بقيت فوك راحو ورفل راحت واخذت بناتها اني وزين بقينا بالغرفه شوي وصعدت امل تاخذ غراضها من الغرفه دكت الباب
وكفت ادخل
ها سيدرا اني دااخذ غراضي بيت بهاء انتقلو اليوم
اوك بقيت اباوع عليها طلعت مكياجها وغراضها كومه ملابسها وملابس بتها ورجلها تنزل وترجع تصعد تباوعلي وانصي راسي من تصير عيني بعينها احس عبالك مقهوره عليه مدري اني جيف مقهوره على روحي كمت احس العالم كلها تشفق عليه. كملت ونزلت بقيت متمدده وزين يمي يباوع عالفديوات ذب الايباد كال
ماما ناماي حبيبي تعال اجه بحضني كمت امسد على شعره لحد ماغفه اباوع بوجهه انت هم خطيه هم مضلوم مثلي بس الحمد لله ابوك موجود الله يخلي الك وميخلي احد يتعدى عليك
سمعت صوت السياره فاتت للكراج وراها صوت بهاء يحاجي ضياء
انت اخذها وروح على ذوقها تسوك
الله يسهلكمت ودنيت زين حتى مينام يمي نيمت زين بمكانه
شوي وطبسويت روحي نايمه. سمعته بدل سد الكنتور وفتحه والتلفون ركع مسجات لزمه تقريب النص ساعه يراسل اخر شي ذبه وبقه يدك مسجات عرفت اللي كالت عليه امل صح خايفه حيل انشمر بالشارع الله موجود بقيت مغمضه يوم عن يوم اتاكد انه مالي احد وامي اذا رحتلها ازيدها فوك همها هم مالي مكان من راح ابويه صرت خدامه وراح ابقى طول عمري خدامه شجابني عليه ناس بعلو الجبل. شجابني عليه لو ماخذه كرابتي المايخلف مو احسن هسه قابل صار عدي طفل
اي عدي زيون حبيبي بقيت مغمضه حسيته اجه يم الفراش مد ايده تلمس كصتي. وجر ايده لشعري تلمسه جر نفس واندار شال زين وخلاه بفراشه بالكع وزين تنحسنام بابا نام دير بالك ايدك
رجع نام طفه الضوه وافتر نام يمي كلشي بيه تشنج حسيته هدا ببعد عني بطرف الفراش. هديت بديت اغفى حسيته تقرب مني بهدوء رجعت تشنجت قرب راسه من ركبتي جر نفس غمييج وباسهارجعت ركبتي ابتعدت عنه كال
شدعوه هلكد كارهتني
مرديت بقيت مغمضه.
تتذكرين من جنتي تنتضرين اغفه حتى تخلين راسج على صدرييحجي بهدوء ورجفه بصوته فعلا جان يغفى واني انام على صدره مثل الافلام. واني عبالي نايم. جر ايدي بهدوء مشاها على جسمه كال
تحبين تنامين هنا ادري بيج
رفه جفني حسسته بصحوتي كال
ادري بيج كاعده
مفتحت عيني اخذ ايدي تلمسها ومشاها على وجهه حراره نفسه ذوبت كلبي خلاها على اذنه تلمستها سمعت ونته
اييي احب هيجبقيت صافنه عليه انسان غريب جر ايدي حسيت ديلبسني محبس فكيت عيني باوعتله مستغربه باوعلي ابتسم