الانفجار ( الملاك الأسود)

الفصل الثالث عشر

Vote قبل القراءه
عارفه انها ضاقت وقلبك وجعك وزهقتي وتعبتي
بس ربنا مش ناسيكي وهيسعدك وهيفرحك😍❤
عندي يقين #هيستجيب ❤💜
صلوا على الحبيب المصطفى صلى الله عليه وسلم 💞 💞 💞 💞 💞 💞 💞 💞
开始吧
**************************
في كليه الفنون الجميله
دينا /ياعيني علي الناس المدلعه ايس كريم وترمس وحركات اللي يشوفك دلوقتي ميشوفش امبارح وانتي كنتي هتفرقي من العياط
ضربتها شيماء في كتفها /ياناس ياشر كفايه قر
دينا /وعضه أسد ولا نظره حسد
ضحكت شيماء /بقينا سواقين تكاتك  اوي
دينا /انتي لسه واخده بالك ده احنا....
فجأه اصطتدمت به ومن غيره
دينا قبل أن تنظر لمن اصطتدمت به /والله من قبل ما شوف اسفه يادكتور عارفه اني عاميه
ادم لم يستطع كتم ضحكته عليها /ههههههههههههه طب كويس والله انك عارفه
ثم نظر لشيماء /ازيك يا انسه شيماء
شيماء /الحمدلله يادكتور
ادم /كنت عايزكم في مكتبي عشان موضوع مهم
دينا /مش فاضيين
ضربتها شيماء في كتفها /قصدها مش فاضيين بس اكيد عندنا وقت لحضرتك يادكتور
ادم وهو يرتدي نظارته وينظر لدينا /تمام مستنيكم
شيماء بعد رحيله /انتي اتهبلتي يابت انتي ولا ايه حد الدكتور يطلبه يقوله مش فاضيين يخربيت العبط الخام عندك ده
دينا /ماهو اللي رخم اوي بس مز اوي الصراحه
شيماء وهي تضرب كف بكف /ياولي الصابرين  اتنيلي امشي قدامي لما نشوف عايزنا ليه
طرقوا علي مكتبه
ادم من الداخل /اتفضلوا
دخلوا أشار لهم ادم ليجلسوا /اتفضلوا
شيماء/شكرا لحضرتك جدا
دينا بتأفف /حضرتك كنت عايزنا
ادم باستمتاع باغضابها /اه الحقيقه كنت عايز متدربين في الشركه عندي يكون عندهم فكر مختلف ومبدعين وشايف انكم انسب ناس للموضوع ده فلو موافقين ممكن نبدأ من بكره
شيماء وهي سعيده لأنها اخيرا ستحقق ذاتها/ اولا شكرا علي ثقه حضرتك فينا بس ممكن حضرتك تدينا وقت نفكر ونستشير أهلنا الأول
ادم وهو ينظر لدينا وصمتها الغريب /اكيد ممكن خدوا الوقت اللي تحتاجوه
شيماء في نفسها /يارب بس سامر يرضي
شيما لادم /طب متشكره جدا لحضرتك نستأذن احنا
وجذبت دينا التي لم تتحدث منذ دخولهم
شيماء /مالك يابلوه مش بتتكلمي ليه
دينا /اتكلم اقول ايه مش هروح طبعا
شيماء /انتي عبيطه يابنتي دي فرصه بالعمر مين تيجيله فرصه يشتغل في شركات البحيري ويرفض
دينا وهي تحرك كتفها بلا مبالاه /انا
شيماء /يامثبت العقل والدين، ليه بس ياختي
دينا /مش عايزه وخلاص
شيماء بحزم / طب اسمعي بقي انا هقول لسامر ولو وافق هتيجي معايا ورجلك فوق رقبتك
وجذبتها من يدها /يلا هنتاخر

في حاره غاده كانت علياء تجلس مع غاده في غرفتها وهي ترتب ثياب غاده في الحقيبه فاليوم زفافها
علياء /ماله الجميل زعلان
نظرت لها غاده بدموع وفجأه انفجرت بالبكاء
غاده /مش عايزه اتجوز ياعلياء كده مش عايزه اتجوزه حاسه ان انهارده العزي بتاعى مش فرحي هموت ياعلياء
عانقتها علياء ودمعت عيناها علي صديقتها الوحيده /ياقلبي بعد الشر عليكي متقوليش كده بإذن الله ربك هيسعدك وهتشوفي هيجبر بخاطرك ازاي بس انتي قولي يارب
غاده بحرقه /يارررررب
علياء /قومي بقي اتوضي وصلي وادعي كده ربك يدبرها من عنده
قامت غاده وصلت وأخذت تدعي وهي تبكي ان يفرج الله همها ويسعدها