اني هم هيج حجيتها رجف صوتي تذكرت هول الموقف كال. غطيت وجهي بيدي
بس كافي ماريد تتذكرين شي شو باعيلي. تبجين
وخر ايدي من وجهي ابتسم
انتي شوكت تبجين
ماعدي دموع
ههه سمجه انتي بابا
ليش السمجه ماعده دموع
شمدريني مشايفها تبجي
ضحكت وهو هم ضحك باوعلي تلمس خدي كال
راح احضنج وانام
بقيت ساكته راحت ضحكتي تقرب حضنني وجهه كبال وجهي راسه بركبتي صار رفع راسه باوعلي كال
حضنيني انتي هم لتضلين تفكرين
هزيت راسي حضنته بس مو بقوه غفه بقيت اباوع بوجهه تركيب غريب الشارب الثخين مخافي برائه وجهه قساوه حاجبه وطول انفه هم مكدر يخفي الطفل اللي داخله تقربت خليت كصتي على كصته غفيت بعد تعب التفكير حسيت الفجر بقبلاته على خدي وركبتي فكيت عيني ابتعدت كال
لتوخرين لتوخرين
جمدت بمكاني تقرب مني بلهفه مكدرت اقاومه. بادلته بثكل بس بعده جسمي تعبان عبالك ذايبه جان مرتاح لحراره جسمي وذوباني
اموت عليج من متقاومين لو من يبين عليج انج متفاعله هاي القشعره تكفي تكولي انج متاثره بكل لمسه مني غمضه عينج القويه من اتلهف عليج تدمرني. تخلين تحير شون اخليج تتفاعلين اكثر واحاول اتذكر كل الشغلات التحبيها ابوسج بهدوء اتلمس باطن ايدج بهدوء ابوسج من كتفج واطول بالبوسه مو هيج تحبين
فكيت عيني اباوعله
اويل الله من عيونج احترك حررك بيها بهيج وكت ابقي مغمضه لان افقد كل سيطرتي بيها
تلهف اكثر واني بين كلامه ذبت وبين من نفسي ورجفتي وانتبه عليه
اي مو بس انتي المسيطره اني هم مسيطر عليج. انتي ثلج واني ناار بس النار تموع الثلج
ابتعد مرتاح بس بقه حاضنني ويلعب بشعري اذن الفجر وهو يباوع بعيني واني صافنه بعينه وين وداني بهالمشاعر شيريد يموتني مثلا اي داموت اني داموت اكو شي بكلبي اله يدك سريع مثل مراد
شبيج صافنه بوجهي هيج اني حلو
ابتسمت تقرب خله راسه بركبتي شتم قوي وابتعد
انتي ليش هيج ريحتج والله مو قصه شامبو ولاشي اني احب ريحتج انتي حتى ريحه العرك الناتجه منج تختلف
بقيت مغمضه كال
سيدرا انتي تضيعين العقل
فكيت عيني باوعتله عاكد حاجبه ويحجي
شون يعني
يعني افقد كل قوايه واني وياج لدرجه ماسيطر على روحي احس نفسي غير انسان مو ذاك القاصي المومهتم كلشي بيه يريد يرضيج ويدور نقاط ضعفج
بقيت اباوعله وانت تضوج من تشوف نفسك هيج
بس من اصير بهالوضع ارتاح لان اعرف اكو بداخلي انسان نضيف
بارت٢٢
Comenzar desde el principio
