سجى نص ساعه وتصل رد عليه الحجي ونهى وياه ضلينه اني وخالو والحجيه نسولف
الحجي حبيبت خالو خو ما زعلانه ضايجه من وميض
سجى لا خالو ماكو شي بينه ليش ازعل
الحجي اقصد قطع اجازته وانتو هستوكم مزوجين
سجى لا خالو شغله هيج اني اعرف ميكدر يعوفه نمير هم جان مثله ساعه بالبيت ويوم بدوام
الحجي الله يسعدكم وشوف ذريتكم
سجى العصر اتصلت ايناس تريد تجي تبارك لنه واجتي هي وزوجها تعجبو لن وميض دوام
ايناس معقوله توكم مزوجين وتركج وداوم
سجى عدهم شغل
ايناس وهاي بس هو موجود والله وليد شهرين هو تارك شغله ويوميا سفره مظل مكان يعتب علينه
سجى بالعافيه الله يسعدكم وليد شغله حر عادي
ايناس شكرا حبي تدرين حتى اطفال ميريد يكول خلينه هسه نتونس نطلع سفرات براحتنه مكلتي شونه وميض وياج
سجى الحمد لله زين
ايناس الجمعه معزومين عدنه انطي خبر لوميض وهسه وليد يتصل عليه يعزمه نروح للمزرعه تخبل هسه تشوفيها شون رتبها وليد
سجى ان شاء الله اكوله كومي نروح لمطبخ دخلنه هي سولف واني اسوي عشاء خالو ضل هو وزوجها يسولف كملنه عشاء وبعدها راحو ساعه ١٢وربع الحجي والحجيه راحو لغرفتهم موعد نومهم اني هم صعدت دخلت اسبح وغير ملابسي تمددت على سرير اجه بالي زوج ايناس وعينه صلفه كل ماالتفت اشوفه يباوع رغم خالو كاعد ويه ماادري ايناس على شنو حبته شعاجبها بي بس هي تموت على حفلات وسفرات اهم شي ذني
وليد اضرب منها هو واهله غفيت محسيت له ساعه ٢حاولت انام مكدرت كمت توضيت مديت السجادة وكعدت اقرأ قران ورها صليت لوجه الله ودعيت للكل كملت ورجعت مددت بس بين الغافيه وبين الكاعده نفتح باب الغرفه دخل وميض جانت ضلمه مجرد ضوء قليل من البالكون غير ملابسه واجه مدد يمي شال راسي وخله ايده وكال جوعان بسرعه نداريت عليه هسه اسويلك تاكل داكوم ولزم ايدي
وميض اني مو كلت نامي ليش كاعده
سجى ها لا نمت وهسه كعدت
وميض ليش هيج انتي لايضل بالج من كال نمير مصدكت كتله بسابع نومه هسه دخلت وشفتج نايمه ضحكت اذكرت نمير كال بس كول بصوت ناصي يمها جوعان بساع تكعد تريد تسويلك ولاتتعاجز لو بعز نومها تكعد
سجى وين شفت نمير
وميض اجه يمنه لدائره
سجى ليش خير
وميض القضيه لي عدنه واحد من دائرتهم ويه المتهمين
ونمير ظمن لجنه تحقيق جايه من دائرتهم علموده
