليش لج ليييش
مادري صارت بعد سيدرا شسوي
باجر اجيج ووعدي فلوس نسوي تحاليل بغير مختبر لتخافين ماكو شي
سيدرا واحمد شون اذاصدك طلعت مريضه
انجبي داكولج انجببي
سكتت وتشهك واني اشهك وياها
ندى لتعوفيني ماعدي غيرج عفيه صيري قويه اني وياج نتغلب اذا اكو واذا ماكو قابل واحد ميتمرض عادي
سيدرا هم سمعتي احد طاب منه
اي وروح ابويه كومه هاي التلفزيونات والقنوات كلها تتعالج واطيب
مادري خايفه
لتخافين انتي مومنه حبيبتي.
الله كريم
مسحي دموعج واقري قران نامي ارتاحي
حنام راسي انسطر
هدى وين
نايمه متعاركه وي خطيبها ونامت
احسن ختنام.
يله حروح
امانه الله ورسوله عمري انتي لاتخافين الله دليل الحايرين
والنعم بالله
سدته واني وكعت بالكع ميته قهر وبطني تتقلص ويايه يربي دخيل اسمك والله مالي خلك افقد ناس عزاز بعد ثاني يوم الصبح دزيت زين وصدك بدلت ونزلت ابو الحسن وداني لبيت رفل جانت ساعه 10طبيت وعيال رفل. شافوني عمه رفل تعرفني شايفتني قبل فتره بس عيالها استغربوني عاد عرفتهم على اني مرت اخو رفل صعدت جانت رفل عدها غرفتين وهول غرفه الها وغرفه للبنات وسرمد ينام بالهول طبيت لكيتها نايمه كعدتها عيونها منفخه
نداوي كومي
